பறவைகள் வடிவிலான அதிசய பூக்கள்

by **சிவா** Sat Apr 25, 2015 10:21 pm

பூக்கள் வானவில்லை போன்று பலவேறுப்பட்ட வண்ணங்களிலும் வடிவங்களிலும் பூத்து குலுங்குகின்றன. அவ்வாறு உலகில் பூக்கும் வித்தியாசமான பூக்களை இங்கு பார்ப்போம்.

லாப்பிங் பபீள் பீ

பறவைகள் வடிவிலான அதிசய பூக்கள் 201504251259063311_Birds-style-Marvel-flowers_SECVPF

பறவைகள் வடிவிலான அதிசய பூக்கள் 201504251259063311_Birds-style-Marvel-flowers_SECVPF

பூக்கள் மீது அமர்ந்திருக்கும் வண்டு போன்றே தோன்றும் இந்த பூவின் பெயர் 'லாப்பிங் பபீள் பீ'. இந்த வகை பூக்களை ஐரோப்பா, வட ஆப்பிரிக்கா, கனாரி தீவு, துருக்குமேனிஸ்தான் போன்ற பகுதிகளில் காணலாம். லாப்பிங் பபீள் பீ பூக்களை ஆராய்ந்து செயற்கை முறையில் உருவாக்கி உள்ளனர்.

இந்த வகை வண்டு பூக்களை அறிவியலாளர்கள் இனப்பெருக்க பூக்கள் என்று வர்ணிக்கின்றனர். ஏனெனில் தாவரங்களில் மகரந்த சேர்க்கை நடைபெறுவதற்காகவே இவை இதுபோன்ற தோற்றத்திற்கு மாறுபடுவதாகவும், வண்டு பூக்கள் பூக்கும் இடங்களின் கீழ் பகுதியில் இந்த வகை செடிகளை காண முடியும் என்றும் கண்டுபிடித்துள்ளனர்.

இந்த வண்டு பூக்களை அடிப்படையாக கொண்டு உலகின் பல மூலைகளிலும் பல்வேறு வகையான உயிர்காக்கும் மருந்துகளுக்கான ஆராய்ச்சிகள் நடைபெற்ற வண்ணமாகவே உள்ளன.

by **சிவா** Sat Apr 25, 2015 10:23 pm

மங்கி பேஸ் ஆர்கிட்

பறவைகள் வடிவிலான அதிசய பூக்கள் 18180BBB-D3C1-4B75-A10D-EA2DB32BE104_L_styvpf

குரங்கு வடிவில் காட்சியளிக்கும் ‘மங்கி பேஸ் ஆர்கிட்’ பூக்கள் கடல் மட்டத்தில் இருந்து சுமார் 2000 மீட்டர் உயர்ந்த பகுதிகளிலேயே காணப்படுகின்றன.

குறிப்பாக ஈக்குவாட்டர், கொலம்பியா, பெரூ போன்ற நாடுகளில் இந்த வகை பூக்கள் அதிகமாக காணக்கிடைக்கிறது.

இதன் அறிவியல் பெயர் டிராகுலா சிமியா. குரங்கு வடிவில் இவை காட்சியளித்தாலும் தோல் உறித்த ஆரஞ்சு பழத்தின் நறுமணத்தை பரப்பக்கூடியவை.

இதில் இரும்புச் சத்துகள் நிறைந்துள்ளன. இந்த பூக்களை ஒரு சில நோய் எதிர்ப்பு சக்தி மருந்துகளில் பயன்படுத்துகின்றனர்.

இதன் பிறப்பிடமும், குரங்கு பூக்களை பூக்கும் மரங்களின் தன்மையையும் ஆராய்ச்சியாளர்கள் ஆராய்ந்து வருகின்றனர்.

பிளையிங் டக் ஆர்கிட்

பிளையிங் டக் என்ற இந்த வகை பூக்கள் காடுகளில் பூக்கும் வனபூக்களின் வகைகளில் சேர்ந்தவை. இவை நறுமணத்தை பரப்புவதில்லை.

பிளையிங் டக் பூக்கள் அதிகப்பட்சமாக 45 செ.மீட்டர் வரை வளரக்கூடியது. இவை தரையில் இருந்து பறப்பதற்கு தயாராகும் வாத்தினை போன்று காட்சியளிக்ககூடியவை.

இந்த பிளையிங் டக் பூக்கள் பூக்கும் செடிகள் தரைப்பகுதியில் இருக்கும் பூஞ்சைகளை கொண்டு உயிர் வாழ்கின்றன.

இந்த வகை பூக்கள் ஆஸ்திரேலிய வாசிகளுக்கு மிகவும் பழக்கப்பட்டது. மஞ்சள் மற்றும் கத்தரிப்பூ வண்ணங்களில் கலக்கலாக காட்சியளித்தாலும் இதனால் ஒரு பயனும் இல்லை.

by **சிவா** Sat Apr 25, 2015 10:25 pm

வைட் எக்ரேட் ஆர்கிட்

வெள்ளை புறா சிறகடித்து பறப்பது போல தோன்றும் இவை ‘வைட் எக்ரேட் ஆர்கிட்’ வகையை சார்ந்தவை. இவை ஜூலை மற்றும் ஆகஸ்ட் மாதங்களில் மலரக்கூடியவை.

வெள்ளை நிற பறவை பூக்கள் சீனா, ஜப்பான், கொரியா மற்றும் ரஷியா நாடுகளில் அதிகமாக பூக்கின்றன.

ஒற்றை கொம்பாக நிற்கும் செடியின் உச்சியில் மூன்று அல்லது நான்கு பூக்கள் ஒருசேர பூக்கின்றன.

எலும்பிச்சை பழ நறுமணத்தை பரப்பும் இந்த பூக்களின் தண்டுகளில் மருத்துவ குணங்கள் அடங்கியிருப்பதாக ஆராய்ச்சிகள் தெரிவிக்கின்றன.

பறவைகள் வடிவிலான அதிசய பூக்கள் 7FE4C74A-5533-414A-ABC1-34EFC2FC7C10_L_styvpf

மன்த் ஆர்கிட்

சிறகடித்து பறக்கும் பறவையை போன்று உருவத்தில் காட்சியளிக்கும் இவை மன்த் ஆர்கிட் வகை பூக்கள் ஆகும். இவை வெப்ப மண்டல காடுகளில் அதிகம் காணக்கூடியவை.

70 முதல் 80 டிகிரி வெப்பநிலை நிலவும் பகுதிகளில் இவற்றை காணமுடியும்.

மன்த் ஆர்கிட் பூக்கள் பல வண்ணங்களில் பூக்கின்றன. இளஞ்சிவப்பு, ஊதா, மஞ்சள் கலந்த ஊதா நிறம் என அந்தந்த பகுதியின் தன்மைக்கு ஏற்ற வண்ணங்களில் பூக்கின்றன.

அழகு பூக்களாக காட்சியளிக்கும் மன்த் ஆர்கிட் பூக்களில் இதுவரை எந்த மருத்துவ பயன்களும் கண்டறியப்படவில்லை.

தினத்தந்தி