எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

**சிவா** · **சிவா** Sun Mar 29, 2015 11:11 am

கொலஸ்ட்ராலில் இரண்டு வகை உள்ளது. ஒன்று நல்லது, இன்னொன்று கெட்டது. இந்த கொலஸ்ட்ரால் வேறுபாட்டை எப்படி அறிவது?

ரத்தக் கொழுப்புகள் அல்லது கொழுப்பு நிறைந்த பொருட்களில் (லிப்பிட்ஸ்) கொலஸ்ட்ரால், டிரைகிளசரைடுகள் உள்ளன. உடலின் அனைத்துச் செயல்பாடுகளுக்கும் குறிப்பிட்ட அளவு கொலஸ்ட்ரால் தேவைப்படுகிறது. ஆனால், அளவுக்கு அதிகமாக கொழுப்பு உடலில் சேரும்போது (ஹைப்பர்லிபிடீமியா நிலை), அவை ரத்த நாளங்களில் படிகின்றன. இந்தக் கொழுப்புப் படிவுகள் மாரடைப்பு அல்லது மூளைத்தாக்கு (ஸ்டிரோக்) ஏற்படும் சாத்தியத்தை அதிகரிக்கின்றன.

`நல்ல’ - `கெட்ட’ கொலஸ்ட்ரால்

கொலஸ்ட்ரால் ரத்தத்தில் கரையாது; அதனால், அதை உடலின் எல்லாப் பகுதிகளுக்கும் எடுத்துச் செல்வதற்கு புரதம் தேவைப்படுகிறது. இவை `சுமக்கும்’ லிபோ புரோட்டீன் என்று அழைக்கப்படுகின்றன. இதில் இரண்டு முதன்மையான வகைகள் உள்ளன.

அதிக அடர்த்தியுள்ள லிபோபுரோட்டீன் (ஹை டென்சிடி லிபோபுரோட்டீன் ஹெச்.டி.எல்.): அதிக அடர்த்தியுள்ள லிபோபுரோட்டீனால் கொலஸ்ட்ரால் சுமந்து செல்லப்பட்டால், அது `நல்ல’ கொலஸ்ட்ரால் என்று அழைக்கப்படுகிறது. மாரடைப்பு அல்லது மூளைத்தாக்கு வரும் ஆபத்தை இந்த வகைக் கொலஸ்ட்ரால் குறைக்கிறது.

குறைந்த அடர்த்தியுள்ள லிபோபுரோட்டீன் (லோ டென்சிடி லிபோபுரோட்டீன் எல்.டி.எல்.): குறைந்த அடர்த்தியுள்ள லிபோபுரோட்டீனால் கொலஸ்ட்ரால் சுமந்து செல்லப்பட்டால், அது `கெட்ட’ கொலஸ்ட்ரால் என்று அழைக்கப்படுகிறது. மாரடைப்பு அல்லது மூளைத்தாக்கு ஏற்படும் ஆபத்தை இந்த வகை கொலஸ்ட்ரால் அதிகரிக்கிறது.

ரத்த மிகைக் கொழுப்பு ஏன்?

பல குடும்பங்களில் ரத்த மிகைக் கொழுப்பு காணப்படலாம். ஆனால், பெரும்பாலும் ரத்த மிகைக் கொழுப்புக்குக் காரணம், ஆரோக்கியமற்ற உணவும் உடலியக்கச் செயல்பாடு இல்லாமையுமே. அறிகுறிகளையோ எச்சரிக்கை சமிக்ஞைகளையோ ரத்த மிகைக் கொழுப்பு அரிதாகவே வெளிப்படுத்துகிறது.

ரத்தக் கொழுப்பு உடலில் மிக அதிகமாக இருக்கும்போது, தோலில் ஜான்தோமா எனப்படும் கொழுப்புக் கட்டிகள் தோன்றலாம். இவை பொதுவாகக் குமிழி போல இருக்கும். சாதாரண ரத்தப் பரிசோதனையை செய்துகொள்வதன் மூலம், ரத்தக் கொழுப்பின் அளவை அறிந்துகொள்ளலாம்.

சிலவேளை ரத்த மிகைக் கொழுப்பு, நீரிழிவு போன்ற கண்டறியப்படாத மருத்துவ நிலையுடன் தொடர்புடையதாக இருக்கலாம்.

ரத்த மிகைக் கொழுப்பு இருந்தால்?

ஆரோக்கியமாக உண்ணுங்கள். அவற்றில் பழங்கள், காய்கள் போன்றவை அதிகமாக இருக்க வேண்டும். கொழுப்புச் சத்து குறைந்த மாமிசம், நிறைவுற்ற கொழுப்பு, கொலஸ்ட்ரால் போன்றவற்றை குறைந்த அளவு உண்ணலாம்.

ஆரோக்கியமான உடல் எடையைப் பராமரியுங்கள்.

சுறுசுறுப்பாக இருங்கள்.

மேற்கண்ட செயல்பாடுகள் மூலம் உங்களுக்கு உள்ள ரத்த மிகைக் கொழுப்பின் அளவு குறையவில்லை என்றால், மருத்துவர் சில மருந்துகளைப் பரிந்துரைப்பார்.

வெளிப்படையாக மாற்றங்கள் தெரியாவிட்டாலும் மருத்துவர் தரும் மருந்துகளைத் தொடர்ச்சியாகச் சாப்பிடுங்கள். ஆரோக்கியமான வாழ்க்கை முறையைக் கடைப்பிடியுங்கள்.

