விவசாயியை மணந்த கேரளப் பெண் அமைச்சர்

**ayyasamy ram** · **ayyasamy ram** Mon May 11, 2015 9:18 am

-
கேரள மாநிலத்தைச் சேர்ந்த அமைச்சர், பாரம்பரிய ஹிந்து பழங்குடியின முறைப்படி விவசாயியை ஞாயிற்றுக்கிழமை திருமணம் செய்து கொண்டார்.
-
இந்தத் திருமண விழாவில் மாநில முதல்வர் உம்மன் சாண்டி, எதிர்க்கட்சித் தலைவர் அச்சுதானந்தன் மற்றும் மாநில அமைச்சர்களும் கலந்து கொண்டனர்.
-
மாநில பழங்குடியினர், இளைஞர் நலன் விவகாரங்கள் துறை அமைச்சராக இருப்பவர் ஜெயலட்சுமி. இவரது உறவினர் அனில்குமார், விவசாயி.இருவரும் வயநாடு அருகே உள்ள சொந்த ஊரான மாம்பயில் என்ற கிராமத்தில் ஞாயிற்றுக்கிழமை திருமணம் செய்து கொண்டனர்.
-
இவர்களது திருமணம் பாரம்பரிய பழங்குடியின முறைப்படி நடைபெற்றது.
திருமண விருந்துக்கும் ஏற்பாடு செய்யப்பட்டிருந்தது.
-
முன்னதாக, உம்மன் சாண்டி, அச்சுதானந்தன் ஆகியோரிடம் ஜெயலட்சுமி ஆசி பெற்றார்.
நீண்ட காலத்துக்குப் பிறகு, முதல் முறையாக ஓர் அமைச்சரின் திருமணம் நடைபெற்றதால், அந்த நிகழ்ச்சிகள் தொலைக்காட்சி அலைவரிசையில் நேரடியாக ஒளிபரப்பப்பட்டன.
-
கடந்த 1977-ஆம் ஆண்டு உம்மன் சாண்டி அமைச்சராக இருந்தபோது அவர் திருமணம் செய்து கொண்டது குறிப்பிடத்தக்கது.
-
தினமணி