பச்சை பசேல்னு" ஊரு அதுக்கு "கோபி"ன்னு பேரு

by அபிராமிவேலூ Wed Nov 11, 2009 12:45 pm

[You must be registered and logged in to see this link.]

இந்த முறை ஊருக்கு சென்ற போது வெய்யில் மண்டைய
காய்ச்சினாலும் அவ்வப்போது மழையும் எட்டி பார்த்து அனைவருக்கும் ஆறுதல்
அளித்தது. நான் எப்போது ஊருக்கு சென்றாலும் செல்லும் முருகன் கோவிலுக்கு
செல்லும் வழியிலும் கோவிலிலும் எடுக்கப்பட்ட படங்களே இவை. இயற்கையின்
தீவிர ரசிகனான எனக்கு எங்கள் ஊரிலேயே இவை அனைத்தும் கிடைப்பது மனதிற்கு
சந்தோசத்தையும் ஒருசேர பெருமையையும் அளிக்கிறது.
மழை பெய்ய தயாராக மேக மூட்டத்துடன் இருக்கும் வானம்..

[You must be registered and logged in to see this link.]வலது ஓரத்தில் தூரத்தில் மழை பெய்து கொண்டு இருக்கிறது ..இதோ இன்னும் கொஞ்ச நேரத்தில் வந்து விடுவேன் என்று கூறாமல் கூறுகிறது

[You must be registered and logged in to see this link.]வயல்களில்
பொதுவாக மரங்கள் அதிகம் இருக்காது....நிழல் அதிகம் இருந்தால் நெற் பயிர்
வளராது என்பதால் மரங்களை வளர்க்க மாட்டார்கள். இவை வயல்களும் அல்லாது
தோட்டமும் அல்லாத வயலின் தொடக்க பகுதி எனவே மரங்கள் சூழ்ந்து ரம்மியமாக
காட்சி அளிக்கிறது.

[You must be registered and logged in to see this link.]
கோவில் அருகே செல்லும் போது மாலை நேரமாகி விட்டதால் கொஞ்சம் இருட்டி விட்டது மேக மூட்டத்தோடு சேர்ந்து

[You must be registered and logged in to see this link.]கோவிலுக்கு
சென்ற பிறகு மழை வந்து விட்டது, அன்று கோவிலின் ஆண்டு விழா என்பதால்
கூட்டத்தோட உறவினர்களும் அதிகம் இருந்ததால் என்னால் சரியாக படம் எடுக்க
முடியவில்லை, படம் எடுப்பதை பார்த்தால் சிங்கப்பூர் ல் இருந்து வந்து
"சும்மா படம்" காட்டுறான் என்று நினைத்து விட்டால்
என்ன செய்வது என்று கேமராவை தூக்கி பிடிக்காமல் கீழே வைத்து ஒரு குத்து
மதிப்பாக எடுத்தேன். சுமாராக வந்து இருக்கிறது.

[You must be registered and logged in to see this link.] மழை பெய்யும் போது வெய்யிலும் அடித்து வித்யாசமாக இருந்தது..மழை தண்ணீரில் வெய்யில் மின்னுகிறது

[You must be registered and logged in to see this link.]
கண்ணுக்கு எட்டிய வரை பச்சை நிறமே ஆக்ரமித்து இருக்கும் இந்த இடத்தில்
இருக்கும் அழகு சிங்கப்பூர் ல் இருக்கும் அனைத்து பிரம்மாண்டக்களுக்கும்
கடும் சவால் தான்.

[You must be registered and logged in to see this link.]இப்படி
அழகு மிகுந்த இடங்களும் நம் அனைவருக்கும் சோறு போடும் இடங்களும்
தொழிற்ச்சாலை கழிவுகளாலும், புதிதாக கட்டப்பட்டு வரும் வீடுகளாலும்
அழிந்து வருவது கவலை அளிப்பதாக உள்ளது.

இன்னும்
கொஞ்ச காலங்கள் சென்றால் இங்கே இந்த பயிர்களுக்கு பதிலாக பிரம்மாண்ட
வீடுகளும் தொழிற்சாலைகளும் இருக்கும் என்பது கசப்பான உண்மை. இயற்கையை
அழித்து முன்னேறும் எந்த நாடும் கடைசியில் பல பிரச்சனைகளை சந்திக்கும்
என்பது இயற்கையின் நியதி. இதற்க்கு யாரும் விதிவிலக்கல்ல.
thnks friend