காஞ்சனா 2 - திரை விமர்சனம்

by **சிவா** Wed Apr 22, 2015 12:37 am

கொஞ்சம் திகில், கொஞ் சம் காமெடி கலந்து பேய்கள் ஆட முயற்சி செய்திருக்கும் அதிரடி ஆட்டம்தான் ‘காஞ்சனா 2’.

வழக்கம்போல, பேய் என்றால் பயம் தொற்றிக்கொள்ளும் பேர் வழி ராகவா லாரன்ஸ் (ராகவா). இவர் கிரீன் டிவி சேனலில் கேமராமேனாக வேலை பார்க் கிறார். நாயகி தாப்ஸி (நந்தினி) அதே சேனலில் நிகழ்ச்சி இயக்குநர். முதல் இடத்தில் இருந்த இந்த சேனல் இரண்டாம் இடத்துக்குத் தள்ளப்படுகிறது. காரணம், போட்டி சேனலில் ஒளிபரப்பாகும் புதிய நிகழ்ச்சி. கடவுளை மையமாகக் கொண்ட அந்த நிகழ்ச்சியின் வெற்றியை முறியடிக்க பேயைப் பின்னணி யாகக் கொண்ட ஒரு நிகழ்ச்சியை வழங்கும் யோசனை உருவா கிறது. தாப்ஸி, ராகவா உள் ளிட்ட குழு மாமல்லபுரத்தில் உள்ள பாழடைந்த பங்களாவை நோக்கிப் புறப்படுகிறது. அங்கு பேய் நிகழ்ச்சியைப் படமாக் கும்போது நடக்கும் திகில் சம்பவங்களை ஒட்டி நகர்வது தான் படத்தின் மீதிக் கதை.

பேய் என்றால் எந்த அளவுக்கு லாரன்ஸுக்குப் பயம் என்பதை கோவை சரளா விவரிக்கும் காட்சிகள் கலகலப்பான தொடக் கம். படப்பிடிப்பு பங்களாவில் வெளிப்படும் மர்மங்கள், கடற் கரை மணலில் கண்டெடுக்கப் படும் தாலி, படப்பிடிப்புக் குழு வினரைப் பீதிக்குள்ளாக் கும் சம்பவங்கள் என்று தொடரும் காட்சிகள் படத்தை விறுவிறுவென நகர்த்திச் செல் கின்றன.

மர்மங்களுக்கான காரணத் தைச் சொல்லவேண்டும் என்ற அவசியம் இரண்டாம் பாதியில் ஏற்படும்போது, ஓட்டத்தின் வேகம் குறைகிறது. பேய்களின் நோக்கத்தைச் சொல்வதற்கு முன்பு, பேய்களின் ஆட்டத்தைக் காட்ட அதிகமான காட்சிகளை எடுத்துக்கொள்கிறார் இயக்கு நர். இந்தக் காட்சிகளில் புதுமையை விடவும் இரைச்சலே அதிகம். இதையெல்லாம் தாண்டிப் பின்னணிக் கதையைச் சொல்லி பழிவாங்கும் படலத்தைக் காட்டி முடிப்பதற்குள் போதும் போதும் என்றாகிவிடுகிறது.

பின்பாதி கதை சற்றும் கவர வில்லை என்பது ஒருபுறம் இருக்க, பேயின் தாக்குதல்கள், அச்சுறுத்தல்கள், சண்டைகள் ஆகியவையும் பழைய சரக்கு களாகவே உள்ளன. ஒரே மாதிரி காட்சிகள் திரும்பத் திரும்ப வருவது அலுப்பூட்டுகிறது.

ஒவ்வொரு திகில் காட்சியிலும் மறக்காமல் நகைச்சுவையைக் கலந்திருப்பது இயக்குநரின் சாமர்த்தியம். பேய்களின் ஆட்டத் துக்கு மத்தியில் முன்பாதியிலும் பின்பாதியிலும் வரும் காதல் காட்சிகளும் மாறுபட்ட உணர் வைக் கொடுக்கின்றன. ஆனால், இந்த மென்மையெல் லாம் இரைச்சலின் உக்கிரத் தில் அடித்துச் செல்லப்படு கின்றன.

