காகிதம் பொறுக்கும் பெண்ணுக்கு ரூ.7.2 லட்சம் வருமானம் .....................

காகிதம் பொறுக்கும் பெண்ணுக்கு ரூ.7.2 லட்சம் வருமானம் என பிழையுடன் அதிகாரிகள் சான்று !



பழைய பேப்பர் பொறுக்கும் பெண்ணின் குடும்ப ஆண்டு வருமானம் ரூ.7.2 லட்சம் என்று அதிகாரிகள் அளித்துள்ள வருவாய் சான்றிதழ் சர்ச்சையை கிளப்பியிருக்கிறது. தவறாக வழங்கிய இந்த சான்றிதழை திருத்தம் செய்து அளிக்க வேண்டும் என்று வலியுறுத்தி பாதிக்கப்பட்டுள்ள பெண் தனது குடும்பத்தினருடன் திருநெல்வேலி ஆட்சியர் மு. கருணாகரனிடம் முறையிட்டார்.

திருநெல்வேலி கொக்கிரகுளம் வீரராகவ புரத்தைச் சேர்ந்த கூலித் தொழிலாளி மாடசாமி மனைவி அன்னத்தாய். ஆட்சியர் அலுவலகத்தில் நடைபெற்ற மக்கள் குறைதீர்க்கும் நிகழ்ச்சியில் இவர் கோரிக்கை மனு அளித்தார்.

அந்த மனுவில் கூறியிருப்பதாவது: திருநெல்வேலி ஆட்சியர் அலுவலகத்தைச் சுற்றியுள்ள பகுதியில் காகிதம் பொறுக்கி பிழைப்பு நடத்துகிறேன். இதன்மூலம் மாதத்துக்கு ரூ.2 ஆயிரம் வருமானம் கிடைக்கும்.

எனது மகள் சுபாவுக்கு 4.6.2015-ம் தேதி திருமணம் நடக்கவுள்ளது. அரசு வழங்கும் திருமண உதவித்தொகை பெறுவதற்கு பாளையங்கோட்டை வட்ட அலுவலகத்தில் வருமானச் சான்றிதழ் கேட்டு விண்ணப்பம் செய்திருந்தேன். அதிகாரிகள் அளித்துள்ள வருமான சான்றிதழில் எங்களது ஆண்டு வருமானம் ரூ.7,20,002 என்று குறிப்பிட்டி ருந்தது அதிர்ச்சி அளிக்கிறது.

இந்த அளவு்ககு வருமானம் வருவதற்கு எங்களது குடும்பத்தில் யாரும் எந்த ஒரு அரசுப் பணியையோ, தனியார் நிறுவனங் களிலோ பணிபுரியவில்லை. சுபா பி.காம். படித்துவிட்டு வேலையில்லாமல் இருக்கிறார். எனக்கு தவறாக வருமான சான்றிதழ் வழங்கப்பட்டுள்ளது.

எனது மகளுக்கு திருமண உதவித்தொகை பெறுவதற்காக வருமான வரம்பை ரூ.72 ஆயிரத்துக்குள் நிர்ணயம் செய்து திருத்தப்பட்ட வருமான சான்றிதழ் வழங்க வேண்டும் என்று மனுவில் தெரிவிக்கப்பட்டிருந்தது.

அன்னத்தாய்க்கு அளிக்கப் பட்ட வருமான சான்றிதழில், போக்குவரத்து உபகரணங்கள் இயக்குபவர்கள் மற்றும் தொழிலாளர்கள், உற்பத்தி மற்றும் தொடர்புடைய தொழில்கள் மூலம் குடும்ப ஆண்டு வருமானம் ரூ.7,20,002 என விசாரணை அடிப்படையில் சான்றளிக்கப்படுகிறது என்று குறிப்பிடப்பட்டிருந்தது.

தி ஹிந்து

போகிற போக்கை பார்த்தால் நிறைய பேருக்கு 'கால்குலேட்டர் ' வாங்கித்தர வேண்டி வரும் போல இருக்கே !