அமிர்தசரஸ் பெண்ணுக்கு 'பிளாஸ்டிக் குழந்தை', மருத்துவமனையில் தொடர்ந்து சிகிச்சை

அமிர்தசரஸ்,

பஞ்சாப் மாநிலம் அமிர்தசரஸ்சில் 24 வயது இளம்பெண்ணுக்கு 'பிளாஸ்டிக் குழந்தை' பிறந்து உள்ளது. குழந்தை இதுவரையில் கேள்விபட்டிராத வண்ணம் ரப்பர் பொம்பை போன்றும் ஊர்வனவை கொண்ட தோல்களையும் கொண்டு உள்ளது.

இதுபோன்ற குழந்தைகள் பிறப்பது மிகவும் அரிதானது ஆகும். பிறக்கும் 6 லட்சம் குழந்தைகளில் இதுபோன்று ஒரு குழந்தைக்கு இதுஏற்படுகிறது. இதுபோன்று அமிர்தசரஸில் குழந்தை பிறந்தது இரண்டாவது முறையாகும். ஏற்கனவே கடந்த 2014ம் ஆண்டு இதுபோன்ற குழந்தை பிறந்து, மூன்று நாட்களில் உயிரிழந்து விட்டது. 'பிளாஸ்டிக் போன்று குழந்தைகள் பிறப்பது அறிவியல் பூர்வமாக கொலோடியன் குழந்தைகள் என்று அழைக்கப்படுகிறது. குழந்தைகளுக்கு தோல் இருக்காது. ரப்பர் போன்று இருக்கும். ராஜஸ்தான் மாநிலத்தை சேர்ந்த பெண்ணுக்கு அமிர்தசரஸ்சில் உள்ள மையத்தில் இந்த குழந்தை பிறந்து உள்ளது. குருனானக் தேவ் மெடிக்க கல்லூரி மற்றும் மருத்துவமனையை சேர்ந்த டாக்டர்கள் கடந்த வெள்ளியன்று குழந்தையை ஆய்வு செய்தனர்.

“யாரும் தொட்டால் குழந்தை அழதொடங்கி விடுகிறது. பெண் குழந்தை ஒரு ரப்பர் பொம்மை போன்றும், ஒரு மீன் போன்றும் உள்ளது. குழந்தையின் உதடுகள் மற்றும் கண்கள் மிகவும் சிவப்பு நிறத்தி உள்ளது. குழந்தையால், தாயிடம் இருந்து தாய்ப்பாலும் எடுத்துக் கொள்ள முடியவில்லை,” என்று சிறுமிக்கு சிகிச்சை அளித்த டாக்டர்களில் ஒருவர் தெரிவித்து உள்ளார். சிறுமியின் பிறப்பை, பிளாஸ்டிக் குழந்தை என்பதை உறுதி செய்த, மருத்துவமனையில் குழந்தைகள் துறை நிபுணர் டாக்டர் எம்.எஸ். பானு “கொலோடியன் குழந்தை கடந்த வெள்ளியன்று சிகிச்சைக்காக மருத்துவமனைக்கு கொண்டு வரப்பட்டது,” என்று தெரிவித்து உள்ளார்.

மரபணு கோளாறு காரணமாக இதுபோன்ற குழந்தை பிறப்பு காணப்படுகிறது. மரபணுக்களில் ஏற்படும் திடீர்மாற்றம் காரணமாக, ஆடோசொமால் பின்னடைவு,
பிறவியிலேயே இக்தியோசிஸ் (செதில் தோல் நிலை) ஆகியவற்றாலும் இது காணப்படுகிறது. இவ்வகையான குழந்தைகளின் தோல்கள் மிகவும் மெல்லியதாக காணப்படும். இதுபோன்ற பிளாஸ்டிக் குழந்தைகளின் தோல்களில் வெடிப்புகள் காணப்படும், அவர்களுடைய தோலில் சவ்வுகள் 15 முதல் 30 நாட்களுக்கு ஒரு காலத்தில் உரியும் தண்மை கொண்டது. சிலவற்றில் இவை குழந்தைகளின் வாழ்க்கையை துன்பகமாக்கிவிடும். தொடர்ந்து தோல்கள் உரியும் நிலை காணப்படுவதால் குழந்தைகள் தொற்றுநோய் போன்ற எச்சரிக்கையும் கொண்டு உள்ளது. வாழ்நாள் முழுவதும் இந்தஎச்சரிக்கை தொடரும். என்று தெரிவிக்கப்பட்டு உள்ளது.

கொலோடியன் குழந்தைகள் பருவகாலத்திற்கு முன்னதாக பிறந்தவர்கள், பிளாஸ்டிக் குழந்தைகள் என்றும் அறியப்படுகிறார்கள். குழந்தையின் மேல்பகுதி மஞ்சள் நிறத்தில் காணப்படும், தோல் மிகவும் இறுக்கமாகவும், காய்ந்து போனது போன்றும் காணப்படும். செதில்கள் உரிவது போன்று தோல்கள் உரிவதால் பெரிதும் துன்பத்திற்கு உள்ளாவார்கள். இது மிகவும் அரிதானநோய் ஆகும் என்று மருத்துவர்கள் தரப்பில் தெரிவிக்கப்பட்டு உள்ளது.

நன்றி
தினத்தந்தி

ஆச்சரியம் தான்