பி.எஸ்.எல்.வி சி- 27 - வெற்றிகரமாக விண்ணில் ஏவப்பட்டது!

by **சிவா** Sat Mar 28, 2015 7:46 pm

ஸ்ரீஹரிகோட்டா : புவிசார் வழிகாட்டி தொழில்நுட்பத்திற்காக பி.எஸ்.எல்.வி சி- 27 ராக்கெட் இன்று விண்ணில் ஏவப்பட்டது. இந்த ராக்கெட், ஐ.ஆர்.என்.எஸ்.எஸ்.-1டி செயற்கை கோள் தாங்கி சென்றது. பி.எஸ்.எல்.வி சி 27 சுமந்து செல்லும் 4 வது செயற்கை கோள் இது.

ஸ்ரீரீஹரிகோட்டாவில் உள்ள சதீஷ்தவான் விண்வெளி மையத்தில் இருந்து இன்று மாலை 5.19 மணிக்கு இந்த ராக்கெட் ஏவப்பட்டது. புவி வழிகாட்டி செயற்கை கோளான ஐ.ஆர்.என்.எஸ்.எஸ்., 1டி.-யை ராக்கெட் சுமந்து சென்றது. ராணுவத்திற்கு உதவும், போர்க்கால நேரத்தில் நமது எல்லை வான் மற்றும் தரை வழி விஷயங்களை இச்செயற்கைக்கோள் கண்காணிக்கும் .

ஜி.பி.எஸ்., இந்த தொழில் நுட்ப வசதியை நாம் அமெரிக்கா மூலம் பெற்று வந்தோம். இனி இவ்வாறு கை ஏந்தி வேண்டிய நிலை ஏற்படாது.

இஸ்ரோ விஞ்ஞானி தேவ்கன் கூறுகையில், இந்த ராக்கெட்டால் இந்தியாவிற்கு சொந்தமான ஜி.பி.எஸ்., வசதி பெற முடியும். என்றார்.