இந்துத்துவம் மதம் கிடையாது, ஒரு வாழ்க்கை வழிகாட்டி

கடனாவில் குர்த்வாராவிற்கு சென்ற பிரதமர் மோடி பேசுகையில், இந்துத்துவம் மதம் கிடையாது, அது ஒரு வாழ்க்கை வழிகாட்டி என்று கூறினார்.

பிரதமர் நரேந்திர மோடி 3 நாடுகள் பயணத்தின் இறுதிக்கட்டமாக நேற்று முன்தினம் (புதன்கிழமை) கனடா சென்றார். டொராண்டோவில் இருந்து விமானம் மூலம் இன்று வான்கூவர் வந்த பிரதமர் மோடி, கனடா பிரதமர் ஸ்டீபன் ஹார்பர் நேராக குர்த்வாரா கோவிலுக்கு சென்றார். இருவரும் கோவிலில் வழிபாடு செய்தனர். பின்னர் அங்கிருந்தவர்கள் மத்தியில் பிரதமர் நரேந்திர மோடி உரையாற்றினார். கனடாவில் உள்ள சீக்கியர்கள் தங்களது பணியின் மூலம் இந்தியாவை பெருமை அடைய செய்து உள்ளனர். குருநானக் போதனை மற்றும் பகவத் சிங் உள்பட, இந்திய சுதந்திர போராட்டத்தில் சீக்கியர்களின் பங்கு குறித்தும் பேசினார்.

மனித நேயத்திற்காக பணியாற்ற வேண்டும் என்பதை வலியுறுத்திய பிரதமர் மோடி, சீக்கியர்கள் தங்களது தியாகங்கள் மூலம் அதற்கு எடுத்துக்காட்டாக உள்ளனர் என்றார். பின்னர் பிரதமர் மோடி மற்றும் ஹார்பர் இருவரும் அங்குள்ள லட்சுமி நாராயணர் கோவிலுக்கு சென்றும் வழிபாடு செய்தனர். அவர் கனடாவில் வாழும் இந்தியர்களுக்கு பாராட்டு தெரிவித்தார். இந்துத்துவம் வழியாக மனித நேயத்திற்கு பணிபுரிய வேண்டிய தேவையும் வலியுறுத்தினார். அப்போது அவர் பேசுகையில் “இந்து தர்மம் குறித்து இந்தியாவின் உச்சநீதிமன்றம் மிகவும் அழகான வரையறையை கொடுத்து உள்ளது... இந்து தர்மம் என்பது மதம் இல்லை, வாழ்க்கை வழிகாட்டி என்று உச்சநீதிமன்றம் தெரிவித்து உள்ளது... உச்சநீதிமன்றத்தின் வரையறை வழியை காட்டி உள்ளது என்று நான் நம்புகிறேன்...” என்றார்.

வாழ்க்கையில் தியாக வழியின் மூலம், இந்து மதம் காட்டு விலங்குகள் உள்பட இயற்கையின் நன்மைக்கும் பணியாற்றுகிறது.. வாழ்க்கையின் எந்தஒரு பிரச்சனைக்கும் இது வழியை காட்டும்.... என்று பிரதமர் மோடி பேசினார்.