பிரம்மலிங்கேஸ்வரர் ஆலயம்,முருங்கத் தொழுவு

First topic message reminder :

பிரம்மா வழிபாடு செய்த பிரமலிங்கேஸ்வரர்
****************************

கொங்கு வள நாட்டில் தொன்மையான வரலாற்று பெருமை உடைய நாடுகளில் பூந்துறை நாடும் ஒன்று.இதன் பெருமைகளை பல்வேறு இலக்கியங்கள் புகழ்கின்றன.அவற்றின் மூலம் பூந்துறை

நாட்டின் வளம், சமயப்பெருமை,இலக்கிய வளம்,குடிப்பெருமை ஆகிய சிறப்புகளை அறிய முடிகிறது.பூந்துறையில் உள்ள 32 ஊர்களில் முருங்கத்தொழுவு 32-வது ஊராக வரலாற்று நூலில்

குறிக்கப்படுகிறது.

முருங்கத்தொழுவு
************
"முருகர் தொழு" என்பதே முருங்கத்தொழுவு ஆயிற்று என செவி வழி செய்தி இருந்தாலும் பூந்துறை நாட்டின் தலைமை தலமான சென்னிமலை அருகில் இருப்பதும் முருங்கத்தொழுவு கிராமத்தின்

துனைகிராமமான அஞ்சுராம் பாளையத்தில் அழகிய வேலைப்பாடுடன் முருகன் கோவில் இருப்பதால் இவ்வாறு பெயர் வந்திருக்கலாம் என கூறுகிறார்கள்.

ஈரோடு மாவட்டம் பெருந்துறை தாலுகாவில் சென்னிமலை என்னும் முருகனின் திருதலத்தில் இருந்து அரச்சலூர் செல்லும் பாதையில் 5 கல் தொலைவில் உள்ள பேரூர் "முருங்கத்தொழுவு".
பூந்துறை நாட்டின் புகழ்மிகு மலைகளான சென்னிமலையும்,நாகமலையும் தம் நீண்ட தொடர்களால் கைகோர்க்கும் இடத்தில் மலையும் மலை சார்ந்த குறிஞ்சி நிலமும்,காடும் காடு சார்ந்த

முல்லை நிலமும் பரவிய வளமுடைய பகுதி முருங்கத்தொழுவு.

பிரம்மலிங்கேசுவரர் ஆலயம்
******************

"கோவில் இல்ல ஊரில் குடியிருக்க வேண்டாம்" என்பது பழமொழி.இவ்வகையில் தமிழ்நாட்டில் கோவில் இல்லா ஊரே இல்லை எனலாம்.இதற்கேற்ப முருங்கத்தொழுவில் சிறப்பு மிகு கோவில்கள்

பல உள்ளன...அவற்றில் பழமையானதும்,வரலாற்று சிறப்புமிக்கதும் பிரம்மனால் "பிரதிஷ்டை செய்து வணங்கிய திருக்கோவில் பிரம்மலிங்கேசுவரர் கோவில்".
முருங்கத்தொழுவின் வடக்கே பண்டைய வெள்ளோட்டு வழியின் மேற்புறம் ஊர்கிணற்றின் வடபுறம் குளக்கரையின் கீழ்புறம் "மேற்கு நோக்கிய சன்னதியாகா அமைந்துள்ளது பிரம்மலிங்கேஸ்வர்

கோவில்.இங்கு பண்டைய கல்வெட்டுகள் பல உள்ளன.இதன் மூலாமாக பழங்கால செய்திகள் பலவற்றை அறிய முடிகிறது.



இக்கல்வெட்டுகள் மூலம் கொங்குப் பாண்டிய மன்னன் சுந்தர பாண்டியன் இக்கோவிலை (சுமார் 1500 வருடங்களுக்கு முன்பாக) கட்டியதாக அறிய முடிகிறது.மேலும் அடிமுடி காணும் முயற்சியில்

தோல்வியுற்ற பிரம்மன் சிவபெருமானே எல்லோருக்கும் பெரியவர் என்பதை ஒப்புக் கொண்டு இத்தலத்தில் வணங்கியதாக ஐதீகம்.இங்குள்ள தீர்த்ததிற்கு " பிரமதீர்த்தம்" என்று பெயர்.

