ஜெயலலிதா வழக்கில் மேல்முறையீடு வேண்டாம்: கர்நாடக அரசுக்கு காங்கிரஸ் சட்டப் பிரிவு அறிவுரை

சொத்துக் குவிப்பு வழக்கில் ஜெயலலிதா விடுவிக்கப்பட்டதற்கு எதிராக உச்ச நீதிமன்றத்தில் மேல்முறையீடு செய்ய வேண்டாம் என்று கர்நாடக அரசுக்கு அம்மாநில காங்கிரஸ் கட்சியின் சட்டப் பிரிவு அறிவுறுத்தியுள்ளது.

இது குறித்து கர்நாடக காங்கிரஸ் கமிட்டியின் சட்டம் மற்றும் மனித உரிமைகள் துறைத் தலைமையகம், "சொத்துக் குவிப்பு வழக்கைப் பொருத்தவரை கர்நாடக அரசின் பங்கு என்பது நிர்வாக ரீதியானதே தவிர சட்டப்பூர்வமானது அல்ல.

மேலும், இவ்வழக்கில் கர்நாடக அரசு சம்பந்தப்பட்ட 4 பேரால் கர்நாடக அரசு நேரடியாக பாதிக்கப்படவில்லை. எனவே, கர்நாடக உயர் நீதிமன்றம் ஜெயலலிதா உட்பட 4 பேரை விடுவித்ததில் தலையிடத் தேவையில்லை என கர்நாடக அரசுக்கு அறிவுறுத்தப்படுகிறது" எனத் தெரிவித்துள்ளது.

இந்நிலையில், கர்நாடக முதல்வர் சித்தரமையாவை சந்தித்த பின்னர் செய்தியாளர்களிடம் கர்நாடக காங்கிரஸ் கமிட்டியின் சட்டம் மற்றும் மனித உரிமைகள் துறைத் தலைவர் சி.எம்.தனஞ்சய விளக்கம் அளித்தார்.

அப்போது, "உச்ச நீதிமன்றத்தில் கர்நாடக அரசு தாக்கல் செய்த பிரமாணப் பத்திரத்தில், சொத்துக் குவிப்பு வழக்கு தீர்ப்பில் கர்நாடக அரசுக்கு எந்த விருப்பு, வெறுப்பும் இல்லை எனத் தெரிவித்துள்ளது.

எனவே, இப்போது இந்த வழக்கில் கர்நாடக அரசு உச்ச நீதிமன்றத்தில் மேல் முறையீடு செய்யுமானால் அது அந்த வழக்கு முன்னேற்றத்தில் கர்நாடக அரசு கவனம் செலுத்தி வந்ததாகிவிடும். மேலும் நீதிமன்றத்தை அவமதித்ததாகிவிடும்.

கர்நாடக அரசு இந்த வழக்கில் மேல் முறையீட்டுக்குச் செல்வது தகுந்தது அல்ல என்பது எனது கருத்து. இதையே நான் முதல்வரிடம் கூறினேன். அவர் இது குறித்து பரிசீலித்து அரசு சரியான முடிவு எடுக்கும் என அவர் எனக்கு உறுதியளித்துள்ளார்" என்றார் அவர்.
=

தமிழ் தி இந்து காம்

கோடிக்கணக்கான பணபலத்தால் இந்த வழக்கின் தீர்ப்பு நிர்ணயிக்கப்பட்டுள்ளது, எனவே இனிமேல் இந்த வழக்கு பற்றி பேசினாலே அவதூறு வழக்கு போடுவார்கள் போலிருக்கிறது!

இதுதான் இந்தியாவின் நிலை! பணம் இருந்தால் எப்படியும் வாழலாம் என்பதற்கு இந்த தீர்ப்பு ஒரு உதாரணம்!

சிவா wrote:கோடிக்கணக்கான பணபலத்தால் இந்த வழக்கின் தீர்ப்பு நிர்ணயிக்கப்பட்டுள்ளது, எனவே இனிமேல் இந்த வழக்கு பற்றி பேசினாலே அவதூறு வழக்கு போடுவார்கள் போலிருக்கிறது!

இதுதான் இந்தியாவின் நிலை! பணம் இருந்தால் எப்படியும் வாழலாம் என்பதற்கு இந்த தீர்ப்பு ஒரு உதாரணம்!

மேற்கோள் செய்த பதிவு: 1138577
அடப்பாவிகளா

பெங்களூரு: ஜெயலலிதா மீதான சொத்து குவிப்பு வழக்கில் மேல்முறையீடு செய்வது ஒத்திவைக்கப்பட்டுள்ளது. கர்நாடக அமைச்சரவை கூட்டம் இன்று மாலை 4 மணிக்கு துவங்கி, இரவு 8 மணி வரை நடந்தது.
-
இந்த கூட்டத்தில் 28 அம்சங்கள் குறித்து விவாதிக்கப்பட்டது. இதில் 26வது அம்சமாக, ஜெ., மீதான சொத்துக்குவிப்பு வழக்கில், கர்நாடக ஐகோர்ட் தீர்ப்பை எதிர்த்து மேல்முறையீடு செய்வது குறித்து விவாதிக்கப்படுவதாக இருந்தது. இந்நிலையில், அமைச்சரவை கூட்டத்திற்குப் பின் நிருபர்களிடம் பேசிய கர்நாடக சட்டத்துறை அமைச்சர் ஜெயச்சந்திரா, 'தீர்ப்பு குறித்த சில சட்டரீதியான சந்தேகங்கள் தொடர்பாக, அட்வகேட் ஜெனரலிடம் ஆலோசிக்க வேண்டியிருப்பதால், மேல்முறையீடு குறித்து தற்போது விவாதிக்க வேண்டாம் என அமைச்சரவை கூட்டத்தில் முடிவெடுக்கப்பட்டுள்ளது.
-
அட்வகேட் ஜெனரல் தற்போது வெளியூரில் இருப்பதால், அவரிடம் ஆலோசனை பெற்ற பின், ஜெ., வழக்கில் மேல்முறையீடு செய்வது குறித்து முடிவெடுக்கப்படும். இவ்வாறு ஜெயச்சந்திரா தெரிவித்தார்.
-
தினமலர்