ரூ.157 கோடிக்கு விலை போகும் 100 காரட் வைரம்

**சிவா** · **சிவா** Tue Apr 21, 2015 11:31 pm

100-காரட் தூய்மையான வைரம் ஒன்று ஏலத்தில் ரூ.119 கோடி முதல் ரூ.157 கோடி வரை விலை போகவுள்ளது ஆச்சர்யத்தை ஏற்படுத்தியுள்ளது. 100.20 காரட் துல்லிய அளவுள்ள இந்த வைரம் கண்ணாடி போல நிறமற்று காணப்படுகிறது. பிரமாதமான கலர் கிளாரிட்டியுடன் இந்த வைரம் நியூயார்க்கிலுள்ள சோதிபை ஆக்ஷன் ஹவுஸில் ஏலத்திற்கு வந்துள்ளது.

இந்த வைரம் கடந்த 10 ஆண்டுகளுக்குள் தென் ஆப்பிரிக்காவில் இருந்து வெட்டி எடுக்கப்பட்டிருக்கலாம் என கண்டறியப்பட்டுள்ளது. கட் செய்யப்பட்டு பாலிஷ் ஆவதற்கு முன் இந்த வைரம் 200 காரட்டுக்கும் மேல் எடை கொண்டதாக இருந்துள்ளது. ஆனால், இதன் உரிமையாளர் யார் என்ற ரகசிய தகவல் இன்னும் வெளியிடப்படவில்லை. கடந்த 25 ஆண்டுகளில் 100 காரட்டுக்கு மேலுள்ள தூய்மையான வைரங்கள் இதுவரை 5 மட்டுமே விற்பனையாகியுள்ளது. அதில் கடந்த 2013-ம் ஆண்டு 118 காரட் ஓவல் வெள்ளை டைமண்ட் ரூ.192 கோடிக்கு விலைபோனதே உலக சாதனையாகும். தற்போது புதிதாக ஏலத்திற்கு வந்துள்ள 100 காரட் வைரம் ரூ.157 கோடிக்கு விலைபோகும் என எதிர்பார்க்கப்படுகிறது.