கன்னியாகுமரி

அபிரூபன் · அபிரூபன் Mon Mar 23, 2015 10:40 pm

கன்னியாகுமரி எக்ஸ்பிரஸில் சென்னையில் இருந்து நம்ம ஊருக்கு ஒரு பயணம்.

மாலை 5.30 சென்னையில ஏறியதும் உடனே நாகர்கோவில் வந்து விடாதா என்று ஓரு ஏக்கம்.

கொஞ்ச தூரம் வரை வேடிக்கை பார்ப்போம்.

விழுப்புரம் வரை ஒரு தூக்கம். அங்க ஒரு டீ வடை வாங்கி சாப்பிட தோணும்.

நம்ம ஊரு டீ வடை சாப்பிட்டவங்களுக்கு இதெல்லாம் வாயில வைக்கவே பிடிக்காது.

பிறகு ரயிலில் திருச்சி வர மறுபடியும் குட்டி தூக்கம் அங்க முழிச்சுக்குவோம்.

எப்போ நம்ம ஊரு வரும்னு ஒரு ஏக்கம் மனதில் இருக்கும்.

காலையில் நம்ம அப்பா/அம்மா,தம்பி/தங்கச்சிய பார்க்க போறோம் என்கிற சந்தோஷத்தில் மறுபடியும் ஒரு குட்டி தூக்கம்.

திருநெல்வேலி வந்ததும் மனசுக்குள்ள ஒரு பூரிப்பு. நம்ம எல்லைக்குள்ள வந்துட்டா மாதிரி.

இன்னும் 1.30 மணி நேரத்துல ஊருக்கு போய்விடுவோம் என்ற அளவில்லாத சந்தோஷத்தில் இருப்போம்.

வள்ளியூர் வந்ததும் மக்கா ஊருக்கு வந்துட்டேன் மக்கா நாகர்கோவில் ஸ்டேஷனுக்கு வந்துருடானு ஒரு ஃபோன போடுவோம் நம்ம உயிர் நண்பனுக்கு.

அதிகாலை ஆரல்வாய்மொழி வந்ததும் ஒரு மணம் கலந்த காற்று வீசும் பாருங்க அய்ய்ய்யோ அப்படி மணம் நமது மாவட்ட காற்றுக்கும் ஏதோ உணர்வு இருப்பது போல்.

நாகர்காவிலில் தோராயமா காலை 6.15 இறங்கி நம்ம மண்ணுல கால வைச்சதும் உள்ளத்தில் ஒரு சிலிர்ப்பு வரும் பாருங்க சொன்னா புரியாது அனுபவத்தால்தான் தெரியும்..