சாதிப்பதில் இன்னும் அசத்தும் செரீனா!

-
உலக சாதனைக்கு இன்னும் 2 உலக அளவில்
(Oper era) 22 கிராண்ட்ஸ்லாம் பட்டங்களை
வென்ற சாதனையாளராக ஸ்டெபி கிராப் இருக்கிறார்.
அவரது சாதனையை சமன் செய்ய இன்னும்
2 பட்டங்களே செரீனாவுக்குத் தேவை.
–
எதிரில் யார் நின்றாலும் தன்னை எதிர்த்து மோதுவது
யார் என்று அச்சப்படுவதே இல்லை செரீனா. தனது
முழு பலத்தையும், திறமையையும் திரட்டி
வாயடைத்துப் போக வைத்து விடுவார் செரீனா.
33 வயதானவர் ஆடும் ஆட்டமா என்று நமக்கே
ஆச்சரியமாக இருக்கும்.
–
காதலர் வந்த பிறகு
செரீனா கடந்த 2012ம் ஆண்டுக்குப் பிறகுதான் புயல்
வேகத்திற்கு மாறத் தொடங்கினார். காரணம்,
அவருக்குக் கிடைத்துள்ள காதலரும், பிரான்ஸைச்
சேர்ந்த டென்னிஸ் பயிற்சியாளருமான
பாட்ரிக் மொரட்டோக்ளோதான். அவர் வந்த பிறகு
7 பட்டங்களை வென்றுள்ளார் செரீனா.
–
அடுத்து விம்பிள்டன், அமெரிக்க ஓபன் டென்னிஸ்
போட்டிகள் வரவுள்ளன. அவற்றையும் செரீனா
வெல்வார் என பாட்ரிக் நம்பிக்கை தெரிவித்துள்ளார்.
–
அசைக்க முடியாத நிலையில் தற்போதைக்கு
செரீனா அசைக்க முடியாத வீராங்கனையாக உள்ளார்.
அவருக்கு சமமான போட்டியாளர்களாக கருதப்படும்
மரியா ஷரபோவா, அனா இவனோவிக்,
கரோலின் ஒஸ்னியாக்கி ஆகியோர் தற்போது பார்மில்
இல்லை. பெட்ரோ கிவிட்டோவா,
விக்டோரியா அஸரென்கா ஆகியோரும் பலமாக இல்லை.
–
இந்த நிலை காரணமாக இன்னும் 2 ஆண்டுகளுக்கு
செரீனா வில்லியம்ஸ் அசத்தலாக ஆடுவார் என்று
எதிர்பார்க்கப்படுகிறது. ஏதாவது புதிய இளம் வீராங்கனை
வந்து அப்செட் செய்தால்தான் உண்டு.
–
பெஸ்ட் யார் தற்போது செரீனாவின் தொடர்
வெற்றிகளைத் தொடர்ந்து உலகின் மிகச் சிறந்த
வீராங்கனைகளான மெளரீன் கனோலி, மார்கரெட் கோர்ட்,
மார்ட்டினா நவரத்திலோவா, ஸ்டெபி கிராப் ஆகியோருடன்
செரீனா வில்லியம்ஸும் இணைந்துள்ளார்.
இதில் யார் பெஸ்ட் என்ற விவாதமும் சூடு பறக்கத்
தொடங்கி விட்டது.
–
மார்ட்டினா பாரீஸில், பிரெஞ்சு ஓபன் பட்டத்தை வழங்கிப்
பேசிய மார்ட்டினா நவரத்திலோவா இதுகுறித்துக்
கூறுகையில், என்னைப் பொறுத்தவரை செரீனாதான்
பெஸ்ட் என்று வாயாரப் பாராட்டி மகிழ்ந்தார்.
–
—————————
–தமிழ் ஒன் இந்தியா காம்