உற்சாக ‘மழையில்’ துவக்க விழா *அனுஷ்கா அசத்தல் நடனம்

-
கோல்கட்டா:எட்டாவது ஐ.பி.எல்., தொடரின் துவக்க விழாவில் மழை குறுக்கிட்ட போதும், பாலிவுட் நடிகை அனுஷ்கா சர்மா, ஹிருத்திக் ரோஷனின் உற்சாக நடனம் ரசிகர்களை வெகுவாக கவர்ந்தது.
-
எட்டாவது இந்தியன் பிரிமியர் லீக் (ஐ.பி.எல்.,) தொடர், நேற்று துவங்கியது. இதற்கான துவக்க விழா இரவு 7.30 மணிக்கு கோல்கட்டாவில் உள்ள சால்ட் லேக் மைதானத்தில் நடக்க இருந்தது.
-
ஆனால், திடீரென இடியுடன் கூடிய மழை கொட்டியது. இதையடுத்து ஒன்றரை மணி நேரம் தாமதமாக விழா துவங்கியது. ரபிந்திரநாத் தாகூர் எழுதிய கோல்கட்டாவின் பாரம்பரிய ‘அணோன்டா லோக்...’ என்ற பாடலை, பிரிதம் சக்ரவர்த்தி பாடினார்.
-
நிகழ்ச்சிகளை தொகுத்து வழங்கிய பாலிவுட் நடிகர் சைப் அலிகான், தொடரில் பங்கேற்கும் 8 அணிகளின் கேப்டன்களை அறிமுகம் செய்து வைத்தார். தவான், கோஹ்லி, தோனியை தொடர்ந்து, கடைசியாக ‘நடப்பு சாம்பியன்’ காம்பிர் ஐ.பி.எல்., கோப்பையுடன் மேடைக்கு வந்தார்.
-
பின் அனைத்து கேப்டன்களும் பேட்டில் கையெழுத்திட்டு உறுதி மொழி எடுத்துக் கொண்டனர். அடுத்து கலை நிகழ்ச்சிகள் துவங்கின.
-
தப்பிய ஷாகித்:
-
முதலில் பாலிவுட் நடிகர் ஷாகித் கபூர் ஆரவாரமாக தோன்றினார். ‘பைக்கில்’ வந்த இவர், சற்று தடுமாறி விழத் தெரிந்தார். பின் சுதாரித்துக் கொண்டு ‘ஐ யம் எ டிஸ்கோ டான்சர்’ என்ற பாடலுக்கு ஆடினார். அடுத்து, கோஹ்லியின் காதலியும் நடிகையுமான அனுஷ்கா சர்மாவின் நடனம் இடம் பெற்றது. இவர் ஆடி முடித்ததும் கோஹ்லி லேசாக புன்னகைத்தார்.
-
தொடர்ந்து ஹிருத்திக் ரோஷன் நளினமாக ஆடி ரசிகர்களை கவர்ந்தார். இத்துடன் துவக்கவிழா முடிந்தது.
-
மழை காரணமாக நடன கலைஞர் ரெமோ டி சவுசா, சந்தோஷ் ஷெட்டி மற்றும் 300 உள்ளூர் கலைஞர்களுடன் சேர்ந்து மொத்தம் 400 பேர் பங்கேற்க இருந்த நிகழ்ச்சி நடக்கவில்லை எனத் தெரிகிறது.
-
தினமலர்

அந்த வீடியோ இது தானே ராம் அண்ணா

அனுஷ்கா ஆடினதிற்கு பெயர் டான்சா ?

ரமணியன்

krishnaamma wrote:

அந்த வீடியோ இது தானே ராம் அண்ணா

மேற்கோள் செய்த பதிவு: 1129153இதில் டான்ஸ் எப்ப வருது ?!

தகவலுக்கு நன்றி..........