கமல்ஹாசனை தேசிய பாதுகாப்பு சட்டத்தில் கைது செய்ய வேண்டும்: இந்திய தேசிய லீக் கட்சி

விஸ்வரூபம் படத்தை அடுத்து கமல்ஹாசன் நடித்து வெளிவர உள்ள படம் உத்தம வில்லன். லிங்குசாமியின் திருப்பதி பிரதர்ஸ் தயாரித்துள்ள இந்த படத்தை நடிகர் ரமேஷ் அரவிந்த் இயக்கியுள்ளார்.

வருகிற மே 1 ஆம் தேதி வெளியாக உள்ள இப்படம் குறித்து பல்வேறு தரப்பிலிருந்து எதிர்ப்புகள் கிளம்பியுள்ளன. வில்லுப்பாட்டு பாடல் காட்சியொன்று படத்தில் இடம் பெறுகிறது. அந்த பாடல் வரிகளில் இந்து கடவுளை விமர்சித்து இருப்பதாகவும், அந்த சர்ச்சை காட்சியை நீக்காமல் படத்தை ரிலீஸ் செய்ய கூடாது என்று கூறி இந்து அமைப்பினர் காவல்துறை ஆணையரிடம் புகார் அளித்துள்ளனர்.

இந்த நிலையில் இந்திய தேசிய லீக் கட்சியும் இப்போது களத்தில் இறங்கியுள்ளது. இன்று சென்னை பெரு நகர காவல் ஆணையரைச் சந்தித்த அக்கட்சியின் பொறுப்பாளர் நாசர் ஒரு புகார் மனுவைத் தந்துள்ளார். அதில், நடிகர் கமல்ஹாசன் தொடர்ந்து மதங்களை இழிவுப்படுத்தி வருகிறார். முன்பு விஸ்வரூபம் படத்தில் முஸ்லிம்களின் உணர்வுகளைப் புண்படுத்தினார். இப்போது உத்தம வில்லன் படத்தில் இந்துக்களின் உணர்வுகளைக் காயப்படுத்தியுள்ளார்.

ஒரு நடிகராக அவர் தன் வேலையைப் பார்க்காமல், தொடர்ந்து மதங்களையும் அவற்றை மதிக்கும் மக்களையும் காயப்படுத்தி வருகிறார். எனவே சமூக அமைதி, நல்லிணக்கத்தைச் சீர்குலைக்கும் கமல் ஹாசனை தேசிய பாதுகாப்புச் சட்டத்தில் கைது செய்து சிறையில் அடைக்க வேண்டும் என்று கூறியுள்ளார்.

இந்த குற்றச்சாட்டை மறுத்து அப்படத்தின் இயக்குனர் ரமேஷ் அரவிந்த் விளக்கம் அளித்தார். அவர் கூறியபோது, உத்தமவில்லன் படத்தில் யாருடைய மனதையும் உணர்வுகளையும் புண்படுத்தும் படியான காட்சிகள் எதுவும் இல்லை. 8 ஆம் நூற்றாண்டில் வாழ்ந்த ஒரு நாடக கலைஞருக்கும் தற்கால கலைஞருக்கும் இடையிலான வாழ்க்கை சார்ந்த படமாகவே இது இருக்கும். இந்த படத்தை தணிக்கை குழுவினர் பார்த்து ’யு’ சான்றிதழ் அளித்துள்ளனர். எனவே திட்டமிட்டபடி படம் வெளியாகும் என்று கூறினார்.

அரசியல் பிரச்சார கூட்டத்துக்கு குவாட்டர் பிரியாணி கொடுத்து ஆள் சேக்கற மாதிரி
படம் ஹிட்டாக இந்த சங்கங்களுடன் தயாரிப்பாளர்கள் அக்ரிமெண்ட் போட்டுக்கறாங்களோ ?

யினியவன் wrote:அரசியல் பிரச்சார கூட்டத்துக்கு குவாட்டர் பிரியாணி கொடுத்து ஆள் சேக்கற மாதிரி
படம் ஹிட்டாக இந்த சங்கங்களுடன் தயாரிப்பாளர்கள் அக்ரிமெண்ட் போட்டுக்கறாங்களோ ?

இப்பொழுது நடக்கும் பிரச்சனைகளை வைத்துப் பார்க்கும் பொழுது நீங்கள் கூறுவது உண்மையென்றுதான் தெரிகிறது!

ஒரு படம் வெளிவருவதற்கு முன்னரே அதில் உள்ள காட்சிகள் இவர்களுக்கு எப்படி தெரியவருகிறது?

சிவா wrote:இப்பொழுது நடக்கும் பிரச்சனைகளை வைத்துப் பார்க்கும் பொழுது நீங்கள் கூறுவது உண்மையென்றுதான் தெரிகிறது!

ஒரு படம் வெளிவருவதற்கு முன்னரே அதில் உள்ள காட்சிகள் இவர்களுக்கு எப்படி தெரியவருகிறது?

சில படங்களுக்கு எதிர்ப்பு ரிலீசுக்கு முன்னரே வருவதைப் பார்த்தால் நிச்சயம் அப்படித்தான் பாஸ் - சென்சார் போர்டுக்கு ஏன் ஸ்க்ரிப்ட் ரைட்டருக்கு கூட கதை தெரியாது, ஆனா இந்த சங்கங்களுக்கு கதை கட்சிதமா தெரியுது

அதில் சில படங்கள் திருட்டு வீசீடி ல கூட நாம பாக்க மாட்டோம் - அவ்ளோ அருமையான படங்கள அவை

யினியவன் wrote:

சிவா wrote:இப்பொழுது நடக்கும் பிரச்சனைகளை வைத்துப் பார்க்கும் பொழுது நீங்கள் கூறுவது உண்மையென்றுதான் தெரிகிறது!

ஒரு படம் வெளிவருவதற்கு முன்னரே அதில் உள்ள காட்சிகள் இவர்களுக்கு எப்படி தெரியவருகிறது?

சில படங்களுக்கு எதிர்ப்பு ரிலீசுக்கு முன்னரே வருவதைப் பார்த்தால் நிச்சயம் அப்படித்தான் பாஸ் - சென்சார் போர்டுக்கு ஏன் ஸ்க்ரிப்ட் ரைட்டருக்கு கூட கதை தெரியாது, ஆனா இந்த சங்கங்களுக்கு கதை கட்சிதமா தெரியுது

அதில் சில படங்கள் திருட்டு வீசீடி ல கூட நாம பாக்க மாட்டோம் - அவ்ளோ அருமையான படங்கள அவை

நீங்க ரெண்டு பெரும் சொல்வது 100% உண்மை

தகவலுக்கு நன்றி......

படம் எந்த பிரச்சனையுமின்றி வெளிவர வேண்டும்..........