தமிழக ஆளுநர் ரோசய்யா வெளியிட்ட ‘ஸ்ரீ பாலாஜி மகிமை’ இசை!

-
எம்.ஜி.எஸ் பிலிம்ஸ் தயாரிப்பில், எம்.வி. கோபால் ராம் இயக்கும் படம் ஸ்ரீ பாலாஜி மகிமை.

இப்படத்தில் சாய் கிரண் ‘ஸ்ரீ பாலாஜி’ கடவுளாகவும், படத்தின் இயக்குனர் கோபால் ராம் பக்தராக முக்கிய கதாபாத்திரத்திலும் நடிக்கிறார்கள். மற்றும் டெல்லி கணேஷ், வையாபுரி, விச்சு, விஜய்பாலாஜி, தமிழ்மணி, ஸ்ரீவித்யா, டப்பிங் ஜானகி, சங்கீதா, அஞ்சலி உள்ளிட்ட பலர் நடித்திருக்கிறார்கள்.

கடவுள் கொடுக்கும் வாய்ப்பினைச் சரியாகப் பயன்படுத்திக் கொள்ளாமல் அதனைத் தவறான வழியில் பயன்படுத்தும் மனிதன் தவறு செய்யும் போது கடவுள் நேரில் வந்து செய்யும் அற்புதங்களையும் சமுதாயத்திற்குத் தேவையான நல்ல விஷயங்களை அறிவுறுத்துவதையும் சுவைபடச் சொல்லும் படமாக ‘ஸ்ரீ பாலாஜி மகிமை’ இருக்கும் என்கிறார் இயக்குனர் கோபால் ராம்.

இதன் படப்பிடிப்பு சென்னை, ஊத்துக்கோட்டை, திருப்பதியில் நடைபெற்றது.இரண்டு இசையமைப்பாளர்கள் பார்த்தசாரதி மற்றும் ராஜ்பாஸ்கர் இணைந்து இசைமழை பொழிந்திருக்கிறார்கள். பாடல்களை பன்னீர் செல்வம் எழுதியிருக்கிறார். இப்பாடல்களை உன்னி கிருஷ்ணன், சாகேத், பானு, சமீரா ஆகியோர் பாடியுள்ளனர். இந்தப் படத்தின் படப்பிடிப்பு முடிவடைந்து தற்போது ஸ்பெஷல் எஃபெக்ட், பின்னணி இசைச் சேர்ப்பு உள்ளிட்ட வேலைகள் நடந்து கொண்டிருக்கிறது.

மே மாதம் படம் திரைக்கு வரும் விதத்தில் பணிகள் நடந்து வருகிறது. இதனிடையே இப்படத்தின் இசை வெளியீடு, ஆளுநர் மாளிகையில் தமிழக ஆளுநர் ரோசய்யா அவர்களால் முதல் சிடி வெளியிட நடைபெற்றது. இந்த நிகழ்ச்சியில் திருமலை திருப்பதி தேவஸ்தான நிர்வாகிகள், இப்படத்தில் பாடல் பாடிய உன்னி கிருஷ்ணன், சரிகம சென்னை மேலாளர் ஆனந்த், சின்னி ஜெயந்த், ரங்கநாயகலு மற்றும் இப்படத்தில் பணியாற்றவர்கள் பலரும் கலந்து கொண்டார்கள்.

=

தினமணி-சினிமா