பாகிஸ்தான்: ராணுவத் தாக்குதலில் 80 பயங்கரவாதிகள் பலி

by **ayyasamy ram** Sun Mar 22, 2015 6:49 am

பாகிஸ்தானின் வடமேற்குப் பகுதியில், அந்நாட்டு ராணுவத்தினர் சனிக்கிழமை நடத்திய தாக்குதலில், பயங்கரவாதிகள் 80 பேர் கொல்லப்பட்டனர்.

இதுகுறித்து பாகிஸ்தான் ராணுவ செய்தித் தொடர்பாளர் அசீம் பஜ்வா கூறியதாவது:

ஆப்கானிஸ்தான் எல்லையோரத்தில் உள்ள பழங்குடியினர் பகுதியான கைபர் மாவட்டத்தில், பயங்கரவாதிகளின் நடமாட்டத்தை அடியோடு அழிக்கும் நோக்கில், பாகிஸ்தான் ராணுவம் தொடர்ந்து தேடுதல் வேட்டையில் ஈடுபட்டு வருகிறது.

இந்தப் பகுதியில், ராணுவம் சனிக்கிழமை நடத்திய வான்வழி, தரைவழித் தாக்குதல்களில் 80 பயங்கரவாதிகள் கொல்லப்பட்டனர்; 100-க்கும் அதிகமானோர் படுகாயமடைந்தனர். சண்டையில், பாதுகாப்புப் படை வீரர்கள் 7 பேரும் உயிரிழந்தனர். இந்தப் பகுதியில், பயங்கரவாத நடவடிக்கைகளை முற்றிலும் ஒழிக்கும்வரை, ராணுவ நடவடிக்கைகள் தொடரும் என்று அசீம் பஜ்வா தெரிவித்தார்.

பெஷாவரில், பாகிஸ்தான் ராணுவத்தால் நடத்தப்பட்டு வரும் பள்ளியில், கடந்த ஆண்டு டிசம்பரில், தாலிபான் பயங்கரவாதி நடத்திய தாக்குதலில், மாணவர்கள் உள்ளிட்ட 150 பேர் கொல்லப்பட்டதையடுத்து, தாலிபான்களுக்கு எதிரான "கைபர்-1 ஆபரேஷன்' என்னும் தாக்குதல் நடவடிக்கையை பாகிஸ்தான் ராணுவம் மேற்கொண்டு வருகிறது.
---
தினமணி

by **ராஜா** Sun Mar 22, 2015 12:06 pm

சும்மாவா சொன்னாங்க

"வினை விதைத்தவன் வினை அறுப்பான் திணை விதைத்தவன் திணை அறுப்பான் "

by யினியவன் Sun Mar 22, 2015 1:03 pm

இத நம்பனுமா?

அமெரிக்காவுக்கு பயந்து சீன போடுவானுக

by **SajeevJino** Sun Mar 22, 2015 9:56 pm

யினியவன் wrote:இத நம்பனுமா?

அமெரிக்காவுக்கு பயந்து சீன போடுவானுக

மேற்கோள் செய்த பதிவு: 1126438

50 பேரைக் கொன்றோம் 100 பேரைக் கொன்றம் என்று செய்தி மட்டும் தான் வருகிறதே தவிர அதை குறித்த போட்டோ ஆதாரங்களை வெளியிட பாகிஸ்தான் மறுப்பது ஏன் என்று தான் தெரியவில்லை