உலகின் ஆபத்தான பாலங்கள்

by **சிவா** Thu Apr 02, 2015 9:25 pm

ஆபத்தான பயணத்தை மேற்கொள்வது போன்ற மிரட்சியை ஏற்படுத்தினாலும் அந்தரத்தில் சாகசம் செய்வதுபோன்ற பிரமிப்பை ஏற்படுத்துபவை தொங்கு பாலங்கள். இதில் பதை பதைக்கும் மனதுடன் அடி எடுத்து வைத்து இயற்கையை ரசித்தபடியே கடக்கும் அலாதியான சுகத்தை தரும், ஆபத்தான பயணங்கள் கொண்ட பாலங்கள் குறித்து பார்ப்போம்...

ஸூசைனி பாலம் (பாகிஸ்தான்)

உலகின் ஆபத்தான பாலங்கள் 201503281243595072_Dangerous-bridges-in-the-world_SECVPF

உலகின் ஆபத்தான பாலங்கள் 201503281243595072_Dangerous-bridges-in-the-world_SECVPF

உலகில் அமையப்பெற்றிருக்கும் தொங்கு பாலங்களில் பாகிஸ்தானின் ஸூசைனி பாலம் மிகவும் ஆபத்தானது. இந்த பாலம் பாகிஸ்தானில் உள்ள போரிட் ஏரியை கடப்பதற்காக அமைக்கப்பட்டது. அந்த பகுதியை சூழ்ந்திருக்கும் பெண்கள் இந்த பாலத்தினை அதிகமாக பயன்படுத்துகின்றனர். பழமையான இந்த பாலத்தின் பல பகுதிகள் சேதமடைந்து காட்சியளிக்கின்றன. அதனால் பாலத்தின் இடைப்பட்ட பகுதிகளில் இடைவெளி விடப்பட்டு கட்டைகள் அடுக்கப்பட்டுள்ளன. பாலத்தை கடப்பவர்கள் அந்த கட்டைகளை கவனித்தப்படியே நடந்து செல்ல வேண்டும். சிதிலமடைந்த நிலையில் இருக்கும் பழமைவாய்ந்த பாலம் என்பதால் இதில் ஒருவர் கடக்கும்போது மற்ற முனையில் இருப்பவர்கள் அவரின் வருகைக்காக காத்திருந்து பின்னர் கடக்கின்றனர். சுற்றுலா பயணிகளை மிரளவைக்கும் இந்த பாலத்தை சுற்றுப்புற கிராம வாசிகள் பயமின்றி பயன்படுத்தி வருகின்றனர்.

by **சிவா** Thu Apr 02, 2015 9:26 pm

கானோப்பி வாக் (கானா)

உலகின் ஆபத்தான பாலங்கள் E28B0981-BE93-48DC-9A2E-8DCAC15FA496_L_styvpf

உலக மக்களை அதிகமாக ஈர்க்கும் சுற்றுலா பகுதிகளில் ஆப்பிரிக்காவும் ஒன்று. பாலைவனங்கள், பழங்குடியின மக்கள், வறண்ட காடுகள் என பலவிதமான இயற்கை விந்தைகளை தன்னகத்தே கொண்டது. மேலும் காட்டு யானைகள், ஆபத்தான பூச்சிகள் என சுற்றுலா பயணிகளை மிரட்டும் அம்சங்களும் இங்கு உண்டு. அந்தவகையில் சுற்றுலா பயணிகளுக்கு கலக்கத்தை கொடுக்கும் அம்சங்களில் கானாவின் கானோப்பி வாக் பாலமும் இணைந்துள்ளது.

மிகவும் குறுகலான இடைவெளிகளை கொண்ட கானோப்பி பாலம் ஆப்பிரிக்காவின் புகழ்பெற்ற நேஷனல் பூங்காவில் அமைந்துள்ளது. இரண்டு மலை முகடுகளை இணைக்கும் கானோப்பி பாலத்தின் வழியே சுற்றுலா பயணிகள் நடந்தவாறே காடுகளின் அழகினை ரசிக்கின்றனர். மேலும் பாலத்திற்கு உயிரோட்டம் வழங்கும் விதமாக கீழ் இருக்கும் வனப்பகுதியில் வன விலங்குகளை நடமாட செய்துள்ளனர். இதனால் வனவிலங்குகளை தொங்கு பாலத்தில் இருந்தபடியாக மிகவும் நெருக்கத்தில் பார்த்து ரசிக்க முடியும்.