தி இந்து

**T.N.Balasubramanian** · **T.N.Balasubramanian** Sun Mar 29, 2015 4:22 pm

நல்ல பதிவு .
முக்கியமாக மூத்த குடிமக்கள் வருடம் ஒரு முறையாவது
இரத்தப் பரிசோதனை செய்துக்கொள்ளவேண்டும் .

நல்ல கொழுப்பு --HDL 55mg /dl மேல் இருக்கவேண்டும் (35 க்கு குறையக்கூடாது)
கெட்டக் கொழுப்பு LDL 130mg /dl கீழ் இருக்கவேண்டும் (160 க்கு மேல் இருக்ககூடாது )
(எடுக்கும் முறைக்கு தக்கப்படி கொடுக்கப்பட்ட எண்கள் மாறும் )
ரமணியன்

**Dr.S.Soundarapandian** · **Dr.S.Soundarapandian** Sun Mar 29, 2015 5:01 pm

நல்லதென்ன சார் கெட்டதென்ன சார் ?
காசில்லாத நம் உலகத்திலே !

**ayyasamy ram** · **ayyasamy ram** Sun Mar 29, 2015 5:43 pm

T.N.Balasubramanian wrote:நல்ல பதிவு .
முக்கியமாக மூத்த குடிமக்கள் வருடம் ஒரு முறையாவது
இரத்தப் பரிசோதனை செய்துக்கொள்ளவேண்டும் .

நல்ல கொழுப்பு --HDL 55mg /dl மேல் இருக்கவேண்டும் (35 க்கு குறையக்கூடாது)
கெட்டக் கொழுப்பு LDL 130mg /dl கீழ் இருக்கவேண்டும் (160 க்கு மேல் இருக்ககூடாது )
(எடுக்கும் முறைக்கு தக்கப்படி கொடுக்கப்பட்ட எண்கள் மாறும் )
ரமணியன்

மேற்கோள் செய்த பதிவு: 1127598
-
எந்த கொலஸ்ட்ரால் நல்லது? எந்த கொலஸ்ட்ரால் கெட்டது? 3838410834

**krishnaamma** · **krishnaamma** Sun Mar 29, 2015 6:13 pm

நல்ல பகிர்வு சிவா புன்னகை

...நன்றி !

யினியவன் · யினியவன் Sun Mar 29, 2015 6:51 pm

என் கொழுப்பு இதில் எவ்வகைப்படும் சிவா?

**T.N.Balasubramanian** · **T.N.Balasubramanian** Sun Mar 29, 2015 7:40 pm

யினியவன் wrote:என் கொழுப்பு இதில் எவ்வகைப்படும் சிவா?

மேற்கோள் செய்த பதிவு: 1127627

எல்லாருக்கும் நல்ல /கெட்ட கொழுப்பு இருக்கும் . உங்களுக்கும் இருக்கும் .
இருந்தாலும் உங்கள் கொழுப்பு எந்த வகை உங்களுக்கும் தெரியும்
ரமணியன்

யினியவன் · யினியவன் Sun Mar 29, 2015 8:18 pm

T.N.Balasubramanian wrote:
எல்லாருக்கும் நல்ல /கெட்ட கொழுப்பு இருக்கும் . உங்களுக்கும் இருக்கும் .
இருந்தாலும் உங்கள் கொழுப்பு எந்த வகை உங்களுக்கும் தெரியும்
ரமணியன்

எனக்கு நல்ல கொழுப்பு, பிறருக்கு அது கெட்டதா ஆயிடுதோ அய்யா புன்னகை

**T.N.Balasubramanian** · **T.N.Balasubramanian** Sun Mar 29, 2015 8:21 pm

யினியவன் wrote:
T.N.Balasubramanian wrote:
எல்லாருக்கும் நல்ல /கெட்ட கொழுப்பு இருக்கும் . உங்களுக்கும் இருக்கும் .
இருந்தாலும் உங்கள் கொழுப்பு எந்த வகை உங்களுக்கும் தெரியும்
ரமணியன்

எனக்கு நல்ல கொழுப்பு, பிறருக்கு அது கெட்டதா ஆயிடுதோ அய்யா

மேற்கோள் செய்த பதிவு: 1127632

அய்யோ, நான் இல்லை

ரமணியன்

யினியவன் · யினியவன் Sun Mar 29, 2015 8:23 pm

T.N.Balasubramanian wrote:
யினியவன் wrote:
T.N.Balasubramanian wrote:
எல்லாருக்கும் நல்ல /கெட்ட கொழுப்பு இருக்கும் . உங்களுக்கும் இருக்கும் .
இருந்தாலும் உங்கள் கொழுப்பு எந்த வகை உங்களுக்கும் தெரியும்
ரமணியன்

எனக்கு நல்ல கொழுப்பு, பிறருக்கு அது கெட்டதா ஆயிடுதோ அய்யா

ரமணியன்

அப்படித்தான் போலிருக்கு - ஓடுவதில் இருந்தே தெரியுது புன்னகை

அய்யய்யோ வயசான காலத்தில அய்யாவ ஓட விட்டுட்டோமே

Sponsored content · Sponsored content

எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

Re: எந்த கொலஸ்ட்ரால் நல்லது? எந்த கொலஸ்ட்ரால் கெட்டது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக