`கடலூரில் லஞ்சம் வாங்கிய பெண் அதிகாரி!'- ஓய்வுக்கு 2 நாள்கள் இருந்த நிலையில் கைது

-
கைது செய்யப்பட்ட பெண் சமூக நலத்துறை அலுவலர் ஜெயப்பிரபா
தாலிக்குத் தங்கம் வழங்கும் திட்டத்தில் லஞ்சம் வாங்கிய சமூக நலத்துறை பெண் அலுவலர் மற்றும் இடைத்தரகர்கள் லஞ்ச ஒழிப்புத் துறையினரால் கைது செய்யப்பட்டிருக்கின்றனர்.

கடலூர் மாவட்டம், விருத்தாசலம் அண்ணா நகரைச் சேர்ந்தவர் கோவிந்தராஜ். பழைய இரும்பு பொருள்களை வாங்கி விற்கும் வியாபாரியான இவரின் மூத்த மகள் தமிழரசிக்கு கடந்த 9-ம் தேதி திருமணம் நடைபெற்றது. அதையடுத்து தாலிக்குத் தங்கம் வழங்கும் நலத்திட்டத்தில் பதிவு செய்வதற்காக விருத்தாசலம் ஊராட்சி ஒன்றிய அலுவலகத்துக்குச் சென்று, சமூக நலத்துறை விரிவாக்க அலுவலகத்தில் விண்ணப்பித்தார்.

அந்த விண்ணப்பத்தைப் பெற்றுக்கொண்ட சமூக நலத்துறை விரிவாக்க அதிகாரியான ஜெயபிரபா, கோவிந்தராஜிடம் லஞ்சமாக ரூ.4,000 கேட்டிருக்கிறார். அதற்கு, `அவ்வளவு பணம் என்னால் தர முடியாது. குறைத்துக் கேளுங்கள்’ என்று கூறிய கோவிந்தராஜிடம், 200 குறைத்துக்கொண்டு 3,800 ரூபாய் கொடுங்கள் என்று அதிகாரி ஜெயபிரபா கறார் காட்டியதாகத் தெரிகிறது.

வேறு வழியின்றி கையில் வைத்திருந்த 800 ரூபாயை முன்தொகையாகக் கொடுத்துவிட்டு வந்திருக்கிறார் கோவிந்தராஜ். அதையடுத்து மீதித் தொகை 3,000 ரூபாயைக் கொடுத்தால்தான் விண்ணப்பத்தை பரிசீலிப்பேன் என்று கோவிந்தராஜை ஜெயபிரபா தொல்லை செய்ததாகக் கூறப்படுகிறது. அதனால் மன உளைச்சலுக்கு ஆளான கோவிந்தராஜ், கடலூர் லஞ்ச ஒழிப்புத்துறையில் புகார் அளித்தார். அதையடுத்து ரசாயனம் தடவப்பட்ட 3,000 ரூபாயை கோவிந்தராஜிடம் கொடுத்தனுப்பியிருக்கிறது லஞ்ச ஒழிப்புத்துறை. அந்தப் பணத்தை வாங்கிக்கொண்டு ஊராட்சி ஒன்றிய அலுவலகம் சென்ற கோவிந்தராஜ், கார்த்திக் என்ற இடைத்தரகர் மூலம் ஜெயபிரபாவிடம் கொடுத்திருக்கிறார்.

அப்போது அங்கு மறைந்திருந்த லஞ்ச ஒழிப்புத்துறையினர் ஜெயபிரபாவிடம் பணம் சென்றுவிட்டது என்பதை உறுதிப்படுத்தியவுடன் அவரைக் கையும் களவுமாகக் கைது செய்தனர். அவருடன் இடைத்தரகரான கார்த்தி என்பவரையும் கைது செய்தனர். கைது செய்யப்பட்டிருக்கும் ஜெயபிரபா வரும் 29-ம் தேதியுடன் பணி ஓய்வு பெற இருக்கிறார் என்பது குறிப்பிடத்தக்கது.

-விகடன்

அவர் சேவையில் இருந்த நாட்கள் முழுவதும் லஞ்சம் வாங்கி இருப்பார். தெய்வம் நின்று கொன்றது.

இவர் இந்த பதவியை அடைவதற்கு எவ்வளவு லஞ்சம் கொடுத்தாரோ தெரியவில்லை.
அவரும் ஒரே அடியாக லக்ஷத்தில் கொடுத்துவிட்டு தவணை முறையில் ஆயிரம் ஆயிரமாக
திரும்ப பெறுகிறாரோ என்னவோ!
போகட்டும் இப்போதெல்லாம் படிப்பே வ்யாபாரமாகி விட்டது.
இளநிலைக்கு இவ்வளவு தொகை
முது நிலைக்கு இவ்வளவு தொகை
முனைவர் பட்டத்திற்கு இவ்வளவு தொகை.
முன்பெல்லாம் முனைவர் பட்டம் பெற குறைந்தது 3 முதல் 5 ஆண்டுகள் ஆகும்.
பயிலும் மாணவ மாணவிகளை பல்கலை கழக நூலகங்களிலும் கன்னிமரா நூலகங்களிலும் நோட் புக்கும் கையுமாக பார்க்கலாம்.
இப்போதெல்லாம் மிகவும் சுலபம் . காபி பேஸ்ட் தான்.
வழிகாட்டி என சொல்லப்படும் கைடுகளும் ஸோ ஸோ தான்.
பொதுவான எந்தன் கருத்து.
படிப்பு கொழிக்கும் வியாபார பொருளாகிவிட்டது.

ரமணியன்

பொதுவான எந்தன் கருத்து. இல்லை எல்லாருடைய கருத்தும் அதுவே தான்.
ஆனா.......... பணி ஒய்வு பெறும் நாளில் இப்படி ஒரு செயலா/நிலையா? அதுவும் 3000 ரூபாவுக்காக?

சக்தி18 wrote:பொதுவான எந்தன் கருத்து. இல்லை எல்லாருடைய கருத்தும் அதுவே தான்.
ஆனா.......... பணி ஒய்வு பெறும் நாளில் இப்படி ஒரு செயலா/நிலையா? அதுவும் 3000 ரூபாவுக்காக?

மேற்கோள் செய்த பதிவு: 1313993
அவர் ஜாதக அமைப்பு அப்பிடி இருக்கலாம்.

ரமணியன்

ஆண்களை மிஞ்சிவிட்டார்கள் பெண்கள், லஞ்சம் வாங்குவதில் ! ‘பெண்’ என்ற ஒரு மரியாதைச் சொல்லுக்கே களங்கத்தை ஏற்படுத்திவிட்டார்கள்!
நான் கேள்விப்பட்டேன் - ஒரு தலைமை ஆசிரியை லஞ்சம் வாங்கித் தன் பெண்கள் மூவருக்கும் நூறு நூறு பவுன் நகை போட்டுக் கல்யாணம் செய்து கொடுத்துள்ளார் !