உலகின் மகிழ்ச்சியான நாடுகளின் பட்டியல் வெளியீடு: இந்தியாவுக்கு 117 வது இடம்

**சிவா** · **சிவா** Sat Apr 25, 2015 12:09 am

உலகின் மகிழ்ச்சியான நாடுகள் பட்டியல் வெளியிடப்பட்டுள்ளது.இதில் சுவிட்சர்லாந்து நாடு முதலிடம் பெற்றுள்ளது. இந்தியாவுக்கு 117 வது இடம் கிடைத்துள்ளது.

ஐக்கிய நாடுகள் அமைப்பின் கீழ் இயங்குகிற சஸ்டெய்னபிள் டெவலப்மென்ட் சொலுஷன்ஸ் நெட்வொர்க் என்ற அமைப்பு உலகின் மகிழ்ச்சியான 158 நாடுகளை வரிசைப்படுத்தியுள்ளது. தனி நபர் வருமானம், ஆரோக்கியமான வாழ்வு, சமூக ஆதரவு ஆகியவற்றை அடிப்படையாக கொண்டு நாடுகள் வரிசைப்படுத்தப்பட்டுள்ளன. இதில் முதலிடத்தில் சுவிட்சர்லாந்து உள்ளது.தொடர்ந்து முதல் ஐந்து இடங்களில் ஐஸ்லாந்து, டென்மார்க், நார்வே, கனடா ஆகிய நாடுகள் உள்ளன.

இந்த பட்டியலில் இந்தியாவை விட பாகிஸ்தான் (81), பாலஸ்தினம் (108), வங்காளதேசம் (109), உக்ரைன் (111), ஈராக் (112), ஆகிய நாடுகள் முன்னிலை வகிப்பது அதிர்ச்சி அளிப்பதாக அமைந்துள்ளது.

அதேபோல், இந்த பட்டியலில் அமெரிக்கா 15 வது இடத்திலும் இங்கிலாந்து 21, சிங்கப்பூர் 24 , சவூதி அரேபியா 35, ஜப்பான் 46 சீனா 84 வது இடத்திலும் உள்ளன.

**சிவா** · **சிவா** Sat Apr 25, 2015 12:13 am

முதல் 5 இடங்களைப் பிடித்துள்ள நாடுகள்:

1) சுவிச்சர்லாந்து

2) ஐஸ்லாந்து

3) டென்மார்க்

4) நோர்வே

5) கனடா

**krishnaamma** · **krishnaamma** Sat Apr 25, 2015 12:20 am

இந்தியா ரொம்பவும் தான் பின்தங்கி இருக்கு சோகம்

**சிவா** · **சிவா** Sat Apr 25, 2015 2:18 am

ஒரு நாட்டின் ஒட்டுமொத்த பொருளாதார வளர்ச்சி விகிதம் (ஜி.டி.பி.), பிரச்சினைகள் உருவாகும் போது ஏற்படும் சமூக ஆதரவு, வாழ்க்கைத் தேவைகளை தேர்ந்தெடுத்துக் கொள்வதில் நிலவும் சுதந்திரம், சராசரி வயது வரம்பு, ஊழல் மீதான பார்வை ஆகியனவற்றை கருத்தில் கொண்டு இந்த மகிழ்ச்சியான நாடுகள் பட்டியல் தயாரிக்கப்படுகிறது.

# நமது நாடு ஏன் இந்த அளவிற்கு பின்தங்கியுள்ளது என்று நினைத்தேன், ஆனால் ஊழல் மீதான பார்வை என்பதில் நம் நாடு பிந்தங்கியுள்ளது என நினைக்கிறேன்.

அம்மா செய்த ஊழலை ஆதரித்து ஆர்ப்பாட்டங்களைச் செய்த புரட்சியாளர்கள் நிறைந்த நாடல்லவா நம் நாடு!