பெற்றோர்களின் பேராதரவுடன் பிட் அடிக்கும் 10-ம் வகுப்பு மாணவர்கள்

தேர்வில் காப்பி அடிக்கும் மாணவர்கள் பறக்கும் படையினரைப் பார்த்து பயந்து நடுங்குவதுதான் வழக்கம். ஆனால் காப்பி அடிக்கும் மாணவர்களின் தந்திர நடவடிக்கைகளைப் பார்த்து பறக்கும் படை அதிகாரிகள் மட்டுமல்ல பீகார் போலீசாரே செய்வதறியாமல் திணறி வருகின்றனர்.

பீகார் மாநிலம் ஹாஜிபூரில் 10-ம் வகுப்பு தேர்வு நடக்கும் பள்ளி ஏதோ யுத்தக்களம் போல் காட்சியளிக்கிறது. மாணவர்கள் சகஜமாக கையில் கொண்டு வந்திருக்கும் பிட்டைப் பார்த்து தேர்வெழுதுகின்றனர். அவர்கள் கொண்டு வர முடியாமல் போன பிட்டை கொடுப்பதற்காக அவர்களின் நண்பர்கள், குடும்பத்தினர், பெற்றோர் என்று ஒரு பெரிய படையே தேர்வு நடக்கும் பள்ளிக்கு வெளியே முகாமிட்டுள்ளது.

பள்ளிக்கு பின்னால் உள்ள சுவரில் ஏறிக்குதித்து, தேர்வு நடக்கும் 3-வது மாடி வரை ஸ்பைடர்மேன் போன்று ஏறி, தங்கள் பிள்ளைகளை/நண்பர்களை எப்படியும் பரீட்சையில் பாஸ் செய்ய வைத்து விட வேண்டும் என்று உயிரைக் கொடுத்து போராடுகின்றனர். இவர்களைத் தடுக்க பள்ளி வளாகத்திற்குள் துப்பாக்கி ஏந்திய போலீசார் மற்றும் தேர்வுத்துறை சோதனை அதிகாரிகளும் குவிந்துள்ளனர்.

இருந்தும் இந்தக் கொடுமையை கட்டுப்படுத்த முடிவில்லை, இவ்வளவு ஏன் 500 மாணவர்களுக்கு தேர்வெழுதத் தடை விதித்த போதும் கூட யாரும் பயப்படுவதாகத் தெரியவில்லை என்று அங்கலாய்க்கின்றனர் கல்வித் துறை அதிகாரிகள்.

கடந்த வருடம் பிப்ரவரி மாதம் நடந்த 12-ம் வகுப்பு தேர்வின் போது 200 மாணவர்கள் வெளியேற்றப்பட்டனர். அவர்களுக்கு உதவிய 12-க்கும் மேற்பட்ட பெற்றோர்கள் கைது செய்யப்பட்டதும் நினைவு கூரத்தக்கது.

பீகார் கல்வித்துறை இவ்வளவு கேவலமானதா?

இப்படி அப்பட்டமாக பிட் கொடுக்கிறார்கள். ஒருவருக்கு பிட் கொடுக்க 10 ரூபாயாம்! கொடுமையிலும் கொடுமை!

சிவா wrote:பீகார் கல்வித்துறை இவ்வளவு கேவலமானதா?

இப்படி அப்பட்டமாக பிட் கொடுக்கிறார்கள். ஒருவருக்கு பிட் கொடுக்க 10 ரூபாயாம்! கொடுமையிலும் கொடுமை!

ம்..............ஆமாம் சிவா.............ரொம்ப அதிர்ச்சியாக இருக்கு...நம் நாடு எங்கே போகிறது? கண்டிக்க வேண்டிய பெற்றோரே இப்படி இருந்தால்?????????????????

பியர் ப்ரெஷர் என்பது இது தானா ?

கடவுளே - எப்போது தான் இந்த கல்வித்திட்டம் மாறுமோ ?

பீகார் மாநிலத்தில் தேர்வில் காப்பி அடித்த விவகாரத்தில் 900 பேர் கைது

பீகாரில் எஸ்.எஸ்.எல்.சி. தேர்வில் காப்பி அடித்த விவகாரத்தில் 900 பேர் கைது செய்யப்பட்டு உள்ளனர்.

பீகாரில் எஸ்.எஸ்.எல்.சி. மெட்ரிகுலேசன் தேர்வுகள் கடந்த 17-ந்தேதி தொடங்கியது. மாநிலம் முழுவதும் அமைக்கப்பட்டுள்ள 1217 மையங்களில், 14.26 லட்சம் மாணவ-மாணவிகள் தேர்வு எழுதி வருகின்றனர். இந்த தேர்வில் மாணவர்கள் காப்பி அடிக்க உதவியாக, அவர்களின் பெற்றோர் மற்றும் உறவினர்களே ‘பிட்’ வழங்கினர். இது தொடர்பான படங்கள் ஊடகங்களில் வெளியாகி பரபரப்பை ஏற்படுத்தின. இது பீகார் மட்டுமின்றி நாடு முழுவதும் பெரும் அதிர்ச்சியை ஏற்படுத்தியது.

இந்த சம்பவம் பீகார் மாநில அரசுக்கு பெரும் அவப்பெயரை ஏற்படுத்தி உள்ளது. எனவே மீதமுள்ள தேர்வுகளை எந்தவித சர்ச்சையும் இன்றி நடத்தி முடிக்க கடும் நடவடிக்கைகளை எடுக்குமாறு முதல்-மந்திரி நிதிஷ்குமார் உத்தரவிட்டார்.

இது குறித்து அவர் கூறுகையில், ‘தேர்வில் நடந்த மோசடிகளால் மாநிலத்துக்கு அவப்பெயர் ஏற்பட்டு உள்ளது. எனவே நடைபெற்று வரும் மெட்ரிகுலேசன் தேர்வில் மோசடிகளை தடுக்குமாறு நான் உத்தரவிட்டு உள்ளேன்’ என்று தெரிவித்தார்.

அதன்படி மாவட்ட நீதிபதிகள் மற்றும் போலீஸ் சூப்பிரண்டுகளை வீடியோ கான்பரன்ஸ் முறையில் தொடர்பு கொண்ட தலைமை செயலாளர் அஞ்சனி குமார் சிங், தேர்வில் முறைகேடுகளை தடுக்க கடும் நடவடிக்கை எடுக்க உத்தரவிட்டார். இதைத்தொடர்ந்து தேர்வு மையங்களில் பாதுகாப்பு பலப்படுத்தப்பட்டு உள்ளது. இதற்காக ஏராளமான போலீசார் தேர்வு மையங்களில் குவிக்கப்பட்டு உள்ளனர். மாவட்ட நீதிபதி மற்றும் போலீஸ் சூப்பிரண்டு ஆகியோர் தேர்வு மையங்களில் ரோந்து சுற்றி வருகின்றனர்.

இதைப்போல தேர்வுகள் அனைத்தும் சிறப்பாக நடைபெறுவதற்காக அதிகாரிகளுக்கு கடுமையான அறிவுரைகள் வழங்கியிருப்பதாக, கல்வித்துறை முதன்மை செயலாளர் ஆர்.கே.மகாஜனும் கூறியுள்ளார்.

இதற்கிடையே மாநிலம் முழுவதும் தேர்வு மோசடிக்கு எதிரான நடவடிக்கைகளை தொடங்கியுள்ள போலீசார், காப்பி அடிக்க உதவியதாக பெற்றோர்கள், உறவினர்கள் என 900 பேரை கைது செய்துள்ளனர்.