முந்தைய காஞ்சனாவில் திருநங்கைகளின் நிலையை அழுத்தமாகப் பதிவுசெய்த லாரன்ஸ், இந்தப் படத்தில் மாற்றுத்திறனாளிகள் பற்றிப் பேசுகிறார். திருநங்கைகள் பற்றிய பொது மக்களின் பார்வையையே மாற்றக்கூடிய அளவுக்கு அந்த காஞ்சனா வில் அந்த உணர்வு அழுத்த மாகச் சொல்லப்பட்டிருந்தது. அந்த வலு இந்தப் படத்தில் இல்லை.

நடிப்பைப் பொறுத்தவரை ராகவா லாரன்ஸ் செய்வதற்கு புதிதாக எதுவும் இல்லை. முன் பாதியில் காஞ்சனாவில் பார்த்த அதே நடிப்பு. பின் பாதியில் வரும் மொட்டை சிவா, வழக்கமான மசாலா பட நாயகனின் பாத்திரம்தான்.

இதுவரை அழகுப் பதுமை யாக மட்டுமே வந்துபோன தாப்ஸிக்கு இந்தப் படத்தில் நடிக்க வாய்ப்பு. அழகு தேவதை யாகக் கவரும் தாப்ஸி, பேயைக் கண்டு மிரள்வதிலும் பேயாக மிரட்டுவதிலும் பிரகாசிக்கிறார். மாற்றுத்திறன் பெண்ணாக வரும் நித்யா மேனன் அனுதாபத்தை அள்ளுகிறார். கோபத்தில் சீறும்போது அசரவைக்கிறார்.

கோவை சரளா, லாரன்ஸ் சந்திக்கும் இடங்கள் சிரிக்க வைத்தாலும் காஞ்சனா முதல் பாகத்தை நினைவுபடுத்து கின்றன. மனோபாலா, மன், பூஜா உள்ளிட்டவர் களின் காமெடியும், நடிப்பும் படத்தை நகர்த்திச் செல்ல உதவுகின்றன.

எஸ்.எஸ்.தமன், லியோன் ஜேம்ஸ், சி.சத்யா, அஸ்வமித்ரா ஆகிய நால்வர் இசை! பாடல்களில் வித்தியாசம் காட்டியிருந்தாலும் படத்தில் அதை முழுவதுமாக உணர முடியவில்லை. பின்னணி இசையில் பல இடங்களில் சத்தமே பிரதான இடம் வகிக் கிறது.

ஒளிப்பதிவு ராஜவேல் ஒளி வீரன். பேருக்கு ஏற்றாற்போல திறம்பட வேலை பார்த்திருக் கிறார். சமீபத்தில் மறைந்த கிஷோரின் எடிட்டிங் படத்தின் விறுவிறுப்பைக் கூட்டுகிறது. கிராபிக்ஸ் காட்சிகளில் உழைப்பு தெரிகிறது.

படத்தின் முதல் பாதி ஈர்ப்பை, இரண்டாம் பாதி யும் தக்கவைத்திருந்தால் ‘காஞ்சனா 2’வைப் பயந்து ரசித்திருக்கலாம்.

இந்து டாக்கீஸ் குழு

by **சிவா** Wed Apr 22, 2015 12:52 am

காஞ்சனா 2 - படம் எப்படி?

பழிவாங்கும் பேய்கள் கூட்டத்திற்கு துடுப்பு சீட்டு லாரன்ஸ், இதுதான் ‘காஞ்சனா - 2’

க்ரீன் டிவி கேமரா மேன் ராகவா லாரன்ஸ். அதே டிவியில் இயக்குநராக டாப்சி. ராகவா லாரன்ஸ் டாப்சி வழக்கம் போல் லவ், பத்திகிச்சு ,சாப்டர் ஓவர்.

பிறகு டிவியோட ரேட்டிங் ஏறணும் , நம்பர் 1 இடத்திற்கு கொண்டு போக வேண்டும் என ஒரு பேய் ஆராய்ச்சி ஷோவுக்காக பாழடைந்த , கடற்கரை வீடு தேர்வாகிறது. அங்கே போகும் கலாட்டா டிவி டீம் தலைவி டாப்சி கையில ஒரு தாலி கிடைக்கிறது. டாப்சியும் அசால்டாக தாலியை லபக்கிக் கொண்டு வர ஆட்டம் ஆரம்பம் , யார் துரத்துகிறார்கள், பின்னனி என்ன என்பதே மீதி கதை.

