உலக பாட்மின்டன் தரவரிசையில் முதலிடம் பெற்றார் செய்னா நேவல்.

**சிவா** · **சிவா** Sat 28 Mar 2015 - 19:48

புதுடில்லி; உலக பாட்மின்டன் தரவரிசையில் ('ரேங்க்') 'நம்பர்-1' இடத்துக்கு முன்னேறி வரலாறு படைத்தார் செய்னா நேவல்.

இந்த சாதனை படைத்த முதல் இந்திய வீராங்கனை இவர் தான். டில்லியில் இந்திய ஓபன் பாட்மின்டன் தொடர் நடக்கிறது. இத்தொடரில் பெறும் வெற்றியை பொறுத்து இந்திய வீராங்கனை செய்னா நேவல் ('நம்பர்-2', ஸ்பெயினின் கரோலினா மரின் (நம்பர்-4) இடையே, 'நம்பர்-1' இடத்தை பிடிப்பதில் போட்டி காணப்பட்டது.

இதனிடையே, பெண்கள் ஒற்றையர் பிரிவு அரையிறுதிக்கு இந்தியாவின் செய்னா நேவல் முன்னேறினார். அதேநேரம் இன்று நடந்த அரையிறுதியில், கரோலினா மரின் தாய்லாந்தின் ரட்சானக்கிடம் 19-21, 23-21, 20-22 என, வீழ்ந்தார்.

இதையடுத்து, இந்திய வீராங்கனை செய்னா நேவல், உலக தரவரிசையில் 'நம்பர்-1' இடத்துக்கு முன்னேறினார்.

பாட்மின்டன் வரலாற்றில், இந்திய வீராங்கனை ஒருவர் முதலிடத்தை பெறுவது இது தான் முதன் முறை.

**ayyasamy ram** · **ayyasamy ram** Sat 28 Mar 2015 - 20:04

உலக பாட்மின்டன் தரவரிசையில் முதலிடம் பெற்றார் செய்னா நேவல். 6fsceUMQRqSuL8WZjV0Z+Saina-Nehwal-300_111

-

உலக பாட்மின்டன் தரவரிசையில் முதலிடம் பெற்றார் செய்னா நேவல். 1258PIRSQQi7G2aFUkfc+saina-nehwal-navel-30

-

**ராஜா** · **ராஜா** Sat 28 Mar 2015 - 20:05

அன்பு சகோதரிக்கு மனமார்ந்த வாழ்த்துகள் புன்னகை

பாகிஸ்தானிய திருமணம் செய்துகொண்டு அதன் பிறகும் இந்திய அணிக்காக விளையாடும் அவருக்கு கொடுக்கும் முக்கியத்துவத்தில்!!! பாதி கூட இந்த நம்மூர் சகோதரிக்கு நம் ஊடகங்கள் கொடுப்பதில்லை என்பது தான் வேதனை. இத்தனைக்கும் அவர் இந்திய சார்பில் எந்த ஒரு பெரிய போட்டியிலும் சோபிக்க வில்லை , எல்லாம் தான் பணம் சம்பாதிக்க விளையாடும் தனியார் போட்டிகள் தான்.

**T.N.Balasubramanian** · **T.N.Balasubramanian** Sat 28 Mar 2015 - 20:17

ரமணியன்

**சிவா** · **சிவா** Sat 4 Apr 2015 - 0:34

தரவரிசையில் சாய்னா முதலிடம்: அதிகாரப்பூர்வ அறிவிப்பு வெளியானது

சர்வதேச பாட்மிண்டன் தரவரிசை யில் இந்தியாவின் சாய்னா நெவால் முதலிடம் பிடித்ததை அதிகாரப்பூர்வமாக அறிவித்துள்ளது சர்வதேச பாட்மிண்டன் சம்மேளனம்.

தரவரிசையில் முதலிடம் பிடிப் பதில் சாய்னாவுக்கும், ஸ்பெயி னின் காரோலினா மரினுக்கும் இடையே கடும்போட்டி நிலவி வந்தது. ஆனால் கடந்த வாரம் நடந்த இந்திய ஓபன் போட்டியின் அரையிறுதியில் கரோலினா தோற்றபோதே, சாய்னாவுக்கு முதலிடம் உறுதியானது.

எனினும் இது தொடர்பான அதிகாரப்பூர்வ அறிவிப்பு நேற்றுதான் வெளியானது. சர்வ தேச தரவரிசையில் முதலிடத் தைப் பிடித்த முதல் இந்திய வீராங்கனை சாய்னா ஆவார். ஆடவர், மகளிர் என இரு பிரிவுகளையும் கணக்கிட்டால் சர்வதேச தரவரிசையில் முதலிடத்தைப் பிடித்த 2-வது இந்தியர் சாய்னா என்பது குறிப்பிடத்தக்கது. இதற்கு முன்னர் இந்தியாவின் பிரகாஷ் படுகோன் தரவரிசையில் முதலிடத்தைப் பிடித்துள்ளது குறிப்பிடத்தக்கது.

மற்றொரு இந்திய வீராங்கனை பி.வி.சிந்து 9-வது இடத்தில் உள்ளார். ஆடவர் தரவரிசையில் இந்தியாவின் ஸ்ரீகாந்த் 4-வது இடத்தைத் தக்கவைத்துக் கொண்டுள்ளார்.