பிரம்மலிங்கேஸ்வரரும் ,வடிவுடையமங்கையும் திருக்கோவிலில் வீற்றிருந்தருள் புரிகின்றனர்.

குறிப்பு:
இத்தகைய சிறப்பு பெற்ற திருக்கோவிலில் திருப்பணிகள் நடைபெற்று வரும் மே(01-05-2015) மாதம் முதல் நாள் கும்பாபிஷேக விழா நடை பெற உள்ளதால் ஈகரை உறவுகள் அனைவரும் கலந்து கொண்டு சிவன் அருள் பெறுமாறு அன்புடன் கேட்டு கொள்கிறோம்.

அருமை தம்பி .... எங்கள் சார்பாகவும் இறைவனை வேண்டிகொள்ளவும்

இக்கோயில் பற்றி தினமணியில் வந்த செய்தி
-

பதிவு செய்த நாள்: ஏப் 08,2015 01:42
-
கோவில் லிங்கம் மீது சூரிய ஒளிபரவசத்துடன் குவிந்த பக்தர்கள்

சென்னிமலை அருகே, பழமையான ஈஸ்வரன் கோவில்
லிங்கத்தின் மீது, சூரிய ஒளி பட்டதால், பக்தர்கள்
பரவசம் அடைந்தனர்.

ஈரோடு மாவட்டம் சென்னிமலை அடுத்துள்ள
முருங்கத்தொழுவு கிராமத்தில் உள்ளது பிரம்மலிங்கேஸ்வரர்
கோவில்.

பல நூறு ஆண்டுகள் பழமையான இக்கோவில் கல்வெட்டில்,
1,200 ஆண்டுகளுக்கு முன்பு, சுந்தரபாண்டியன் என்ற மன்னன்
பல்வேறு திருப்பணிகள் செய்ததாக குறிப்பிடப்பட்டுள்ளது.

தற்போது, இக்கோவிலில், பல லட்சம் செலவில் திருப்பணிகள்
செய்யப்பட்டு, வரும் மே முதல் வாரத்தில் கும்பாபிஷேகம்
நடக்க உள்ளது.

இந்நிலையில், கடந்த மூன்று நாட்களாக மாலை,
5.10 மணியளவில் கோவிலில் உள்ள லிங்கம் மீது, சூரிய ஒளி
பட்டு வருவதை, அங்கு வேலை செய்த பணியாளர்கள்
கண்டனர்.

இதுபற்றி அறிந்த மக்கள் பரவசம் அடைந்து, லிங்க வடிவிலான
சிவபெருமானை, ஒளி மூலம், சூரிய பகவான் வழிபடுவதாக
பக்தர்கள் கருதுகின்றனர்.

அப்பகுதி மக்கள் கூறுகையில், "ஒவ்வொரு ஆண்டும் பங்குனி
மாதத்தில், 3 நாட்கள் மட்டும், மாலை நேரத்தில், 30 வினாடிகள்,
இந்த லிங்கம் மீது சூரிய ஒளி படும்.

இதை காண பக்தர்கள் வருவதும் தரிசிப்பதும் வழக்கம்.
இந்தாண்டு, கடந்த சில நாட்களாக இதுபோன்ற நிகழ்வு நடக்கிறது'
என்றனர்.
-
---------------------------------

நன்றி ராம் அவர்களே...

கோவில் திருப்பணிகளின்போது கர்ப்ப கிரகத்தில் மாற்றம் எதும் செய்யப்படவில்லை. இதன் வடிவமைப்பை பொருத்தும் கல்வெட்டு குறிப்புகளை கொண்டும் பல நூறு ஆண்டுகள் என்று அறிய முடிகிறது...

கல்வெட்டுகளின் படத்தினையும் குறிப்புகளையும் விரைவில் பதிவிடுகிறேன்...

ஈரோடு மற்றும் அருகாமையில் உள்ள நண்பர்கள் வரும் மே 1-ல் நடைபெற இருக்கும் கும்பாபிஷேக விழாவில் கலந்து கொள்ள மீண்டும் அன்புடன் அழைக்கிறேன்...