by **சிவா** Thu Apr 02, 2015 9:27 pm

லாங்குவாக்கி ஸ்கை பாலம் (மலேசியா)

உலகின் ஆபத்தான பாலங்கள் 67D30ADF-5D67-4419-A04A-CFC4820842FE_L_styvpf

மலேசியா நாட்டிற்கு புதுமையான அடையாளத்தை ஏற்படுத்தி கொடுத்த அம்சங்களில் லாங்குவாக்கி ஸ்கை பாலமும் ஒன்று. கடல்மட்டத்தில் இருந்து சுமார் 700 மீட்டர் உயரத்தில் அமையப்பெற்றிருக்கும் இந்த பாலம் 2004-ம் ஆண்டில் கட்டமைக்கப்பட்டது. உச்சத்தில் இருந்து பூமியை ரசிக்க விரும்புபவர்களின் முதல் விருப்பமாக லாங்குவாக்கி பாலம் இருந்து வருகிறது. பலமான காற்றோட்டம் இருக்கும் சமயங்களில் பாகத்தின் மையப்பகுதியில் சிறிய அளவில் தள்ளாட்டம் காணப்படும்.

எனினும் காற்றுக்கு இசைந்து கொடுக்கும் வகையிலான தொழில்நுட்பத்துடன் இந்த பாலத்தை வடிவமைத்துள்ளனர். இந்த திகிலான நிமிடங்களை ரசிப்பதற்காகவே சுற்றுலா பயணிகள் அதிகமான நாட்கள் மலேசியாவில் பொழுதை கழிக்கின்றனர்.

by **சிவா** Thu Apr 02, 2015 9:27 pm

மவுண்ட் டில்லிட்டியஸ் (சுவிட்சர்லாந்து)

உலகின் ஆபத்தான பாலங்கள் 50D45956-4214-4139-96F5-C52BDCCAA5B9_L_styvpf

ஐரோப்பா கண்டத்தில் மிகவும் உயரமாக அமையப்பெற்ற தொங்கு பாலங்களில் மவுண்ட் டில்லிட்டியஸ் குறிப்பிடத்தக்கது. இது கடல்மட்டத்தில் இருந்து 3000 மீட்டர்உயரத்தில் அமைந்துள்ளது. ஆல்ப்ஸ் மலைத்தொடர்களை இணைக்கும் வகையில் இந்த பாலத்தினை வடிவமைத்துள்ளனர்.

மலை, புயல், சூறாவளி என இயற்கை சீற்றங்களை சமாளிக்கும் வகையில் நவீன தொழில்நுட்பங்களுடன் இந்த தொங்கு பாலம் அமைக்கப்பட்டுள்ளது. நவீனத்தை தொங்கு பாலத்தில் இணைத்துக் கொண்ட முதல் பாலமும் இதுவே. மலை சிகரங்களை கடப்பவர்கள் இதன் வழியே நடந்து தங்களை ஆசுவாசப்படுத்திக் கொள்கின்றனர்.

by **சிவா** Thu Apr 02, 2015 9:28 pm

ராயல் கார்ஜ் பாலம் (அமெரிக்கா)

உலகின் ஆபத்தான பாலங்கள் 30176C4F-090F-4D00-8BA2-E60D690E242B_L_styvpf

அமெரிக்காவின் ராயல் கார்ஜ் தொங்கு பாலம் சர்ச்சைகளுக்கு மிகவும் பிரபலமானது. 2001-ம் ஆண்டு வரை அமெரிக்காவிற்கு வரும் சுற்றுலா பயணிகளை கவர்ந்திழுத்த இந்த பாலம் அதற்கு பின்னர் நிகழ்ந்த சில விபத்துகளால் களை இழந்து காணப்படுகிறது. பாலத்தினை பிரபலப்படுத்த தற்போது முயற்சிகள் மேற்கொண்டு வருகின்றனர்.

இதற்காக பாலத்தின் இருமுனைகளிலும் உயிரியல் பூங்கா, பறவைகள் சரணாலயம், பொழுதுபோக்கு பூங்கா போன்றவற்றை அமைத்து வருகின்றனர். தரைமட்டத்தில் இருந்து 500 மீட்டர் உயரத்தில் இருக்கும் இந்த ராயல் கார்ஜ் பாலத்திற்கு பலமான காற்றோட்டத்தை எதிர்கொள்ளும் சக்தியில்லை.

அதனை மேம்படுத்தவும் முயற்சி மேற்கொண்டு வருகின்றனர். இந்த பாலம் விரைவில் மக்கள் பயன்பாட்டிற்கு வரவுள்ளது.