தாலி அறுத்த 21 பெண்களின் கணவர்களுக்கு ஈமச்சடங்குகள் நடத்திய சாதுக்கள்

**ராஜா** · **ராஜா** Thu Apr 30, 2015 5:17 pm

சென்னை பெரியார் திடலில் திராவிடர் கழகம் சார்பில் கடந்த 14–ந் தேதி தாலி அகற்றும் நிகழ்ச்சி நடைபெற்றது. இதில் 21 பெண்கள், தாங்கள் அணிந்திருந்த தாலியை அகற்றிக் கொண்டனர். இந்த நிகழ்ச்சிக்கு தமிழகம் முழுவதும் கடும் எதிர்ப்பு நிலவியது.

இந்து முறைப்படி கணவன் இறந்தால் மட்டுமே பெண்கள் தங்கள் கழுத்தில் உள்ள தாலியை அகற்றுவார்கள். ஆனால் சென்னையில் நடந்த தாலி அகற்றும் நிகழ்ச்சியில் 21 பெண்கள், கணவன் உயிருடன் இருக்கும்போதே தங்கள் தாலியை அகற்றினர்.

இதற்கு எதிர்ப்பு தெரிவிக்கும் வகையில் திருவண்ணாமலை கிரிவலப்பாதையில் வசிக்கும் 21 சாதுக்கள், 21 பெண்கள் தாலி அகற்றிய 16–ம் நாளான நேற்று திருவண்ணாமலை– செங்கம் சாலையில் உள்ள ஈமக்காரிய மண்டபத்தின் அருகேயுள்ள குளக்கரையில் 21 பெண்களின் கணவர்களுக்கும் ஈமச்சடங்குகள் செய்தனர்.
தாலி அறுத்த 21 பெண்களின் கணவர்களுக்கு ஈமச்சடங்குகள் நடத்திய சாதுக்கள் 01665f77-2987-4f75-98f7-29a1d1dfc26e_S_secvpf

தாலி அறுத்த 21 பெண்களின் கணவர்களுக்கு ஈமச்சடங்குகள் நடத்திய சாதுக்கள் 01665f77-2987-4f75-98f7-29a1d1dfc26e_S_secvpf

இந்து முறைப்படி பூஜைகள் செய்து சிவபுராணம் பாடி குளத்தில் இறங்கி சாதுக்கள் ஈமச்சடங்கை நடத்தினர். அதைத்தொடர்ந்து சாதுக்களுக்கு வஸ்திரதானம் வழங்கப்பட்டது. இதனால் அந்த பகுதியில் பெரும் பரபரப்பு நிலவியது.

இந்த சம்பவம் குறித்து தகவல் அறிந்ததும் திருவண்ணாமலை கிழக்கு போலீஸ் இன்ஸ்பெக்டர் குணசேகரன் தலைமையிலான போலீசார் சம்பவ இடத்திற்கு விரைந்து சென்று ஈமச்சடங்கு செய்த சாதுக்களை போலீஸ் நிலையத்திற்கு அழைத்துச் சென்றனர்.-maalaimalar