ஆன்லைனில் ஆர்டர் செய்கிறீர்களா? எச்சரிக்கை அவசியம்!

First topic message reminder :

தற்போது 'ஆன்லைன்' எனப்படும் இணைய வழி மூலம் பொருட்களுக்கு ஆர்டர் கொடுத்து அவற்றைத் தருவித்துக்கொள்ள விரும்புவோர் அதிகரித்து வருகிறார்கள். அதனால்தான் மின்னணுச் சாதனங்கள் முதல் இறைச்சி, மீன், மளிகைப் பொருட்கள் வரை அனைத்தும் ஆன்லைனிலேயே கிடைக்கும் நிலை ஏற்பட்டுள்ளது. இவ்வழி விற்பனையும் எகிறி வருகிறது.

நேரம், போக்குவரத்துச் செலவு, அலைச்சலை மிச்சப்படுத்தலாம் என்பதுடன், சில பொருட்களுக்குக் கிடைக்கும் விலை தள்ளுபடியும் பலரையும் ஆன்லைனில் ஆர்டர் போடச் சொல்லி ஈர்க்கிறது.

ஆனால் ஆன்லைனில் சில விஷயங்களில் கவனமாக இருக்க வேண்டும். அவை என்னென்ன என்று பார்க்கலாம்...

நீங்கள் வீட்டில் இருந்து ஆன்லைனில் ஆர்டர் செய்பவராக இருந்தால், நீங்கள் ஆர்டர் செய்யும் இணையதளம் நம்பகத் தன்மையானதுதானா முதலில் உறுதிப்படுத்திக்கொள்ளுங்கள். இல்லாவிட்டால் உங்கள் தகவல்கள் திருடப்படலாம்.

நீங்கள் வெளியே ஏதாவது ஓர் இணைய மையத்தில் இருந்து ஆர்டர் செய்பவராக இருந்தால் அங்கு 'ஸ்கிரீன் கேப்சரிங்' தொழில்நுட்பம் அல்லது சில மென்பொருட்களைப் பயன்படுத்தியோ உங்கள் பாஸ்வேர்டு அல்லது கிரெடிட் கார்டு தகவல்கள் திருடப்படும் அபாயம் இருக்கிறது. எனவே வெளி இணைய மையங்களை கூடியமட்டும் தவிர்த்திடுங்கள்.

சில சமயம் 'மொபைல் ஆப்ஸ்'களை பயன்படுத்தும்போது அதன் விதிமுறைகளை சரியாக படித்துப் பாருங்கள். சில ஆப்ஸ்கள் உங்கள் தகவல்களை பிற நிறுவனங்களுக்கு விற்றுவிடும். உங்கள் பர்சனல் தகவல்களான செல்போன் எண், ஈ-மெயில் ஐடி, கிரெடிட் கார்டு நம்பர் போன்ற தகவல்கள் இதுபோன்ற ஆப்ஸ்களால் பிறருக்கு அளிக்கப்பட வாய்ப்புகள் உள்ளன என்பதை உணருங்கள்.

நீங்கள் ஆர்டர் செய்யும் இணையதளம் அல்லது ஆப்ஸில் குறிப்பிடப்பட்டிருக்கும் நிபந்தனைகளையும், விதிமுறைகளையும் அவசியம் படித்துப் பாருங்கள். ஒருவேளை உங்கள் தகவல் திருடப்பட்டது என நீங்கள் புகார் கூறினால்கூட, அதற்கு அவர்கள் ஏற்கனவே எங்கள் விதிமுறைகளை ஏற்றுக்கொண்டிருக்கிறீர்கள் என்று கூறிவிடுவார்கள்.

நீங்கள் பொருள் வாங்கும் இணையதளத்தில் இருக்கும் நிபந்தனைகள், விதிமுறைகளை படிக்கும்போது அவை திருப்திகரமானதாக இல்லையெனில் அந்த தளத்தில் ஆர்டர் செய்யாதீர்கள்.

அவசரம், அவசியம் என்றால் மட்டும் பிரவுசிங் சென்டருக்கு சென்று ஆர்டர் செய்யுங்கள். அதன்பின் உங்களுக்குச் சந்தேகம் இருந்தால் உங்கள் பாஸ்வேர்டை உடனடியாக மாற்றி விடுங்கள்.

உங்கள் பிரவுசரில் நீங்கள் கடைசியாகப் பயன்படுத்திய இணையதளங்களின் பட்டியல், அதன் ஹிஸ்டரி பதிவில் இருக்கும். அதை டெலிட் செய்தால் உங்கள் பாஸ்வேர்டு, கிரெடிட் கார்டு நம்பர் ஆகியவை அழிக்கப்பட்டு விடும்.

நல்ல பதிவு சிவா நன்றி !

ராஜா wrote:நலல் தகவல் தல , இதில் குறிப்பிட்டுள்ள அனைத்து பாதுகாப்பு முறைகளையும் பயன்படுத்தினாலும் நம்முடைய Card தான் அவர்களின் இன்றைய target என்றால் அதை தடுக்க ஆண்டவனாலும் முடியாது . இது தான் உண்மை.


இதிலிருந்து தப்பிக்க நான் பயன்படுத்தும் இரண்டு வழிமுறைகள்  
1. அதிகமாக இணைய வழி பொருட்கள் வாங்குபவர்கள் கூடுமானவரை உங்களுடைய Main Credit Card ஐ பயன்படுத்தாதீர்கள். பெரும்பாலான வங்கிகள் இதற்கென்றே பிரத்யோகமான E-Card என்று ஒன்று வைத்திருப்பார்கள் அதை apply செய்து வாங்கிகொள்ளுங்கள். இதில் உங்களின் அதிகபட்ச வரம்பு என்ன என்பதை நீங்கள் நிர்ணயித்துகொள்ளலாம். உதாரணமாக இணைய வழி மூலம் அதிகபட்சமாக ஒரு நேரத்தில் ரூபாய் 5000 க்கு மேல் வாங்க மாட்டீர்கள் என்றால் 5000 உங்களின் Limit ஆகா நிர்ணயித்து கொண்டால் , Incase உங்கள் card Hack செய்யபட்டாலும் உங்களுக்கு அதிகபட்சமாக 5000 மட்டும் தான் இழப்பு ஏற்படும்.

2. இன்னொரு முறை , எப்போது வேண்டுமோ அப்போது மட்டும் உங்கள் வங்கியின் இணையதளத்திற்கு சென்று நீங்களே ஒரு Temparary Card ஐ Generate செய்துகொள்ளலாம். இது அந்த ஒருமுறை மட்டுமே வேலை செய்யும். அதனால் இது மிக பாதுகாப்பானது.
State Bank Of India வங்கியின் இணையதளத்தில் இந்த வசதி உள்ளது பார்த்திருக்கிறேன்

தகவலுக்கு நன்றி ராஜா

T.N.Balasubramanian wrote:எனது வங்கியில் on line transaction க்கு OTP (one time password ) தருகிறார்கள் .
ஒரு முறைதான் உபயோகப்படுத்த முடியும் .

ரமணியன்

மேற்கோள் செய்த பதிவு: 1133132

ஆமாம் ஐயா எங்கள் வங்கி இலும் இப்படி உண்டு ஆனாலும் online இல் ஏதும் வாங்குவது இல்லை