இறந்த பெண் ஊழியருக்கு பதவி உயர்வு: போக்குவரத்து ஆணையர் அலுவலகம் 'காமெடி'

by **சிவா** Sat Mar 21, 2015 10:25 am

சென்னை : பணியின் போது இறந்த பெண் ஊழியரை, மூன்று மாதங்களுக்கு பிறகு, பதவி உயர்வுடன் இடமாற்றம் செய்திருப்பதாக, அதிகாரிகள் உத்தரவு பிறப்பித்திருப்பது, அதிர்ச்சியை, ஏற்படுத்தி உள்ளது.

திருநெல்வேலி மாவட்டம், கடயம் பகுதியை சேர்ந்தவர் கண்ணம்மாள், 40. இவர், சில ஆண்டுகளுக்கு முன், கருணை அடிப்படையில், திருநெல்வேலி வட்டார போக்குவரத்து அலுவலகத்தில், டைப்பிஸ்டாக பணியில் சேர்ந்தார்.கடந்த டிசம்பர், 17ம் தேதி, மாரடைப்பால் இறந்தார். இது குறித்த தகவலை, அலுவலக ஊழியர்கள், உயர்அதிகாரிகளுக்கு தெரியப்படுத்தினர்.

இந்நிலையில், கடந்த, 13ம் தேதி, மறைந்தகண்ணம்மாளுக்கு, உதவி யாளராக பதவி உயர்வு வழங்கி, அவர் தென்காசி வட்டார போக்குவரத்து அலுவலகத்தில், காலியாக உள்ள இடத்திற்கு, இடமாற்றம் செய்யப்படுவதாக, சென்னையில் உள்ள, போக்குவரத்து ஆணையர் அலுவலகம் உத்தரவிட்டுள்ளது.போக்குவரத்து ஆணையர் சார்பில், வீரபாண்டியன் என்பவர் இந்த உத்தரவை பிறப்பித்துள்ளார்.பணியில் இருப்போருக்கு, பதவி உயர்வு வழங்க, அதிகாரிகள் மறுத்து வரும் நிலையில், மறைந்த ஊழியருக்கு, பதவி உயர்வுடன், இடமாறுதல் வழங்கி உத்தரவு பிறப்பிக்கப்பட்டுள்ளது, அதிகாரிகளின் செயல்பாடுகளை கேள்விக்குறியாக்கி உள்ளது.

by **Dr.S.Soundarapandian** Sat Mar 21, 2015 3:31 pm

சிவா அவர்களே !
தரையில் பிறக்கவிட்டான் ! - எங்களைக்
கேள்விக்குறிகளில் தவிக்கவிட்டான் !

by **T.N.Balasubramanian** Sat Mar 21, 2015 3:55 pm

இந்த செய்தி வெளிவராமல் இருந்திருந்தால் ,
6 மாதம் கழித்து ,வேறொரு செய்தி வந்திருக்கும் .
"இறந்தவர் பெயரில் , பதவி உயர்வு பெற்று , வேறொரு இடத்தில்
வேலை பார்த்துக்கொண்டு இருந்தவர் , கைது "
இது எப்பிடி ................!?
ரமணியன்