அரசு இணையத்தில் நீக்கப்படாத 'முதல்வர் ஜெயலலிதா'!

by **சிவா** Wed Mar 25, 2015 12:42 pm

சென்னை: தமிழக அரசின் செய்தி மற்றும் மக்கள் தொடர்புத்துறை இணையத்தில் முன்னாள் முதல்வர் ஜெயலலிதாவின் பெயர் இன்னும் நீக்கப்படாமல் உள்ளது.

வருமானத்திற்கு அதிகமான சொத்து சேர்த்ததாக தமிழக முன்னாள் முதல்வரும், அ.தி.மு.க. பொதுச் செயலாளருமான ஜெயலலிதா, அவரது தோழி சசிகலா, இளவரசி மற்றும் சுதாகரன் ஆகியோருக்கு கர்நாடக சிறப்பு நீதிமன்றம் 4 ஆண்டு சிறை தண்டனை விதித்தது.

இதையடுத்து, ஜெயலலிதா வகித்து வந்த முதலமைச்சர் பதவியும், ஸ்ரீரங்கம் தொகுதியின் எம்.எல்.ஏ. பதவியும் பறிபோனது. தமிழகத்தின் புதிய முதல்வராக ஓ.பன்னீர்செல்வம் கடந்த ஆண்டு செப்டம்பர் 29ஆம்தேதி பதவியேற்றார்.

ஆனால், தமிழக அரசின் இணையதளத்தில் தமிழக முதல்வர் ஜெயலலிதா என்றே பல மாதங்களாக இருப்பதாக புகார் எழுந்தது. இதையடுத்து அந்த இணையதளத்தில் ஜெயலலிதா பெயரை மாற்றிவிட்டு, தமிழக முதல்வர் ஓ.பன்னீர்செல்வம் பெயர் இடம் பெற்றது.

இந்நிலையில், ஜெயலலிதா பதவி பறிக்கப்பட்ட சுமார் 6 மாதம் ஆகிவிட்ட நிலையிலும், தமிழக அரசின் 'செய்தி மற்றும் மக்கள் தொடர்புத்துறை இணையதளத்தில், ஜெயலலிதாவே இன்னும் தமிழக முதல்வர் என்பது போன்று குறிப்பிடப்பட்டிருக்கிறது.

சட்டசபை, மாநகராட்சி, நகர்மன்றம், காவல்துறை என தமிழகத்தில் உள்ள அனைத்து அரசு அலுவலகங்களிலும் ஜெயலலிதா படம் வைக்கப்பட்டுள்ளதாகவும், அவற்றை நீக்க வேண்டும் எனவும் எதிர்க்கட்சிகள் குற்றம் சாட்டி வரும் நிலையில், அரசு இணையதளத்திலும் ஜெயலலிதா பெயர் நீக்கப்படாமல் இருப்பது எதிர்கட்சிகளிடையே பெரும் கொந்தளிப்பை ஏற்படுத்தியுள்ளது.

[note]அதிமுகவினர் தொடர்ந்து செய்து வரும் அக்கிரமங்களை அடக்க ஒரே வழிதான் உள்ளது!

ஆட்சியைக் கலைத்துவிட்டு, அடுத்த 10 ஆண்டுகளுக்கு அதிமுக தேர்தலில் போட்டியிடக் கூடாது என்று தடை விதிப்பதுதான்!

ஏண்டா இப்படியெல்லாம் பேசுற?

அதுதான் கருத்து சுதந்திரம் கிடைச்சிருச்சே! அதனால் தான்

[/note]

by **ராஜா** Wed Mar 25, 2015 12:58 pm

எப்படி நீக்குவார்கள் ?! முதுகெலும்பு இல்லாத முண்டங்களை தானே டம்மி பீசா தன பக்கத்தில் வைத்திருப்பார்.

by யினியவன் Wed Mar 25, 2015 1:57 pm

கொட நாட்டு முதல்வர் கொடா நாட்டு முதல்வர் ஆச்சே - அதிகாரம், சுதந்திரம் கொடா முதல்வர்

இவருக்கு விடுதலை மட்டும் கொடா தீர்ப்பை வழங்க வேண்டும் விரைவில்.

by **T.N.Balasubramanian** Wed Mar 25, 2015 2:31 pm

இன்னும் இன்னும் என்னென்ன தமாஷுகளோ
வண்ண வண்ண நிறங்களில் வரப்போகுதோ !
ரமணியன்

by **ayyasamy ram** Wed Mar 25, 2015 4:04 pm

-
மேல்முறையீடு மீதான வழக்கின்
தீர்ப்பு வரும்வரை
இந்நிலை நீடித்தால் வியப்பதற்கில்லை...!!

by **ayyasamy ram** Wed Mar 25, 2015 4:05 pm

உங்களுக்குத் தெரியுமா..?
-
ராஜ்ய சபா எம்.பி.ஆன கனிமொழி 1968 ல் பிறந்தவர்
-
ஆனால் ராஜ்ய சபா இணையத்தில் அவரைப்பற்றிய
குறிப்பில் சுதந்திர போராட்ட வீரராக குறித்திருந்தார்கள்
-

by யினியவன் Wed Mar 25, 2015 4:07 pm

ayyasamy ram wrote:உங்களுக்குத் தெரியுமா..?
-
ராஜ்ய சபா எம்.பி.ஆன கனிமொழி 1968 ல் பிறந்தவர்
-
ஆனால் ராஜ்ய சபா இணையத்தில் அவரைப்பற்றிய
குறிப்பில் சுதந்திர போராட்ட வீரராக குறித்திருந்தார்கள்
-

அட சூப்பரப்பு - குடும்ப சுதந்திரத்த சொல்லிருப்பானுகளோ புன்னகை

by **T.N.Balasubramanian** Wed Mar 25, 2015 8:56 pm

ayyasamy ram wrote:உங்களுக்குத் தெரியுமா..?
-
ராஜ்ய சபா எம்.பி.ஆன கனிமொழி 1968 ல் பிறந்தவர்
-
ஆனால் ராஜ்ய சபா இணையத்தில் அவரைப்பற்றிய
குறிப்பில் சுதந்திர போராட்ட வீரராக குறித்திருந்தார்கள்
-

மேற்கோள் செய்த பதிவு: 1127021

கரெக்ட்டுதான் . ஒரே ஒரு எழுத்து(சு) தவறுதலாக சேர்க்கப்பட்டு விட்டது
ரமணியன்