துபாய் விமான நிலையத்தில் சீக்கியர் அவமதிப்பு

துபாய்: துபாய் விமான நிலையத்தில் பிரிட்டன் வாழ் சீக்கியர்அவமதிக்கப்பட்டதாக புகார் எழுந்தது.பிரிட்டனில் வரும் 7-ம் தேதி பார்லி.பொதுத்தேர்தல் நடக்கிறது. இதில் வடக்கு அயர்லாந்து தொகுதியில் , கன்சர்வேட்டிவ் கட்சி சார்பில் வேட்பாளராக இந்திய வம்சாவளியைச் சேர்ந்த சீக்கியர் அமன்தீப்சிங் பாஹல் போட்டியிடுகிறார். இதற்காக தீவிர பிசாரம் செய்து வருகிறார்.

இந்நிலையில் நிகழ்ச்சி ஒன்றில் பங்கேற்க அமன்தீப் சிங் பாஹல் துபாய் சென்றிருந்தார். அப்போதுதுபாய் விமான நிலையத்தில் பாதுகாப்புப்பணியில் ஈடுபட்ட போலீசார் அவரை சந்தேகத்தின் பேரில் விசாரித்தனர். பின்னர் அவரது தலைப்பாகையை கழற்றுமாறும், வலது கையில் அணிந்திருந்த வளையலையும் அகற்றுமாறு கட்டாயப்படுத்தி அவமதித்ததாக தகவல்கள் வெளியாகியுள்ளது.

இது குறித்து அமன்தீப்சிங் பாஹல் டுவீட்டரில், இது எனக்கு நேர்ந்த அவமானம் மட்டுமல்ல நான் சார்ந்த மதத்திற்கும் தான் . பிரிட்டன் அரசிற்கு புகார் அளித்துள்ளேன் என தெரிவித்தார்.

இந்தியாவில்பஞ்சாப் மாநிலம் ஜலாந்தரை ச்சேர்ந்தவர் அமன்தீப்சிங் பாஹல், பிரிட்டனின் கன்சர்வேடிவ் கட்சி சார்பில் வடக்கு அயர்லாந்து தொகுதியில் வேட்பாளராக போட்டியிடுகிறார். பிரிட்டடன் தேர்தலில் முதன்முறையாக சீக்கியருக்கு வாய்ப்பு அளிக்கப்பட்டுள்ளது.

சீக்கியர் அவமதிக்கப்பட்ட சம்பவம் பிரிட்டன் அரசுக்கும் தெரிவிக்கப்பட்டுள்ளதாகவும் இதுதொடர்பாக சமாதான முயற்சிநடப்பதாகவும் தகவல்கள் தெரிவிக்கின்றன. எனினும் இந்த சம்பவம் இந்தியாவிலும், பிரிட்டனிலும் உள்ள சீக்கியர்களை கொந்தளிக்க வைத்துள்ளது.
-
தினமலர்

நம்ம தமிழருக்கு இங்கேயே அவமானம்தான். ஆந்திராவில், கேரளாவில், கருநாடகத்தில்......