இந்திய கட்டிடங்கள் லேசான நிலநடுக்கத்திற்கு கூட தாங்காது : ஆய்வில் தகவல்

புதுடில்லி : நேபாளத்தில் ஏற்பட்ட நிலநடுக்கம் இந்தியாவில் ஏற்பட்டிருந்தால் பாதிப்பு மிக மோசமாக இருந்திருக்கும் என ஆய்வில் தெரிய வந்துள்ளது. இந்திய கட்டிடங்கள் லேசான நிலநடுக்கத்தை கூட தாங்கிக் கொள்ள முடியாத நிலையிலேயே உள்ளதாகவும் ஆய்வு முடிவுகள் தெரிவிக்கின்றன.கட்டுமான பொருட்கள் மற்றும் தொழில்நுட்ப மேம்பாட்டு கழகத்தின் சார்பில் நாடு முழுவதும் உள்ள கட்டிடங்களில் ஆய்வு நடத்தப்பட்டது. இதில், 250 மில்லினுக்கும் அதிகமான கட்டிடங்கள் நிலநடுக்கத்தை தாங்கும் திறனற்றவை என தெரிய வந்துள்ளது. இது போன்ற தரமற்ற கட்டிடங்கள் அதிகம் உள்ள நகரங்களில் மாநில தலைநகரங்களே முன்னணியில் உள்ளன.

ஆய்வு அறிக்கை தகவல் : நேபாள நிலநடுக்கம் இந்தியாவின் டில்லியில் ஏற்பட்டிருந்தால் 34 லட்சம் கட்டிடங்களும், மும்பை ஏற்பட்டிருந்தால் 33 லட்சம் கட்டிடங்களும் இடிந்து தரைமட்டமாகி இருக்கும்.டில்லியில் யமுனை நதிக்கு அருகில் இருக்கும் கட்டிடங்கம் நிலநடுக்கத்தால் எளிதில் பாதிக்கக் கூடியதாக உள்ளன. இவற்றில் பெருமான கட்டிடங்கள் கட்டப்பட்டு 100 ஆண்டுகளுக்கும் மேல் ஆகிறது. இருப்பினும் அந்த கட்டிடங்களில் மேல்தளங்களின் எண்ணிக்கை தொடர்ந்து அதிகரிக்கப்பட்டு வருகின்றன. கட்டிடத்தை வலிமையாக்கும் எந்த நடவடிக்கையும் எடுக்கப்படாமல், மேல் அடுக்குகளை அதிகப்படும் நடவடிக்கைகள் மட்டுமே நடைபெற்று வருகின்றன.


இப்போது ஏற்பட்ட நில நடுக்கம் 500 கிலோ மீட்டர் தூரத்திற்கு பாதிப்பை ஏற்படுத்தக்கூடியது. நேபாள இமயமலைப் பகுதியில்ஏற்பட்ட இந்த நில நடுக்கம், இந்திய இமயமலை பகுதியில் ஏற்பட்டிருந்தால் பாதிப்பின் அளவு பயங்கரமாக இருக்கும். தரமற்ற கட்டிடங்களை கட்டும் இன்ஜினியர்கள் மற்றும் கட்டிட நிறுவனங்களுக்கு தற்போது கடுமையான தண்டனைகளோ அல்லது அபராதமோ விதிக்கப்படுவதில்லை. இவற்றை தடுப்பதற்கான சட்ட மசோதா 2007ல் பார்லி.,யில் கொண்டு வரப்பட்டது. இருப்பினும் இதுவரை அந்த மசோதா நிறைவேற்றப்படாமல் நிலுவையிலேயே உள்ளன. இவ்வாறு ஆய்வறிக்கையில் தெரிவிக்கப்பட்டுள்ளது.

புவியியல் ஆய்வுகளின் கடந்த 300 ஆண்டுகளுக்கும் மேலான புள்ளிவிபரத்தின் அடிப்படையில், ஒவ்வொரு 100 ஆண்டுகளுக்கும் ஒருமுறை ரிக்டர் அளவுகோலில் 8 என்ற அளவில் நிலநடுக்கம் ஏற்பட்டுள்ளது. ஒவ்வொரு 50 ஆண்டுகளுக்கம் ஒருமுறை ரிக்டர் அளவுகோலில் 7 என்ற அளவில் நிலநடுக்கம் பதிவாகி உள்ளது. இதே போன்று ஒவ்வொரு 30 முதல் 40 ஆண்டுகளுக்கு ஒருமுறை 6 என்ற அளவில் நிலநடுக்கம் ஏற்பட்டுள்ளது. குஜராத்தில் மிகப் பெரிய அளவில் பாதிப்பை ஏற்படுத்திய 2001ம் ஆண்டு நிலநடுக்கம் 7.7 என்ற அளவாக பதிவானது. இதே போன்ற நிலநடுக்கம் 96 ஆண்டுகளுக்கு முன் 1905ம் ஆண்டு ஏற்பட்டுள்ளது.
நன்றி : தினமலர்