20 பெண்களை கற்பழித்த 2 ஆட்டோ டிரைவர்களுக்கு சாகும் வரை ஜெயில்

**ராஜா** · **ராஜா** Thu Apr 02, 2015 12:47 pm

ஆந்திர மாநிலம் கர்னூலை சேர்ந்த ஆட்டோ டிரைவர்கள் ரவிக்குமார், ஸ்ரீனிவாசலு.

நண்பர்களான இவர்கள் இருவரும் கடந்த 2013–ம் ஆண்டு கர்னூரில் பஸ்சுக்காக காத்து நின்றனர். அப்போது கர்நாடகா மாநிலத்தைச் சேர்ந்த நர்சிங் மாணவியை ஆட்டோவில் கடத்தி சென்று கற்பழித்தனர். பின்னர் இரும்பு கம்பியால் அவரை தாக்கி விட்டு தப்பி ஓடிவிட்டனர்.

குற்றுயிராக கிடந்த அந்த மாணவியை பார்த்த அக்கம் பக்கத்தினர் போலீசுக்கு தகவல் தெரிவித்தனர்.

தனியார் மருத்துவ மனையில் சிகிச்சைக்கு அனுமதிக்கப்பட்ட அந்த மாணவிக்கு 20 நாட்களுக்கு பிறகு சுயநினைவு திரும்பியது. அப்போது தனக்கு நேர்ந்த கொடுமையை விவரித்தார்.

இதற்கிடையே மாணவியை கற்பழித்த ஆட்டோ டிரைவர்கள் வேறு வழக்கில் போலீசில் சிக்கினர். தன்னை கற்பழித்தது இவர்கள்தான் என மாணவி அடையாளம் காட்டினார்.

கைதான ஆட்டோ டிரைவர்கள் பெண்களை கடத்தி கற்பழிப்பதை ஒரு பொழுது போக்காக நடத்தி வந்தனர். 20 பெண்களை கற்பழித்ததாக அவர்கள் கூறினார்கள்.

இவர்கள் மீதான வழக்கு கர்னூல் மாவட்ட நீதிபதி ஜோதிகாமயி முன்னிலையில் நடந்து வந்தது. குற்றவாளிகளுக்கு ஆதரவாக வாதாட பார் அசோசியேசன் மறுத்ததால் நீதிபதியே அவர் சார்பில் ஒரு வக்கீலை நியமித்தார்.

இந்த நிலையில் இந்த வழக்கில் நேற்று தீர்ப்பு கூறப்பட்டது.

2 ஆட்டோ டிரைவர்களுக்கும் சாகும்வரை ஜெயில் தண்டனை அனுபவிக்க வேண்டும் என்று நீதிபதி ஜோதிர்மயி தீர்ப்பு வழங்கினார். மேலும் இருவருக்கும் ரூ.10 லட்சத்து 30 ஆயிரம் அபராதமும் விதித்தார்.

நீதிபதியின் இந்த அதிரடி தண்டனையை சமூக ஆர்வலர்கள் வரவேற்று உள்ளனர்.-maalaimalar

**ராஜா** · **ராஜா** Thu Apr 02, 2015 12:49 pm

குற்றவாளிகளுக்கு ஆதரவாக வாதாட பார் அசோசியேசன் மறுத்ததால் நீதிபதியே அவர் சார்பில் ஒரு வக்கீலை நியமித்தார்.

இது போல அனைத்து "பார் அசொசியன்களும்" சில வழக்குகளில் காசு கிடைக்கியது என்று வாதாடாமல் நேர்மையாக இருந்தால் குற்றவாளிகளுக்கும் கொஞ்சம் பயம் வரும்.

வாழ்த்துகள் அந்த வக்கீல்களுக்கும் அவர்களின் சங்கத்துக்கும்

**ayyasamy ram** · **ayyasamy ram** Thu Apr 02, 2015 12:55 pm

ராஜா wrote:
குற்றவாளிகளுக்கு ஆதரவாக வாதாட பார் அசோசியேசன் மறுத்ததால் நீதிபதியே அவர் சார்பில் ஒரு வக்கீலை நியமித்தார்.
இது போல அனைத்து "பார் அசொசியன்களும்" சில வழக்குகளில் காசு கிடைக்கியது என்று வாதாடாமல் நேர்மையாக இருந்தால் குற்றவாளிகளுக்கும் கொஞ்சம் பயம் வரும்.

வாழ்த்துகள் அந்த வக்கீல்களுக்கும் அவர்களின் சங்கத்துக்கும்

மேற்கோள் செய்த பதிவு: 1128278

சூப்பருங்க