ஆதார் பேஜார்!

ஆதார் அட்டையே அனைத்துக்கும் ஆதாரம் என்றாகி
விட்டது இன்றைய நிலை. ஆனால், ஆதாருக்கு பதிவு
செய்து இரண்டு வருடங்களுக்கு மேல் காத்திருந்தும்
இன்னும் அட்டை வழங்கப்படவில்லை என்று
புகார்களும், இதில் பல குளறுபடிகள் இருப்பதாக
குமுறல்களும் கிளம்பியுள்ளது.
–
ஏன் இந்தக் குழப்பம்?
என்று மக்கள் தொகைக் கணக்கெடுப்பு துறையின் மாநில
இணை இயக்குனர் கிருஷ்ணாராவிடம் விளக்கம் கேட்டோம்.
–
“பொதுவாக ஒருவரின் கைரேகையைப் பதிவு செய்யும்
போது ஏற்கெனவே பதிவு செய்யப்பட்ட 5 கோடியே
21 லட்சம் பேருடைய கைரேகையுடன் பொருந்திப்
போகிறதா என்று ஸ்கேன் செய்யப்படும்.
–
அதனுடன் மேட்ச் ஆகாமல் இருந்தாலே பதிவு செய்யப்
படும். இப்படி பலகட்ட சரிபார்ப்புக்குப் பிறகு சிலருக்குப்
பதிவு ரிஜக்ட் ஆகியிருக்கும்.
–
உதாரணத்திற்கு ஒருவரை போட்டோ எடுக்கும்போது
சரியாக விழாமல் இருந்திருக்கலாம். அதேபோல்
வயதானவர்கள் கைரேகை தெளிவாக இல்லாத பட்சத்தில்
பதிவாவதில் சிக்கல் ஏற்படும் விழித்திரையைப் பதிவு
செய்யும்போது சிலர் கண்களை சரியாகத் திறக்காமல்,
ஊழியர்களுக்கு சரியான ஒத்துழைப்பைக் கொடுக்காமல்
இருந்திருந்தாலும் அவர்களுக்கு ரிஜக்ட் ஆகியிருக்கும்.
–
உங்கள் பதிவு ரிஜக்ட் செய்யப்பட்டிருந்தால் உங்கள்
செல் நம்பருக்கு ரிஜக்ட் ஆன தகவல் கிடைத்ததும்
மறுபடியும் ஒருமுறை உடற்கூறு பதிவு செய்ய வரவேண்டும்.

சிலர் தங்களது தொடர்பு எண்ணாக லேண்ட் லைன்
எண்ணைக் கொடுத்திருக்கிறார்கள் அவர்களுக்குத் தகவல்
வராது.

ரிஜக்ட் ஆனவர்களுக்கு முறைப்படி குறுந்தகவ் அனுப்பப்
படுகிறது. இதை பலரும் கவனிப்பதில்லை.
தபால் துறையிலும் சில இடங்களில் சரியான முறையில்
ஆதார் அட்டையைக் கொண்டுபோய் சேர்ப்பிக்கப்படாமல்
இருக்கலாம்.
அட்டை கிடைக்கப் பெறாதவர்கள்
சென்று உங்கள் அட்டைக்கான தற்போதைய நிலையைப்
பார்த்துக் கொள்ளலாம்’ என்கிறார்.
–
————————————————-–
அமலன் – கல்கி