கெஜ்ரிவாலுக்கு 'முட்டாள்கள் தின' வாழ்த்துக்கள்!

முட்டாள்கள் தினத்தை முன்னிட்டு, முதல்வர் அரவிந்த் கெஜ்ரிவால் படத்தை, போஸ்டர்களாக அச்சடித்து, டில்லி முழுவதும் ஒட்டி, ஓர் அமைப்பு பரபரப்பை ஏற்படுத்தி உள்ளது.

டில்லி சட்டசபைத் தேர்தலில், ஆம் ஆத்மி கட்சி, பெரும் வெற்றி பெற்றதை அடுத்து, அரவிந்த் கெஜ்ரிவால், அம்மாநிலத்தின் முதல்வராகியுள்ளார். தேர்தல் வெற்றிக்கு பின், அவரது நடவடிக்கைகள் எல்லாமே, முற்றிலும் மாறியுள்ளன. முதல்வர் பொறுப்பை ஏற்றவுடன், மருத்துவ சிகிச்சைக்காக, பெங்களூருவுக்கு அவர் சென்றிருந்தாலும், அங்கிருந்தே, பல்வேறு அதிரடிகளை கிளப்பியபடி இருந்தார். கட்சியின் மூத்த தலைவர்களான பிரசாந்த் பூஷன், யோகேந்திர யாதவ் ஆகிய இருவர் மீதும், நடவடிக்கை எடுக்கப்பட்டன. கெஜ்ரிவாலுக்கு சவாலாக உருவெடுக்கின்றனர் என்பதற்காகவே, இவர்கள் இருவரும், கட்சியின் அரசியல் விவகாரக்குழு, செயற்குழு ஆகியவற்றில் இருந்து நீக்கப்பட்டனர். இது, கட்சிக்கு உள்ளேயும், வெளியேயும் பலத்த விமர்சனங்களை கிளப்பியுள்ளன.


இந்நிலையில், நேற்று, ஏப்ரல் 1ம் தேதி என்பதால், கெஜ்ரிவால், வித்தியாசமான வகையில், செய்திகளில் அடிபட்டார். டில்லி நகரின் முக்கிய இடங்களில், முதல்வர் அரவிந்த் கெஜ்ரிவாலின் படத்துடன், போஸ்டர்கள் ஒட்டப்பட்டிருந்தன. அதில் ''ஏப்ரல் 1, கெஜ்ரிவால் தினம், மிகுந்த வாழ்த்துக்கள்'' என்ற வாசகங்கள், இடம்பெற்று இருந்தன.

டில்லியை மையமாக வைத்து, 'பகத்சிங் கிராந்தி சேனா' என்ற, வலதுசாரி அமைப்பு செயல்பட்டு வருகிறது. இந்த அமைப்பின் சார்பில்தான், இத்தகைய போஸ்டர்கள் ஒட்டப்பட்டிருந்தன. அந்த போஸ்டரில் உள்ள, கெஜ்ரிவால் வீங்கிய முகத்துடன், கண்களை மூடியபடி உள்ளார். லோக்சபா தேர்தல் பிரசாரத்தின்போது, கெஜ்ரிவாலின் கன்னத்தில், அடையாளம் தெரியாத நபர், ஒரு அறை விட்டார். அதில், அவரது முகம் வீங்கியது. அந்த அதிர்ச்சி சம்பவம் முடிந்தவுடன், நேராக, டில்லி ராஜ்காட்டுக்கு சென்று, காந்தி சமாதி முன், கண்மூடி, கெஜ்ரிவால் தியானம் செய்ததை, பத்திரிகைகள் வெளியிட்டு இருந்தன. அந்த புகைப்படத்தை தான், இந்த போஸ்டரில் எடுத்துப் போட்டு, பரபரப்பை கிளப்பியுள்ளனர்.

தினமலர்

இந்தியாவின் தலைநகரத்து மக்கள் அனைவரையும் முட்டாளாக்கியா இவரா முட்டாள்?!

போஸ்டர் அடித்தது ஒகே தான் ஆனால் இந்த முட்டாள் தின வாழ்த்துகள் டெல்லி மக்களுக்கு தான் சொல்ல வேண்டும்.

ராஜா wrote:இந்தியாவின் தலைநகரத்து மக்கள் அனைவரையும் முட்டாளாக்கியா இவரா முட்டாள்?!

போஸ்டர் அடித்தது ஒகே தான் ஆனால் இந்த முட்டாள் தின வாழ்த்துகள் டெல்லி மக்களுக்கு தான் சொல்ல வேண்டும்.  

ம்....ஆமாம் ராஜா.....ரொம்ப சரி