லாரன்ஸ் 7 வயது குழந்தையாக ‘கட கடவென’ பாடல் பாடுகிறார். 70 வயது பாட்டியாக வந்து தள்ளாடிக் கொண்டே மிரட்டுகிறார். புடவை கட்டிக் கொண்டு ஒய்யாரமான பெண்ணாக நிற்கிறார். இப்படி கமல் டைப்பில் அத்தனையும் லாரன்ஸ் மயம். சீன் பை சீன் மொட்ட சிவா கெட்ட சிவா என முந்தைய படங்களை காட்டிலும் நடிப்பில் இன்னமும் மெருகு தெரிகிறது.

டாப்சி வெள்ளை பொண்ணு பால்கோவா கலரில் ரோமான்டிக் லுக் கொடுத்து விட்டு பின் அட இந்த பொண்ணு இப்படியெல்லாம் நடிப்பாங்களா என காலை மடக்கி ஒடுக்கி ‘முழு கங்கா இப்ப ஓகே’ வா எனக் கேட்கும் போதும் , அலாக்காக வீட்டின் மேல் பாக்கத்தில் நின்று கொண்டு லுக் விடுவதும் என டாப்சி டாப்.

‘ஓ காதல் கண்மணி’ படத்தில் நித்யா மேனனை பார்த்துவிட்டு இந்த படத்தில் அதே நித்யாவை பார்த்தால் இன்னும் சிறப்பு. என்ன ஒரு கெட்டப் சேஞ்ச். அந்த ஜிலீர் பொண்ணு இந்த படத்தில் நம்மையே ஜிலீர்னு உறைய வைக்குறாங்க.வழக்கமான ஸ்ரீமன், கோவை சரளா, மனோ பாலா என பேய் பயத்தில் உறைய வைக்கும் பாத்திரங்கள். என்ன தேவதர்ஷினி இல்லையே பாஸ் மொமெண்ட் கொஞ்சம் தோன்றுகிறது.

இயக்குநர், நடிகர், தயாரிப்பாளர் என லாரன்ஸ் ஒரு காட்டு காட்டியிருக்கிறார். எனினும் ஏன் படம் முழுக்க ஹரி பட பாணியில் ’டேய், நீ மாஸ்’னா நான் பக்கா மாஸ்’ , ‘மொட்ட சிவா , கெட்ட சிவாடா’ என அலறல்கள் தெரியவில்லை. பாடல்கள் சுமார் ரகம். ’சண்டி முனி’ கண்டிப்பாக இதய நோயாளிகள் ஜாக்கிரதை ஸ்டைல் பாடல். ’மொட மொட’ குழந்தை பாடல் வித்யாசமான ஸ்டைல். பின்னனி இசையாக இல்லாமல் அவ்வளவும் ஸ்பெஷல் எஃபெக்டாகவே பயன் படுத்திய முறை தான் படத்திற்கு பலம் எனலாம்.

முதல் பாதியில் சடார் , சடார் என திகில் காட்டிய பேய்கள் , இரண்டாம் பாதியில் சற்றே மறந்து விட்டன. கடைசியில் சண்டை காட்சிகளும் கிராபிக்ஸ் செயற்கையாக தெரிந்ததை குறைத்திருக்கலாம். காஞ்சனா அளவிற்கு கதை பலமும் குறைவு. காமெடிகளும் சில இடங்களில் அம்மாவை செருப்பு பிஞ்சுடும் ,போடி வாடி என திட்டுவதும் குழந்தைகளை கவர நினைக்கும் லார்ன்ஸ்இதையெல்லாம் தவிர்த்திருக்க வேண்டும்.

விடுமுறை என நினைத்து குழந்தைகள் சகிதமாக சென்றால் அல்ர்ட். முதல் பாதி முழுக்க கொஞ்சம் அரட்டி எடுக்கிறார்கள்.

