அமெரிக்காவை எரித்து நாசமாக்குவோம்: ஐ.எஸ்.ஐ.எஸ்., பயங்கரவாதிகள் மிரட்டல்

**ayyasamy ram** · **ayyasamy ram** Wed Apr 15, 2015 5:34 am

நியூயார்க்:

'எவ்வளவு பெரிய பாதுகாப்பு அம்சங்களை கொண்டிருந்தாலும், அமெரிக்காவை எரித்து நாசமாக்குவோம்' என, ஐ.எஸ்.ஐ.எஸ்., பயங்கரவாதிகள் மிரட்டல் விடுத்துள்ளனர்.

வீடியோ பதிவு:

இதுதொடர்பாக, சமூக வலைதளமான டுவிட்டரில், பயங்கரவாதிகள் வெளியிட்டுள்ள, 11 நிமிட வீடியோ பதிவில், '2001 செப்டம்பர் 11ம் தேதி, அமெரிக்காவின் நியூயார்க் நகரில் நடந்த, இரட்டை கோபுர தாக்குதல் போன்று மீண்டும் ஒரு மிகப்பெரிய தாக்குதலை, அமெரிக்கா எதிர்கொள்ள தயாராக இருக்க வேண்டும்' என, மிரட்டி உள்ளனர். 'உலகின் எந்த மூலையில் உள்ள அமெரிக்கருக்கும் பாதுகாப்பில்லை' என, எச்சரித்துள்ள பயங்கரவாதிகள், 'அமெரிக்காவை எரித்து நாசமாக்கி, மரண அடி கொடுப்போம்' என்றும் கொக்கரித்துள்ளனர். முழுவதும் அமெரிக்காவிற்கு எதிரான பதிவுகளே, வீடியோவில் இடம் பெற்றுள்ளன. சிரியா மற்றும் ஈராக்கில் ஆதிக்கம் செலுத்தி வரும், ஐ.எஸ்.ஐ.எஸ்., பயங்கரவாத அமைப்பை, அமெரிக்கா மற்றும் ஐரோப்பிய நாடுகளின் கூட்டு படைகள் ஒடுக்கி வருகின்றன. அதன் காரணமாகவே, அமெரிக்காவுக்கு எதிராக பயங்கரவாதிகள் மிரட்டல் விடுத்துள்ளனர்.

ஈராக்கில் பின்னடைவு:

இதற்கிடையில், 'ஈராக்கில், கடந்த ஆகஸ்ட் மாதம், ஐ.எஸ்.ஐ.எஸ்., பயங்கரவாதிகள் வசமிருந்த பல பகுதிகள் மீட்கப்பட்டுள்ளன. அவர்களின் ஆதிக்க எல்லைகள் சுருங்கி விட்டன. 16,800 சதுர கி.மீ., பரப்பளவு பகுதிகளை அவர்கள்
இழந்துள்ளனர்' என, அமெரிக்க ராணுவத் தலைமையகமான பென்டகன் கூறியுள்ளது.
-
தினமலர்

அமெரிக்காவை எரித்து நாசமாக்குவோம்: ஐ.எஸ்.ஐ.எஸ்., பயங்கரவாதிகள் மிரட்டல்

அமெரிக்காவை எரித்து நாசமாக்குவோம்: ஐ.எஸ்.ஐ.எஸ்., பயங்கரவாதிகள் மிரட்டல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக