இரு கை இல்லாதோரும் ஓட்ட 'ஸ்பெஷல் பைக்': திண்டுக்கல்லில் கண்டுபிடிப்பு

**ayyasamy ram** · **ayyasamy ram** Tue Apr 21, 2015 8:07 am

-
திண்டுக்கல்: இரு கைகள் இல்லாத மாற்றுத் திறனாளிகளும் ஓட்டுவதற்கான 'பைக்கை' திண்டுக்கல் ஆர்.வி.எஸ்., ஸ்கூல் ஆப் இன்ஜினியரிங் மாணவர்கள் கண்டுபிடித்துள்ளனர்.

கால் இல்லாத மாற்றுத் திறனாளிகள் ஓட்ட பைக்' தயாரிக்கப்படுகிறது. இரு கைகள் இல்லாத மாற்றுத் திறனாளிகள் கைப்பிடியை பிடிக்க முடியாது என்பதால், இதுவரை அவர்களுக்கு 'பைக்' தயாரிக்கப்படவில்லை. இதனால் அவர்கள் பயணத்திற்கு மற்றவர்களை நம்பியே இருக்க வேண்டியுள்ளது. அவர்களுக்கான 'பைக்கை' திண்டுக்கல் ஆர்.வி.எஸ்.,ஸ்கூல் ஆப் இன்ஜினியரிங் கண்டுபிடித்தது. இதை மெக்கானிக்கல் உதவி பேராசிரியர் என்.கார்த்தியேன் தலைமையில் மாணவர்கள் அருள்கிளிண்டன், பிரசாந்த், சரத்குமார் வடிவமைத்தனர்.இந்த 'பைக்கில்' கைப்பிடி இருக்காது. அவற்றை இரு கால்கள் மூலம் இயக்க முடியும். 'சீட் பெல்ட்' இல்லாமல் 30 கி.மீ., 'பெல்ட்' அணிந்தால் 50 கி.மீ., வேகத்தில் செல்லலாம்.

பேராசிரியர் கார்த்திகேயன் கூறியதாவது: கை இல்லாதவர்கள் வண்டியை 'பேலன்ஸ்' செய்ய இயலாது. 'பிரேக்' பிடித்தாலும் முன்னோக்கி செல்லாத வகையில் 'பைக்கை' வடிவமைத்துள்ளோம். 30 கி.மீ.,க்கு மேல் செல்லும்போது 'சீட்பெல்ட்' அணிந்தால் போதும், என்றார். மாணவர்களை கல்லுாரி இயக்குனர் சரவணன், மெக்கானிக்கல் துறைத்தலைவர் செந்தில்குமரன் பாராட்டினர்.
-
தினமலர்