காலிறுதியில் காஷ்யப்: சிங்கப்பூர் ஓபனில் அசத்தல்

**சிவா** · **சிவா** Fri Apr 10, 2015 1:13 pm

சிங்கப்பூர்: சிங்கப்பூர் ஓபன் பாட்மின்டன் தொடரின் ஒற்றையர் பிரிவு காலிறுதிக்கு இந்தியாவின் காஷ்யப், பிரனாய் முன்னேறினர். மற்றொரு இந்திய வீரர் ஸ்ரீகாந்த் அதிர்ச்சி தோல்வி அடைந்தார்.

சிங்கப்பூர் ஓபன் சூப்பர் சீரிஸ் பாட்மின்டன் தொடர் சிங்கப்பூரில் நடக்கிறது. இதன் ஆண்கள் ஒற்றையர் பிரிவு 2வது சுற்றில், இந்தியாவின் காஷ்யப், தென் கொரியாவின் வான் ஹோ சன் மோதினர். அபாரமாக ஆடிய காஷ்யப் 21–15, 22–20 என்ற நேர் செட் கணக்கில் வெற்றி பெற்று, காலிறுதிக்கு முன்னேறினார்.

மற்றொரு போட்டியில் இந்தியாவின் பிரனாய் 21–16, 21–8 என்ற நேர் செட் கணக்கில் உலகின் ‘நம்பர்–2’ வீரரான டென்மார்க்கின் ஜான் ஓ ஜார்ஜென்சனை தோற்கடித்து காலிறுதிக்கு தகுதி பெற்றார். ஏற்கனவே, சமீபத்தில் முடிந்த இந்திய ஓபனில் பிரனாய், ஜார்ஜென்சனை வீழ்த்தினார்.

மற்றொரு ஆட்டத்தில் இந்தியாவின் ஸ்ரீகாந்த் 15–21, 20–22 என்ற நேர் செட் கணக்கில், தாய்லாந்தின் டனாங்சக் சயன்சம்பூன்சக்கிடம் தோல்வி அடைந்து வெளியேறினார்.

பெண்கள் இரட்டையர் 2வது சுற்றில், இந்தியாவின் ஜுவாலா கட்டா, அஷ்வினி பொன்னப்பா ஜோடி 22–24, 18–21 என்ற நேர் செட் கணக்கில், சீனாவின் ஜியோலி வாங், யு யாங் ஜோடியிடம் தோல்வி அடைந்து வெளியேறியது.