கல்லறைக்குள் இரு நெஞ்சங்கள்.

by mohammed sarfan Mon Apr 06, 2015 11:20 am

கல்லறைக்குள் இரு நெஞ்சங்கள்.
இரவிலே உந்தேன் சேலையுடன்
தூங்குகிறேன். கண்களை மூடினாலும்,
திறந்தாலும் கண்ணீர் சிந்தல்,
உன் பெயரை சொல்லத்துடிக்கும்
என்றேன் இதழ்கள், உன்னிடம்
வரத்துடிக்கும் எந்தன் பாதங்கள்
உயிரிருந்தும் ஜடமானேன்.

தூக்கமில்லாத பித்தனாய் நம்
காதல் நாவலை தேடுகிறேன்.
இன்பம் நிறைந்த பக்கங்களை
காணவில்லை. அழுகை மனதை
கொல்கிறது. கடைசியாக உன்
முகத்தை கோளமிட்ட அரைத்த
சந்தனமும், நெற்றியில் பட்ட
மணக்கும் குங்குமமும் உன்
பிரிவுக்கு என் மருந்தாய். உன்
கூந்தில் வைத்த காய்ந்த மல்லிகை
பூவிற்கு வாசம் போகவில்லை.
நீயே பிரிந்து விட்டாய்......!

உன் முகம் காணத்துடித்து என்
நோட்டுக்களை வீசினேன், உன்
புகைப்படம் கையிலே......!
கண் இமையாது பார்க்கிறேன்.
உனக்கு பிடித்த பூந்தோட்டத்தில்
நான் தனிமை கொண்டால் அவை
கோபிக்கின்றன.நிஜத்தில் நீ இல்லை.
எண்ணத்தால் உன் புகைப்படத்தை
நெஞ்சோடு இறுக கட்டியணைத்து
நிற்கிறேன். அந்த பூக்கள் தாலாட்டியது
தேனால்......, உன்னங்கையை திறந்து
பார்க்கிறேன். நம் கல்யாணத்தாலி அன்று
என்னிடம் தந்தது இன்றுவரை.......,

எம்மை அறிமுகம் செய்த மழையால்
ஒதுங்கிய மரத்தடியிற்கு செல்கிறேன்.
மரத்தடியில் உன் கைகள் என் மீது பட்ட
நொடியை நினைக்கிறேன். கோடையிலும்
என் தேகத்தை பனித்துளி நளைக்கின்றன.
ஆனால் இதயத்தாகம் தீரல்லையே..!

அன்னையிடம் ஒடோடிச் சென்றேன்.
என் சிவந்த நயனங்களை கண்ட
என்னை ஈன்றாள் கண்கள் கலங்கி
அவள் மடியிலே துயில வைத்தாள்.
இந் நினைவு என்னை சிறு பிள்ளையாக்கியது..
நான் இன்றும் குழந்தையாக இருந்திருந்தால்
அன்னையின் மடியிலே தூங்கியிருப்பேன்.
இமைகள் என் அம்மாவின் தாலாட்டால்
அறியாமல் தூங்கினாலும் கண்ணீர் ஓயவில்லை....,

என்னை விட்டு நீ தனிமையில் நிம்மதி
காணும் இடத்திற்கு வருகிறேன்.
மலர்களால் சிரிக்கும் ஒவ்வொரு அங்கங்களும்
மண்துணிக்கைக்கு இரையாகின்றன.

ஓடோடி என்னிடம் வா என்கிறாய்.
காதலிக்கும் போது ஒரு முத்தம் தர
வெட்கப்பட்டாய்.இன்று எனை உன்
மடியில் துயில வைத்து ஓராயிரம்
தடவை இதழை பதிக்கின்றாய்.
தாலாட்டு சுகமானது, தூக்கமும்
வாழ்வில் இல்லாத எனக்கு முதல்
தடவை ஒரு நீண்ட தூக்கம் அவளுடன்.....,!