இராம நாமத்தின் பெருமை

jayaravi · jayaravi Sat Apr 04, 2015 1:29 pm

இராம நாமத்தின் பெருமை

ஒரு குரு ஸ்ரீ விஷ்ணு சஹஸ்ரநாமத்தை தன்னுடைய மாணவர்களுக்கு விளக்கமாக சொல்லிகொடுத்து கொண்டு இருந்தார் - கீழ்கண்ட ஸ்லோகத்தை சொல்லும்போது சிறிதே விளக்கம் தேவைப்பட்டது

ஈஸ்வர உவாச

ஸ்ரீ ராம ராம ராமேதி ரமே ராமே மனோரமே - சஹஸ்ரநாம தத்துல்யம் ராம நாம வரானனே !!

இந்த சோலகத்தை அவர் சொல்லும் போது அவருடைய கண்கள் கண்ணீரை கட்டுபடுத்த முடியாமல் தவித்தன . மாணவர்களிடம் சொன்னார் '"இந்த சுலோகத்தை பரமேஸ்வரனே மிகவும் அனுபவித்து சொல்லியுள்ளார் - ராம நாமத்தின் சிறப்பு இந்த ஒரு ஸ்லோகத்தின் மூலம் மிகவும் அருமையாக வெளிப்படும் - ஒருவன் ராம நாமத்தை 3 தடவைகள் சொன்னால் விஷ்ணு சஹஸ்ரநாமத்தை முழுவதையும் சொன்ன முழு பலனும் கிடைக்கும் "

ஒரு மாணவனுக்கு சந்தேகம் வந்தது - " குருவே 3 முறை சொல்லும் ராம நாமம் எப்படி 1000 நாமங்கள் கொண்ட விஷ்ணு சஹஸ்ரநாமத்திற்கு சமமாக முடியும் . கணிதப்படி 3 எப்படி 1000 மாக முடியும் ?? - குருவையே மடக்கி விட்டோம் என்ற பெருமிதம் அவன் முகத்தில் !!

குரு சிரித்துக்கொண்டார் - சற்றும் யோசிக்காமல் அவனுக்கு இப்படி கூறினார் :

ராமா என்ற ஒரு வார்த்தையில் இரண்டு சம்ஸ்க்ருத எழுத்துக்கள் உள்ளன - ரா & மா ..

ரா ( 2nd consonant in sanskrit ) = யா ,ரா ல வ & ஷ
மா (5th consonant in sanskrit )= ப , ப்ப , ப , ப(ஹ), மா ).

அதனால் "ரா" வின் மதிப்பு = 2 & "மா" வின் மதிப்பு =5

இப்பொழுது ராம நாமத்தை மூன்று முறை சொல்லுவோம்

ராமா ராமா ராமா = 2*5* 2*5*2*5 = 10*10*10 = 1000

மாணவன் சாஸ்டாங்கமாக குருவின் காலில் விழுந்தான் தன்னை மன்னிக்கும் படி கெஞ்சி கேட்டுக்கொண்டான் .

ராம நாமத்தின் மதிப்பு 1000 கோகினூர் வைரங்களுக்கும் மேலாக - சொல்ல சொல்ல , அதன் மதிப்பும் , பலன்களும் நமக்கு அளவில்லாமல் கூடிக்கொண்டே போகும் என்பதில் கடுகளவும் சந்தேகமே இல்லை

ஜெய் ஸ்ரீ ராம் !!!!!!