நவீன மகளிர் மட்டும்

by கட்டாரி Mon Apr 13, 2015 8:48 pm

நீ மெல்லமாய்க்
காதல் மொழிவதை ரசித்துக்கொண்டே
இருப்பேன்....... என்றாலும்
இம்முறை கொஞ்சமேனும்
உரக்கச் சொல்லி விடு...!!
இசைத் தெரிவாளனின் அதிர்விசை
ஆர்வமிகுதிகள்
எகிறிக்கொண்டிருக்கிறது.......

உதடுகள் அழகாயிருப்பதாய்
சொல்கிறேன்....
அப்போ உதட்டுச் சாயம்.....?
முறைக்கிறாய்....
அது பூச்சு என்கிறேன்......
பூசியிருக்க மாதிரியா இருக்கு....?!!!
மறுபடியும் முதலிலிருந்து....

குதிகால் உயரங்களில்
உறைந்த நான்... கை பற்றிக்கொள்ள
வருகிறேன்...
வலதுகண் உயரத் தூக்கி
வேண்டாமென மறுக்கிறாய்...
முடுக்கத்தில் நொடுக்கிச்சரிந்து..
அக்கறையே இல்லையென .. இப்பொழுது
இடதுகண்ணும்.....

ஒளிர மறுத்த
நுண்கதிர்த் தொலைக்காட்சிக்கும்...
இரண்டாய்ப் பிளந்திருந்த
தானியக்குத் துவக்கிக்கும்...
தூரத்தில் மல்லாந்திருந்த
கரடி பொம்மைக்கும்....
நன்றாகவே நினைவிருக்கும்......
நீ... சொடுக்க மறந்து விட்டிருந்த
மின் இணைப்பான்களை....

இத்தாலி.... அரேபியம் ...
தாய்லாந்து... சீனம்... மென..
எல்லாப் பண்டங்களும்
புத்தகங்களாகியிருந்தது...
நவீனச் சமையலறைகளில்....
"இன்றும்கூட மென்ரொட்டிப்
பொட்டலங்களோடு...பழக்குழைமம்
வாங்கிவந்திரு"
உன் குறுஞ்செய்தி
கிடைக்கப்பெற்றேன்.......

by **T.N.Balasubramanian** Mon Apr 13, 2015 10:17 pm

நீ மெல்லமாய்க்
காதல் மொழிவதை ரசித்துக்கொண்டே
இருப்பேன்....... என்றாலும்
இம்முறை கொஞ்சமேனும்
உரக்கச் சொல்லி விடு...!!
இசைத் தெரிவாளனின் அதிர்விசை
ஆர்வமிகுதிகள்
எகிறிக்கொண்டிருக்கிறது.......