24 மணிநேரத்தில் 20 லட்சம் ஸ்மார்ட்போன்களை விற்று கின்னஸ் உலக சாதனை!

**சிவா** · **சிவா** Fri Apr 10, 2015 2:39 am

சீனாவின் ஆப்பிள் நிறுவனம் என்றழைக்கப்படும் ஜியோமி தற்போது இந்தியாவிலும் கால்பதிக்க துவங்கியுள்ளது.

ஆப்பிளை வி்ட குறைந்த விலையில் ரிச்சான ஹேண்ட்செட்டுகளை வெளியிடுவதே இதன் ரகசியமாகும்.

இந்நிலையில், எம்.ஐ. பேன் கொண்டாட்டம் 2015 என்ற பெயரில் ஆன்லைன் ஷாப்பிங் ஆஃபரை ஆசியாவிலுள்ள 7 நாடுகளில் நேற்று நடத்தியது ஜியோமி. இதில், நேற்று ஒரே நாளில் 20 லட்சம் ஸ்மார்ட்போன்களை விற்று புதிய கின்னஸ் உலக சாதனை படைத்திருக்கிறது.

இந்த மெகா விற்பனையின் மூலம் 335 மில்லியன் டாலர்கள் லாபத்தை அள்ளியிருக்கிறது ஜியோமி.

இதேபோல 38 ஆயிரம் டிவிக்களையும், 7 லட்சத்து 70 ஆயிரம் ஸ்மார்ட் எலக்ட்ரானிக் கருவிகளையும் விற்று சாதனை படைத்திருக்கிறது.

இந்த சாதனை கின்னஸ் சாதனையாக அறிவிக்கப்பட்டு சான்றிதழும் வழங்கப்பட்டுள்ளது.