வங்க தேச ரசிகர்களிடம் இந்திய ரசிகர்கள் பாடம் கற்க வேண்டும்!

**சிவா** · **சிவா** Fri Mar 27, 2015 6:44 pm

உலகக் கோப்பை போட்டியில் வங்கதேச அணி காலிறுதி ஆட்டத்தில் இந்திய அணியிடம் தோல்வி கண்டு வெளியேறியது. அடுத்து தென்ஆப்ரிக்க அணி நியூசிலாந்து அணியிடம் பரிதாபகரமான முறையில் தோல்வி கண்டது. அதற்காக அந்த வீரர்களுக்கு எதிராக அந்த நாடுகளில் போராட்டங்கள் நடைபெறவில்லை. வீரர்களின் வீடுகளுக்கு பாதுகாப்பு போடப்படவில்லை, வீரர்களின் படங்கள் எரிக்கப்படவில்லை.

வங்க தேச ரசிகர்களிடம் இந்திய ரசிகர்கள் பாடம் கற்க வேண்டும்! Ind%281%29

வங்கதேச ரசிகர்கள் தங்கள் வீரர்கள் திறமையான முறையில் விளையாடியதாகவும் நடுவர்கள் செய்த தவறால்தான் தோற்றதாகவும் முழுமையாக தங்கள் வீரர்களின் பக்கம் இருந்தார். அந்த நாட்டு பிரதமர் ஷேக் ஹசினா ஒரு படி மேலே போய், நடுவர்கள் செய்த தவறால்தான் தங்கள் நாடு தோற்றதற்கு காரணம் என்று வெளிப்படையாகவே குற்றம் சாட்டினார்.

வங்க தேச ரசிகர்களிடம் இந்திய ரசிகர்கள் பாடம் கற்க வேண்டும்! Ind4

அதேபோல் தோல்வி கண்டு தாய்நாடு திரும்பிய தென்ஆப்ரிக்க வீரர்களை அந்நாட்டு ரசிகர்கள் ஜோகன்ஸ்பர்க் விமானநிலையத்தில் அன்புடன் வரவேற்றனர். வீரர்களுடன் செல்ஃபி எடுத்துக் கொண்டு உற்சாகமான அளவாளவினர். அடுத்த உலகக் கோப்பையில் கோப்பையை வென்று நாட்டுக்கு பெருமை சேர்க்க வேண்டுமென்று அன்பு கட்டளையிட்டனர். உலகக் கோப்பை போட்டியில் தொடர்ந்து பரிதாப தோல்வியை சந்தித்து வரும் தென்ஆப்ரிக்க வீரர்களுக்கு இந்த ஆறுதல் இதமளித்தது. வீரர்கள் மனநிறைவுடன் வீட்டுக்கு சென்றனர்.

வங்க தேச ரசிகர்களிடம் இந்திய ரசிகர்கள் பாடம் கற்க வேண்டும்! Ind3

ஆனால் இந்தியாவில் என்ன நடக்கிறது? கடந்த 1983ஆம் ஆண்டுக்கு பிறகு கடந்த 2011ஆம் ஆண்டுவரை 28 ஆண்டுகளுக்கு பிறகு இந்திய அணி உலகக் கோப்பையை வென்றது. அதற்கு முன்பு 1999 முதல் 2007ஆம் ஆண்டு வரை ஆஸ்திரேலிய அணிதான் தொடர்ச்சியாக மூன்று முறை கோப்பையை வென்று சாதனை படைத்திருந்தது. கடந்த உலகக் கோப்பை போட்டியின் போது ஆஸ்திரேலிய அணி காலிறுதி சுற்றில் இந்திய அணியிடம் தோல்வி கண்டு வெளியேறியது. உடனே ஆஸ்திரேலிய வீரர்களை அந்த நாட்டு ரசிகர்கள் அவமானப்படுத்தும் விதத்தில் நடக்கவில்லை.

மாறாக வெற்றி தோல்வி விளையாட்டில் சகஜம் என்பதை புரிந்து வைத்துள்ளனர். ஆனால் 28 ஆண்டுகளுக்கு பிறகு உலகக் கோப்பையை வென்ற அணி தொடர்ந்து கோப்பையை தக்க வைத்துக்கொள்ள வேண்டுமென்று நினைப்பது எந்தவிதத்தில் நியாயம்? அப்படி பார்த்தால் மூன்று முறை கோப்பையை வென்ற ஆஸ்திரேலிய அணி வீரர்களை அந்தநாட்டு ரசிகர்கள் என்ன செய்திருக்க வேண்டும்?

வங்க தேச ரசிகர்களிடம் இந்திய ரசிகர்கள் பாடம் கற்க வேண்டும்! Inn2%281%29

வெற்றி பெற்றால் கொண்டாடுவதும் வீரர்களை கடவுள் அளவிற்கு தூக்கிப் பிடிப்பதும் தோல்வியடைந்தால் அடுத்த நாளே காலுக்குள் போட்டு மிதிப்பதும் இந்தியாவில்தான் தொடர்கிறது. இந்த நிலை மாறவேண்டுமென்பதே விளையாட்டு ஆர்வலர்களின் விருப்பம்.

வங்க தேச ரசிகர்களிடம் இந்திய ரசிகர்கள் பாடம் கற்க வேண்டும்! Ind1

தற்போது இந்திய அணி ஆஸ்திரேலிய நாட்டில் இருந்து தாய்நாட்டுக்கு திரும்பிக் கொண்டிருக்கிறது. வீரர்கள் இன்னும் சில மணி நேரத்தில் இந்தியாவுக்குள் கால் வைக்கலாம். இப்போது வீரர்களை வரவேற்க விமான நிலையத்துக்கு செல்லுங்கள். அவர்களுக்கு மனதளவில் ஆறுதலாக இருங்கள். தோல்வியை இயல்பாக எடுத்துக் கொள்ளும் பக்குவமான மனநிலைக்கு மாறுங்கள்.

தோல்வியடையும்போது ஆறுதல் அளிக்காத ரசிகர்களுக்கு வெற்றியை கொண்டாடவும் உரிமை இல்லை என்ற தார்மீக உண்மையையும் ரசிகர்கள் உணர வேண்டும்.!

**ayyasamy ram** · **ayyasamy ram** Fri Mar 27, 2015 6:55 pm

கிரிக்கெட்டில் இந்தியா வெற்றி பெற வேண்டி
நாக்கை அறுத்து காணிக்கை செலுத்தியுள்ளார்
(ஜோலார் பேட்டை அருகே)
ஒரு தொழிலாளி...!!
-
சோகம்

நவீன் · நவீன் Sat Mar 28, 2015 11:58 am

ayyasamy ram wrote:கிரிக்கெட்டில் இந்தியா வெற்றி பெற வேண்டி
நாக்கை அறுத்து காணிக்கை செலுத்தியுள்ளார்
(ஜோலார் பேட்டை அருகே)
ஒரு தொழிலாளி...!!
-

மேற்கோள் செய்த பதிவு: 1127270

என்ன கொடுமை சார் இது

**M.Saranya** · **M.Saranya** Sat Mar 28, 2015 3:08 pm

நவீன் wrote:
ayyasamy ram wrote:கிரிக்கெட்டில் இந்தியா வெற்றி பெற வேண்டி
நாக்கை அறுத்து காணிக்கை செலுத்தியுள்ளார்
(ஜோலார் பேட்டை அருகே)
ஒரு தொழிலாளி...!!
-

மேற்கோள் செய்த பதிவு: 1127270