சரி பார்க்கலாமா? ஜாலியாக ஒரு பயங்கர படம் எனில் கண்டிப்பாக பார்க்கலாம். நாங்க ‘ க்ரட்ஜ்’ பேய் பார்த்தே அசராத ஆட்கள் என்றால் இதுவும் கடந்து போகும்.

- சினிமா விகடன் குழு -

by **விமந்தனி** Wed Apr 22, 2015 1:08 am

இந்த படம் பார்க்கவேண்டும். அதிலும் அந்த மோட, மோட... பாட்டு தூள்... எப்போ போலாம்னு என் பொண்ணு கேட்டுட்டே இருக்கா..

by **M.M.SENTHIL** Wed Apr 22, 2015 2:47 pm

ஒரே மாவையே அரைத்து இருக்கிறார் லாரன்ஸ்.. போட்டிக்கு படம் இல்லாததால், வேறு வழியின்றி போகலாம்.. எனினும் அம்மாவை (நான் கோவை சரளாவை சொன்னேனுங்க) அவர் பேசும் விதம் முகம் சுழிக்க வைக்கிறது. மற்றபடி ஜாலியா ஒரு பேய் படம்..... பயமெல்லாம் கொஞ்சம் கம்மியா ஒரு பேய் படம்........

by **விமந்தனி** Wed Apr 22, 2015 6:41 pm

ஓ... படம் பார்த்தாச்சா செந்தில்?

குட்டி 'லோக்' ஈகரைக்கு வந்துட்டானே... வருக, வருக லோக்நாத் இளவரசே... அன்பு மலர்

by யினியவன் Wed Apr 22, 2015 7:15 pm

விடாது முயற்சிக்கும் ஆஸ்கர் நாயகனை அப்புறப் படுத்திய நம் குடும்ப நாயகனாச்சே இளவரசன்

by **விமந்தனி** Wed Apr 22, 2015 7:18 pm

யினியவன் wrote:விடாது முயற்சிக்கும் ஆஸ்கர் நாயகனை அப்புறப் படுத்திய நம் குடும்ப நாயகனாச்சே இளவரசன்

ஆமாம்.. ஆமாம்.. இந்த குட்டிக்கு முன்பு உலகநாயகன் எல்லாம் எம்மாத்திரம்.? புன்னகை

by **M.M.SENTHIL** Thu Apr 23, 2015 1:11 pm

விமந்தனி wrote:ஓ... படம் பார்த்தாச்சா செந்தில்?

குட்டி 'லோக்' ஈகரைக்கு வந்துட்டானே... வருக, வருக லோக்நாத் இளவரசே...

மேற்கோள் செய்த பதிவு: 1132206

சி.டி. யில் பார்த்தேன் அக்கா... படம் சுமார்தான்... இருப்பினும் ஒருமுறை பார்க்கலாம்.

குட்டி லோக், நம் குடும்ப நபர்கள் காண வேண்டாமா,. அதான் அழைத்து வந்து விட்டேன்.

by **M.M.SENTHIL** Thu Apr 23, 2015 1:13 pm

யினியவன் wrote:விடாது முயற்சிக்கும் ஆஸ்கர் நாயகனை அப்புறப் படுத்திய நம் குடும்ப நாயகனாச்சே இளவரசன்

மேற்கோள் செய்த பதிவு: 1132221

உலக நாயகன் கமல் என் மனதிற்கு பிடத்தவர், லோகநாத் என்ற இளவரசன் என் இதயம்...

by **M.M.SENTHIL** Thu Apr 23, 2015 1:14 pm

விமந்தனி wrote:
யினியவன் wrote:விடாது முயற்சிக்கும் ஆஸ்கர் நாயகனை அப்புறப் படுத்திய நம் குடும்ப நாயகனாச்சே இளவரசன்
ஆமாம்.. ஆமாம்.. இந்த குட்டிக்கு முன்பு உலகநாயகன் எல்லாம் எம்மாத்திரம்.?

மேற்கோள் செய்த பதிவு: 1132225

உண்மையே, என் குட்டியும் அந்த உலக நாயகன் போல பன்முக திறனுடன் வளர்ந்தால் மகிழ்வேன்.