களவாடப்பட்ட பொழுதுகள்!

**ayyasamy ram** · **ayyasamy ram** Sun Feb 15, 2015 7:39 am

-

முன்பு…
அலுவலகம் சென்று
வேலை பார்ப்பது என்றால்
அனைவருக்குமே
அலாதி இன்பம் தான்!

அலுவலகத்தில் நுழையும் போதே…
ஆங்காங்கே புன்னகை தென்றலும்
நட்பு மலர்களும் பூத்து
நல்லிணக்க வாசம் வீசும்!

சிறகடித்து பறக்கும்
வண்ணத்துப் பூச்சிகளாய்
இங்குமெங்கும் சுறுசுறுப்பாய்
இயங்கும் காட்சி
காண்போர் விழிகளை
வியக்க வைக்கும்!

விதவிதமான அனுபவங்கள்
வியக்க வைக்கும் படிப்பினைகள் என
பயிற்றுவிக்கும் பட்டறையாய்
அலுவலகம் திகழ்வதால்
பணிபுரிவோருக்கு அது ஓர்
பல்கலைக்கழகம்!

வாழ்க்கை வளமாக
எண்ணற்ற கனவுகளோடும்
ஏராளமான எதிர்பார்ப்புகளோடும்
அலுவலகத்தில் நுழைபவன்
உறுதியான உள்ளத்தோடும்
தளராத தன்னம்பிக்கையோடும்
உழைப்பதனால்
அலுவலகம் ஆலயமாகிறது!

புதுப் பணியாளர்களின்
புரிதலுக்காக
அலுவலக நடைமுறையை
அனுபவசாலிகள் சிலர்
புன்முறுவலோடு பயிற்றுவிப்பர்!

திருமணம்
பிறந்த நாள் போன்ற வைபவங்கள்
எவருக்கேனும் வந்து விட்டால்…
குடும்ப விழாக்கள் போன்று
குதூகலிக்கும்!

அலைபேசியில் பாதி நேரம்
கணினியில் மீதி நேரமென
அசுர கதியில் இயங்கும்
இன்றைய அலுவலக சூழலில்
களவாடப்பட்டது எது?
அன்பும், பண்பும், பரிவும், பாசமும் தானா!
-

=======================================
— ஜி.குணசேகரன், சேலையூர்.
நன்றி–வாரமலர்

**T.N.Balasubramanian** · **T.N.Balasubramanian** Sun Feb 15, 2015 8:24 am

அலைபேசியில் பாதி நேரம்
கணினியில் மீதி நேரமென
அசுர கதியில் இயங்கும்
இன்றைய அலுவலக சூழலில்
களவாடப்பட்டது எது?
அன்பும், பண்பும், பரிவும், பாசமும் தானா!
-