தனக்கு பிறக்கபோகும் குழந்தைக்காக புற்றுநோயை பொருட்படுத்தாமல் உயிரிழந்த தாய்

by நவீன் Mon May 11, 2015 7:40 pm

அமெரிக்காவை சேர்ந்த தம்பதி மெக்ஸ் மற்றும் லிஸ் ஜொஸ் தம்பதியினர். லிஸ்சை பரிசோதித்த மருந்துவர்கள் அவருக்கு புற்றுநோய் இருப்பதாக கூறியுள்ளனர். அப்போது அவர் கர்ப்பமாக இருந்துள்ளார். இந்நிலையில் நோயை குணப்படுத்த சிகிச்சை மேற்கொள்ள வேண்டுமென்றால் கர்ப்பத்தை கலைக்க வேண்டும் என்று அவரை பரிசோதித்த மருத்துவர்கள் தெரிவித்தனர்.

ஆனால் லிஸ் தனது கர்ப்பத்தை கலைக்க மறுத்துவிட்டார். இந்நிலையில் அந்த தம்பதியினருக்கு குழந்தை பிறந்தது அதற்கு லில்லி என பெயர் வைத்தனர். இந்நிலையில் அவர் குழந்தை பிறந்த 6 வாரத்தில் புற்றுநோய் காரணமாக இறந்துவிட்டார். இருந்தாலும் தனது தாயின் முகம் மற்றும் குரலை குழந்தை லில்லி உணரும் வகையில் ஹென்ஸ் என்பவர் 40 வீக்ஸ் என்ற ஆவணப்படத்தை எடுத்துள்ளார். அதில் லிஸ் கர்ப்பமாக இருந்த போது பட்ட துயரங்களை பதிவு செய்துள்ளார்.

மேலும் அந்த ஆவணப்படத்தில் தன் குழந்தைக்கு கற்று தர நினைத்த சிலவற்றை தம் சொந்த குரலில் லிஸ் கூறியுள்ளார். அதில் புற்று நோயினால் தான் அனுபவிக்கும் துயரங்களை விட தனக்கு குழந்தை பிறக்கபோகிறது என்ற மகிழ்ச்சியே முக்கியம் என லிஸ் கூறியுள்ளார். அந்த ஆவணப்படம் பார்ப்பவர்களின் இதயத்தை நெகிழ செய்துள்ளது.

நன்றி

தினகரன்