தமிழகத்தில் ஒரு ஓட்டுக்கு 5,000 ரூபாய்

புதுடில்லி: தமிழகத்தில், ஒரு ஓட்டுக்கு, 5,000 ரூபாய் வரை வாக்காளருக்கு கொடுக்கப்படுகிறது என, சட்டக் கமிஷன் தலைவர் ஏ.பி. ஷா தெரிவித்து உள்ளனர்.

கருத்தரங்கம்:

டில்லியில், 'அரசியல், நிதி மற்றும் தேர்தல் சீர்திருத்தம் குறித்த சட்டக் கமிஷன் பரிந்துரைகள்' என்ற தலைப்பில், நேற்று கருத்தரங்கம் நடந்தது. இதில், தலைமை தேர்தல் கமிஷனர் பிரம்மா பேசியதாவது: சமீபகாலமாக, தேர்தல்களில் பண பலம் அதிகமாக விளையாடுகிறது. குறிப்பாக, கறுப்பு பணம் அதிகமாக பயன்படுத்தப்படுகிறது. பண பலத்துடன், ஆள் பலமும் சேருவதால், ஜனநாயக நடவடிக்கைககள் கேலிக் கூத்தாகின்றன. தேர்தல் போட்டி, சமநிலையற்றதாக ஆகி விடுகிறது. பணம் படைத்த அரசியல் கட்சிகளுடன், பணம் இல்லாத கட்சிகள் போட்டி போட முடியாத நிலை உருவாகி உள்ளது. ஆந்திர மாநிலத்தில் நடந்த சட்டசபைத் தேர்தலின் போது, வேட்பாளர்கள் தொகுதிக்கு, 15 கோடி ரூபாய் பயன்படுத்தியதாக தகவல் வெளியாகின. இந்த பணம் எங்கிருந்து வந்தது; எப்படி செலவிடப்பட்டது என்ற விவரம் யாருக்குமே தெரியாது. அரசியல் கட்சிகளின் சில தலைவர்கள், தேர்தல்களில் பண பலம் அதிகரிப்பது குறித்து கவலை தெரிவித்து உள்ளனர். இதை தடுக்க வேண்டும் என்றும் அவர்கள் வலியுறுத்தி உள்ளனர். தேர்தல்களில் பண பலத்தை பயன்படுத்துவோருக்கு எதிராக, கடுமையான சட்டங்கள் தேவை. அரசியல் கட்சிகளுக்கும், தேர்தல் கமிஷனுக்கும் உள்ள உறவு, கணவன் - மனைவி உறவு போல் சுமுகமாக இருக்க வேண்டும். கருத்து வேறுபாடுகள் இருக்கலாம்; ஆனால், தேர்தல் நடைமுறைகள் நேர்மையாக இருக்க வேண்டும் என்பதே, பொதுவான நோக்கமாக இருக்க வேண்டும். அரசியலில் பெரிய நிறுவனங்களின் தலையீடு அதிகரித்துள்ளது. பெரிய நிறுவனங்களுக்கு சொந்தக்காரர்கள், இப்போது, பத்திரிகை, 'டிவி' சேனல் போன்ற மீடியா துறைகளிலும் ஆதிக்கம் செலுத்துகின்றனர். இவ்வாறு, அவர் பேசினார்.

சட்டக் கமிஷன் தலைவரும், ஓய்வு பெற்ற நீதிபதியுமான ஏ.பி.ஷா பேசியதாவது: தேர்தல் நேரங்களில் வாக்காளர்களுக்கு பணப்பட்டுவாடா ஜோராக நடக்கிறது; டிராக்டர்களில் பணத்தை ஏற்றி வந்து பட்டுவாடா செய்கின்றனர். குறிப்பாக, தமிழகத்தில், ஒரு ஓட்டுக்கு, 5,000 ரூபாய் வரை வாக்காளருக்கு கொடுக்கப்படுகிறது. இவ்வாறு, அவர் பேசினார்.

புதிய பரிந்துரைகள்:

தேர்தல் கமிஷன் வட்டாரங்கள் கூறியதாவது: தேர்தலை நேர்மையாக நடத்துவதை உறுதி செய்யும் வகையில், சில புதிய பரிந்துரைகளை அமல்படுத்த திட்டமிடப்பட்டு உள்ளது. இதன்படி, வேட்பாளர்கள் தங்கள் தேர்தல் செலவுக் கணக்கை, குறிப்பிட்ட காலத்திற்குள் சமர்ப்பிக்க தவறினால், அவர்கள், ஐந்தாண்டுகள் வரை தேர்தலில் போட்டியிட தடை விதிக்க முடிவு செய்யப்பட்டு உள்ளது. இவ்வாறு, அந்த வட்டாரங்கள் தெரிவித்தன.

ஊர்ஜிதம் செய்யாத தகவலை
சட்டக் கமிஷன் தலைவர் ஏ.பி. ஷா தெரிவித்துள்ளார்....
-
பணம் கொடுப்பதை தடுக்க
இயலாது என ஒப்புக் கொள்கிறாரா...?