தெருமுக்கூட்டுப் படை

எனதருமை தமிழ்ச் சமூகத்திற்கு வணக்கம்... எல்லாரும் கொண்டாட்டத்துல இருப்பீங்க..... நானும் ஒரு தகவலோட உங்கள் கொண்டாட்டத்தில் பங்கெடுத்துக்க விரும்பறேன்...

சம்பவம் என்னன்னா... ஒரு ஈரானிய கவிஞர்ங்க..... அவரு பாக் ஜலசந்தி வழியா இங்க வரும்போது நீந்துற களைப்பு நீங்க பாடிக்கிட்டே வந்தாரு.. அவரு பேரு கனக்லால் ரத்தன் சௌத்ரி சுப்பா கொமார ஐய்யங்கார்ன்னு வரலாறு சொல்லுது.... அவரு இட்டுக்கட்டுன பாட்டு என்னன்னா...

நித்திரையில் இருக்கும் தமிழா!
சித்திரை இல்லை உனக்குப் புத்தாண்டு
அண்டிப்பிழைக்க வந்த ஆரியக்கூட்டம் கற்பித்ததே
அறிவுக்கொவ்வா அறுபது ஆண்டுகள்
தரணி ஆண்ட தமிழனுக்கு
தை முதல் நாளே தமிழ்ப் புத்தாண்டு!

அவரு இன்னா வேணா பாடிட்டு போகட்டும்... அவரு ஈரானிய பாட்டுக்காருப்பா... நாம எல்லா தமிழருங்க... காலைல வாக்கிங் போகசொல்ல பூக்காரக்கா சொல்ச்சி. அத்து கோயிலாண்ட லெப்ட் சைடா குந்திகினு இருக்குமாமா... அப்பால வரசொல்ல நம்ம கடையாண்டையே பூ வாங்கினு செருப்பும் பக்கத்துலே வுட்று நைனா... பாத்து பேசிக்கலாம்ன்னு போயிருச்சி... எல்லா வருசத்தன்னைக்கும் அத்து அப்படியேதா குந்தினுகுது.... அதுகைல போய் இந்த பாட்டுக்கு இன்னா அர்த்தம்ன்னா " இன்னா வாணா இர்ந்திட்டு போட்டும்ப்பா... நீ யாவாரத்த கெட்துனு இருக்காத.." ன்னு வெரட்டி விடும்...

அக்கா சொல்றதும் சரிதான.... அதுக்கு வயித்துப் பொழப்பு.... என்னிக்கு வாணா இர்ந்துட்டு போட்டும்... இன்னா இப்போ...?!! சாமி இருக்குல்ல... அது முன்னாடி நாம வரிசையா நிக்கோ சொல்லோ அருமையா சமஸ்க்ருதத்துல மந்திரம் சொல்வாங்க பாருங்க.... நம்ம தமிழ்க்கடவுள் முருகருக்கு கூட அப்படித்தான்.. அவருக்கு கோவணம் காஸ்ட்யூம் இன்னாத்துக்குன்னு என் மண்டைக்குள்ள லைட்டா மணி அடிக்கிறது வேற கதை...

தமிழுக்கெல்லாம் ஆண்டு இருக்கதே பெர்சு... உனுக்கு தமிழ்ல வேற சொல்லணுமான்னு யாரும் கேட்றாதீங்க.... நானெல்லாம் காட்டு பாசை பேசறவன். கொரங்கு பழம் திங்க போறப்போ சுட்டுக்கொன்ன வேற கதையெல்லாம் நடக்குது..

அப்படியே பொலம்பிகினே வந்தேனா.... டிராபிக் சிக்னலாண்ட.. ஒருத்தர் நின்னுகினு இருந்தார்.... மொத சொன்ன எல்லாத்தையும் சொல்லி.... இன்னா சார் மாத்திடலாமா ? ன்னேன்.... ஒரு நாள் லீவு போய்டும்பா...ன்னார்... இல்ல சார்... அம்பேத்கார்ன்னு ஒரு பெரியவரு இருந்தாரு... நீங்க இப்போ சிக்னல்ல நிக்கிறதுக்குகூட அவர்தான் காரணம்... இன்னிக்கு அவுரு பொறந்தநாளு... அத வச்சி நாம கேட்டுக்கலாம்ன்னேன்.. நம்ம வடக்கால ஸ்டேட்லலாம் அவுரு பொறந்தநாள்ன்னு சொல்லி லீவு வுட்டுகுறாங்கோ சார்...

நீ சொல்றதெல்லாம் சரிதாம்பா.. அவுரு பொறப்பால ஒரு தலித்தாம்ல... நா அவரு சாதி இல்லையே... நா எப்படி கொண்டாட...ன்னு திருப்பி கேட்டாரு....நான் இன்னைக்கு
புதுவருசமாவே கொண்டாடிக்கிறேன்பான்னு வண்டிய கெளப்பிட்டாரு.

சரிதான் சார்.... ன்னு நானும் ரூமுக்கு வந்தா... பிரண்டு " மச்சா..... தமில் ந்யூ இயர் விஷஸ்டா... கோயிலுக்கு போலாமா சாயங்காலம்... செம்ம பிகர்லாம் வரும்டா.... ன்னான்....

சரி... போலாம்... இன்னைக்கு பொங்கலு... புளியோதரை எல்லாம் சூப்பரா குடுப்பாங்க... நமக்கு அதெல்லாம் வாணாம்... சும்மா 2 தொன்னை சுண்டலு மட்டும் கூட வாங்கிக்கலாம்... அங்கருந்தே... பாருக்கு போய்டலாம்... செம்ம சைட் டிஷ் கைல இருக்குல்லா... காசு மிச்சம்... ன்னு சொல்ட்டு...

ராத்திரி மிச்சம் வச்சிருந்த சரக்க அப்போதைக்கு கூட இருந்த ஊறுகாய் தொட்டுகினு அடிக்க ஆரம்பிச்சேன்....
சுண்டல் ஞாபகத்தோடவே..... அல்லாத்துக்கும் தமில் ந்யூ யியர் விஷஸ்ங்க....!!