திருச்சி சுங்கத் துறை அலுவலகத்தில் மேலும் 15 கிலோ தங்கம் மாயம்?

**ayyasamy ram** · **ayyasamy ram** Thu Apr 30, 2015 5:13 am

திருச்சி சுங்கத் துறை அலுவலகத்தில் ஏற்கெனவே 14.5 கிலோ தங்கம் மாயமானது குறித்து சிபிஐ விசாரணை மேற்கொண்டு வரும் நிலையில், தற்போது மேலும் 15 கிலோ தங்கம் மாயமானதாக தகவல்கள் வெளியாகியுள்ளன.

கடந்த ஏப்ரல் 18 ஆம் தேதி திருச்சி சுங்கத் துறை ஆணையர் அலுவலகத்தில் இருப்பு வைக்கப்பட்டிருந்த 14.5 கிலோ தங்கம் மாயமானது. இதுகுறித்தப் புகாரின் பேரில் சிபிஐ குழுவினர் திருச்சியில் முகாமிட்டு விசாரணை, ஆய்வு மேற்கொண்டு வருகின்றனர். கடந்த சில தினங்களில் மேற்கொண்ட ஆய்வில் மேலும் 15 கிலோ தங்கம் மாயமாகியிருப்பதாக தகவல்கள் வெளியாகியுள்ளன.

பாதுகாப்பு பெட்டகத்தில் பல்வேறு பொட்டலங்களாக கட்டப்பட்டு வைக்கப்பட்டிருந்த தங்கத்தில் ஏராளமான பொட்டலங்களில் துளையிட்டு அவற்றிலிருந்து சில தங்கக் கட்டிகள் எடுக்கப்பட்டுள்ளதாகக் கூறப்படுகிறது. பெட்டகத்தில் இருந்த தங்கத்தின் மொத்த எடையைக் கணக்கிட்டு பார்த்ததில் இந்த விவரம் தெரியவந்துள்ளதாகத் தகவல்கள் தெரிவிக்கின்றன.
=
தினமணி