2020-ல் இந்தியா எப்படி இருக்கும்?

by **சிவா** Tue Apr 14, 2015 9:56 pm

உலகிலேயே இளமை நாடாக இந்தியா இருக்கும். நாட்டின் மக்கள் தொகையில் 64 சதவீதம் பேர் வருமானம் ஈட்டக்கூடியவர்களாக இருப்பார்கள். இது ஒரு மகிழ்ச்சியான செய்தி. அதே வேளையில் கடந்த தலைமுறைகளில் தாத்தாக்களுக்கு வந்த வியாதிகள், இப்போது அப்பாக்களுக்கும், மாமாக்களுக்கும் வந்து விடுகின்றன.

இன்றைய தலைமுறை 40 வயது வரை ஆரோக்கியத்தை இழந்து பணம் சம்பாதிக்கிறார்கள். 40 வயதிற்கு மேல் தாங்கள் சம்பாதித்ததை எல்லாம் தங்களது ஆரோக்கியத்திற்காக செலவழிக்கின்றனர். நீரிழிவு, அதிக உடல் பருமன், உயர் ரத்த அழுத்தம், புற்று நோய் போன்றவை 2020-ல் அதிக அளவு இருக்கும். சிறுமிகள் மிக சிறிய வயதிலேயே பருவமடைந்து விடுவதும், 40 வயதுகளில் நிற்க வேண்டிய மாத விலக்கு, 30 வயதுகளிலேயே வந்து விடும். ஆண்களுக்கும் ஆண்மைக்குறைவு ஏற்பட்டு வருத்தப்பட வைக்கும். இவை மூலம் எதிர்கால இந்தியா எச்சரிக்கப்படுகிறது.

இந்தியாவில் 5 கோடி மக்களுக்கும் மேல் நீரிழிவு நோய் உள்ளவர்கள் இருப்பதால், தற்போது நீரிழிவு நோயின் தலைநகராக இருக்கிறது. 2020-ல் 12 கோடி பேர் குழந்தை பெற்றுக் கொள்ள முடியாதவர்களாக இருப்பார்கள். 8 கோடி மக்கள் புகையிலை சார்ந்த நோய்களால் இறப்பார்கள்.

2016-ல் இந்தியர்கள் வாழ்க்கை முறை நோய்களுக்கு 236 மில்லியன் டாலர்களை செலவிடுவார்கள். 2030-ல் 34 சதவீத இந்தியர்கள் அதிக எடை உள்ளவர்களாக இருப்பார்கள்.

நகரவாசிகளில் 5-ல் மூன்று பேருக்கு நீரிழிவு நோயோ, அல்லது அதிக ரத்த அழுத்தமோ அல்லது இரண்டுமோ சேர்ந்து இருக்கும். இதற்கு காரணம் உடல் உழைப்பு குறைவு. அதிக கொழுப்பு நிறைந்த, நார்ச்சத்து, புரத சத்து குறைவான உணவுகளை உண்ணுதல், காலை உணவைத் தவிர்த்தல், இரவு அதிக அளவு உணவு, பசிக்கும் போது உணவுக்கு பதில் நொறுக்குத்தீனி உண்பது. மது, சிகரெட், தூக்கமின்மை, மன உளைச்சல், குளிர்பானங்களை அதிக அளவு அருந்துதல், சுற்றுச் சூழல் மாசுபாடு போன்றவையும் நோய்களுக்கு காரணமாக அமைகின்றன.

2000 ஆண்டுகளுக்கு முன்பே மருத்துவ உலகின் தந்தையான ப்போகிரேட்டஸ் எல்லா நோய்களும் வயிற்றில் இருந்தே உருவாகின்றன என்றார். அது இன்று உண்மையாகி வருகிறது.

தற்போது 35 வயதிற்கு மேற்பட்ட நகர்புறப் பெண்களில் 50 சதவீதம் பேர் உடல் பருமனால் அவதிப்படுகின்றனர். இடுப்பு சுற்றளவு ஆண்களுக்கு 90 செ.மீக்கு மேல் இருந்தாலும், பெண்களுக்கு 80 செ.மீக்கு மேல் இருந்தாலும் இதய நோய் வர வாய்ப்புகள் உள்ளன. இதுதவிர 75 சதவீத பெண்கள் ரத்த சோகையால் பாதிக்கப்பட்டுள்ளனர்.

அன்றைக்கு நமது பாட்டிமார்கள் சமைப்பதே உடற்பயிற்சியாக இருந்தது. அம்மி, ஆட்டு உரலில் அரைப்பது, உலக்கையால் இடிப்பது போன்றவற்றால் ரத்த ஓட்டத்தை சீராக வைத்திருந்தனர். இன்று அவை எல்லாம் தொல்பொருளாகி விட்டன. அதனால் நமது ஆரோக்கியமும் தொல்பொருளாக மாறிவிட்டது.

அதனால் 2020-ல் இந்தியாவில் ஆரோக்கியம் என்பது சவால் மிக்கதாகவே இருக்கும்.

தினத்தந்தி

by **M.Saranya** Wed Apr 15, 2015 11:59 am

by **krishnaamma** Wed Apr 15, 2015 11:19 pm

//இன்றைய தலைமுறை 40 வயது வரை ஆரோக்கியத்தை இழந்து பணம் சம்பாதிக்கிறார்கள். 40 வயதிற்கு மேல் தாங்கள் சம்பாதித்ததை எல்லாம் தங்களது ஆரோக்கியத்திற்காக செலவழிக்கின்றனர்.//

இது 100 க்கு 100 சரி சிவா சோகம்

by **krishnaamma** Wed Apr 15, 2015 11:25 pm

//அன்றைக்கு நமது பாட்டிமார்கள் சமைப்பதே உடற்பயிற்சியாக இருந்தது. அம்மி, ஆட்டு உரலில் அரைப்பது, உலக்கையால் இடிப்பது போன்றவற்றால் ரத்த ஓட்டத்தை சீராக வைத்திருந்தனர். இன்று அவை எல்லாம் தொல்பொருளாகி விட்டன. அதனால் நமது ஆரோக்கியமும் தொல்பொருளாக மாறிவிட்டது.

அதனால் 2020-ல் இந்தியாவில் ஆரோக்கியம் என்பது சவால் மிக்கதாகவே இருக்கும். //

2020 இல் நம் நாடு வல்லரசாகும் என்று ஒருபுறம் சொல்லிக்கொண்டிருக்கும் போது இந்த கட்டுரை , வேறு ஒரு பக்கத்தை வெளிச்சம் போட்டு காட்டுகிறது ....நல்ல பகிர்வு சிவா ! புன்னகை