அன்பைத் தந்து இறையாகு

**ayyasamy ram** · **ayyasamy ram** Mon Apr 27, 2015 8:12 am

கொதித்து நீயும் முகிலாகு
குளிர்ந்து நீயும் மழையாகு
விதையில் இருந்து மரமாகு
கனிகள் உதிர்ந்து விதையாகு
–
கருவம் ஒழித்து மொட்டாகு
உருவம் உரித்து மலராகு
இரவல் கேட்டு இலையாகு
இருக்கும் வரையில் விருந்தாகு
–
குழப்பம் விலக்கும் குணமாகு
கலக்கம் கழிக்கும் கணையாகு
விளக்கம் வழங்கும் அறிவாகு
இலக்கம் இல்லா சுழியாகு
–
புரியும் வரையில் புதிராகு
புரியா தவர்க்கும் புலனாகு
தெரியும் வரையில் தெளிவாகு
தெரியா தவர்க்கும் ஒளியாகு
–
அடக்கம் என்னும் அழகாகு
அசத்தும் விந்தை கவியாகு
அட்சயம் பகிர்ந்து அன்பாகு
அன்பைத் தந்து இறையாகு
=================================
சத்யமணி ஸ்ரீநிவாசன்

**M.Saranya** · **M.Saranya** Mon Apr 27, 2015 10:42 am

அன்பைத் தந்து இறையாகு

அன்பைத் தந்து இறையாகு

Re: அன்பைத் தந்து இறையாகு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக