கன்னியாகுமரியில், 20 வருடமாக படுத்த படுக்கையாக இருக்கும் வாலிபருக்கு காதலியுடன் நேற்று திருமணம் நடந்தது.

சாமியார்மடம்: கன்னியாகுமரியில், 20 வருடமாக படுத்த படுக்கையாக இருக்கும் வாலிபருக்கு காதலியுடன் நேற்று திருமணம் நடந்தது.  குமரி மாவட்டம் சாமியார்மடம் அருகே மருதூர்குறிச்சி சேரிக்கடை பகுதியைச் சேர்ந்தவர் ஜார்ஜ் வில்லியம். தொழிலாளியான இவருக்கு அன்னம்மாள் என்ற மனைவியும், விஜயகுமார், ஜெயகுமார் என்ற இரட்டை மகன்களும் உள்ளனர். இருவரும் சேரிக்கடையில் உள்ள பள்ளியில் படித்தனர். 10 வயது ஆனபோது இருவருக்கும் உடல்நலக்குறைவு ஏற்பட்டு படுத்தபடுக்கையாக இருந்தனா். பல்வேறு சிகிச்சைகள் பெற்றும் குணமாகவில்லை. தற்போது இவர்களுக்கு 30 வயது ஆகிறது. இந்தநிலையில், கேரளாவை சேர்ந்த உத்தமன் என்பவரது மகள் மஞ்சுஷா என்பவர் இரட்டையர்களை பற்றி அறிந்தாா். அவர்களில் மூத்தவரான விஜயகுமாரை பெற்றோர் எதிர்ப்பையும் மீறி கடந்த 2012ம் ஆண்டு திருமணம் செய்துகொண்டார்.

இதுகுறித்த தகவல் செய்தித்தாள்களில் வெளியானது. இந்த செய்தியை நெல்லை மாவட்டம் நாங்குநேரி பருத்திவிளையை சேர்ந்த சிவகுலதேவி என்பவர் படித்தாா். பின்னா், ஜெயகுமாருடன் செல்போனில் தொடர்பு கொண்டு பேசினார். அப்போது அவர்களுக்குள் காதல் ஏற்பட்டது.  ஜெயக்குமாரை திருமணம் செய்ய சிவகுலதேவி முடிவு செய்தார்.  தன்னுடைய விருப்பத்தை பெற்றோரிடம் சிவகுலதேவி கூறினார். அவர்கள் முதலில் எதிர்ப்பு தெரிவித்தனர். பின்னர் மகளின் மனம் அறிந்து திருமணத்திற்கு ஒப்புதல் அளித்தனர். இதைதொடர்ந்து இருவீட்டார் ஏற்பாடுகளின்படி நேற்று அவர்களுக்கு திருமணம் நடந்தது. மணமகன் வீட்டில் நடந்த திருமணத்தில் ஏராளமானோர் கலந்து கொண்டு மணமக்களை வாழ்த்தினர்.
thinakaran

வாழ்க  வளமுடன்

ஜெயகுமார் - சிவகுல தேவி தம்பதியருக்கு திருமண வாழ்த்துக்கள்.

மனித நேயம் போற்றுவோம்..

ரமணியன்

இல்லறம் இனிதே சிறக்க வாழ்த்துக்கள்!ஒருவருக்கொருவர் விட்டு கொடுத்து
அன்பு செலுத்துங்கள்!எப்போதும் உங்கள் இதயங்களில் காதல் ஆட்சி செலுத்தும்!