பிறப்பின் வருவது யாதெனக் கேட்டேன்

by **T.N.Balasubramanian** Thu Apr 30, 2015 12:24 pm

பிறப்பின் வருவது யாதெனக் கேட்டேன்

பிறப்பின் வருவது யாதெனக் கேட்டேன்
பிறந்து பாரென இறைவன் பணித்தான்!
படிப்பெனச் சொல்வது யாதெனக் கேட்டேன்
படித்துப் பாரென இறைவன் பணித்தான்!
அறிவெனச் சொல்வது யாதெனக் கேட்டேன்
அறிந்து பாரென இறைவன் பணித்தான்!
அன்பெனப் படுவது என்னெனக் கேட்டேன்
அளித்துப் பாரென இறைவன் பணித்தான்!
பாசம் என்பது யாதெனக் கேட்டேன்
பகிர்ந்து பாரென இறைவன் பணித்தான்!
மனையாள் சுகமெனில் யாதெனக் கேட்டேன்
மணந்து பாரென இறைவன் பணித்தான்!
பிள்ளை என்பது யாதெனக் கேட்டேன்
பெற்றுப் பாரென இறைவன் பணித்தான்!
முதுமை என்பது யாதெனக் கேட்டேன்
முதிர்ந்து பாரென இறைவன் பணித்தான்!
வறுமை என்பது என்னெனக் கேட்டேன்
வாடிப் பாரென இறைவன் பணித்தான்!
இறப்பின் பின்னது ஏதெனக் கேட்டேன்
இறந்து பாரென இறைவன் பணித்தான்!
'அனுபவித்தேதான் அறிவது வாழ்க்கையெனில்
ஆண்டவனே நீ ஏன்' எனக் கேட்டேன்!
ஆண்டவன் சற்றே அருகு நெருங்கி
'அனுபவம் என்பதே நான்தான்' என்றான்!

கவிஞர் கண்ணதாசன் :

ரமணியன்

by **ayyasamy ram** Thu Apr 30, 2015 12:34 pm

பிறப்பின் வருவது யாதெனக் கேட்டேன் 103459460

பிறப்பின் வருவது யாதெனக் கேட்டேன் 3838410834

-
இக்கவிதையில்,
’ஆண்டவன் என்றொருவன் வெளியில் இல்லை;
நம் அனுபவங்களில்தான் அவன் வாழ்கிறான்’
என்றுரைக்கும் கவியரசரின் தீர்க்க தரிசனம்
நம்மை வியப்பிலும், பிரமிப்பிலும் ஆழ்த்துகிறது ...
-

by **T.N.Balasubramanian** Thu Apr 30, 2015 1:12 pm

ரமணியன்

by **விமந்தனி** Thu Apr 30, 2015 1:44 pm

நன்று

by **Aathira** Thu Apr 30, 2015 10:10 pm

கவியரசர் கவியரசர்

by **Aathira** Thu Apr 30, 2015 10:11 pm

அழகானதொரு பதிவு ரமணீயன் சார்

by **krishnaamma** Thu Apr 30, 2015 10:19 pm

அருமையான பகிர்வு ஐயா புன்னகை

by **T.N.Balasubramanian** Fri May 01, 2015 4:50 pm

Aathira wrote:கவியரசர் கவியரசர்

மேற்கோள் செய்த பதிவு: 1134046

அவரை பற்றி நினைக்கையிலேயே ,மனதில் எவ்வளவு வேறுபட்ட எண்ணங்கள் .இப்பிடியும் ஒரு அபூர்வ
பிறவியா ? என்ன பாபம் செய்தார் தமிழ்நாட்டில் பிறந்து .
UK /US இல் பிறந்து இருந்தால் அவர் இருக்கும் இடமே வேறு .
அவர் படித்த படிப்பு என்ன ?
அவர் வடித்த கவிதைகள் என்ன ?
அவர் கை படாத தொடாத விஷயங்கள் எதுவுமே இல்லையே .
ஆன்மிகம் , காதல் ,இலக்கியம் , அரசியல் , மத வேறுபாடு பாராமை ,
அதிசய பிறவியம்மா அவர் .
பேசிக்கொண்டே இருக்கலாம்
எழுதிக்கொண்டே இருக்கலாம் இவரைப் பற்றி .

ரமணியன் .