யேல் பல்கலை. பயிற்சிக்கு 2 இந்தியர்கள் தேர்வு

நியூயார்க்
-
நிகழாண்டில் சர்வதேச சமூக ஆர்வலர்களாக
(வேர்ல்டு ஃபெல்லோ), இரண்டு இந்தியர்களை
அமெரிக்காவின் யேல் பல்கலைக்கழகம் தேர்வு
செய்துள்ளது.

இதுகுறித்து அந்தப் பல்கலைக்கழகத்தின் பயிற்சி
இயக்குநர் எம்மா ஸ்கை, சனிக்கிழமை கூறியதாவது:

சமூக மாற்றத்தை நோக்கி அயராது உழைத்து
வருவோரைக் கண்டறிந்து, அவர்களின் வளர்ச்சிக்கு
ஆண்டுதோறும் பயிற்சி அளிக்கப்படுகிறது.

இந்த ஆண்டில், இந்தியாவைச் சேர்ந்த "சுகவாழ்வு
ஹெல்த்கேர்' என்ற மருத்துவ அமைப்பின் நிறுவனர்
ஜீனா ஜோஹர், பத்திரிகையாளரும், எழுத்தாளருமான
ராகுல் பண்டிதா ஆகிய இருவரும் தேர்வு
செய்யப்பட்டுள்ளனர்.

இவர்களுக்கு யேல் பல்கலைக்கழகத்தில், இந்த
ஆண்டு இறுதியில் 4 மாதங்கள் சிறப்புப் பயிற்சி
அளிக்கப்படும் என்றார் அவர்.

சுகவாழ்வு ஹெல்த் கேர் மருத்துவ அமைப்பு,
தமிழகத்தின் கிராமப் பகுதிகளில் 9 சிகிச்சை
மையங்களின் மூலம், இதுவரை 70,000 பேருக்கு
சிகிச்சை அளித்துள்ளது.

தில்லியைச் சேர்ந்த ராகுல் பண்டிதா, இராக்,
இலங்கை ஆகிய நாடுகளின் போர் குறித்தும்,
இந்தியாவின் கிழக்கு, மத்தியப் பகுதிகளில்
மாவோயிஸ்டுகளின் ஊடுருவல் குறித்தும்
செய்திகளை அளித்தவர் ஆவார்.

யேல் பல்கலைக்கழகத்தின் சிறப்புப் பயிற்சியில்,
இந்த ஆண்டில், 84 நாடுகளில் இருந்து, மொத்தம்
273 பேர் கலந்து கொள்கிறார்கள்.
-
------------------------------
தினமணி